ଜାତୀୟ ରାଜପଥ ଓ ରାଜ୍ୟ ରାଜପଥ କଡରେ ଏଣିକି ମିଳିବନି ମଦ, ସୁପ୍ରିମକୋର୍ଟ ଦେଲେ ନୂଆ ନିର୍ଦ୍ଦେଶ
ନୂଆଦିଲ୍ଲୀ: ଏଣିକି ଜାତୀୟ ରାଜପଥ ଓ ରାଜ୍ୟ ରାଜପଥ ଠାରୁ ୫୦୦ ମିଟର ମଧ୍ୟରେ ମଦ ଦୋକାନ ରହିବ ନାହିଁ | ମଦ ଦୋକାନ ଖୋଲିବା ଓ ମଦ ବିକ୍ରି କରିବାକୁ ଲାଇସେନ୍ସ ନ ଦେବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି |
Sambad is now on WhatsApp
Join and get latest news updates delivered to you via WhatsApp
ସେହିପରି କୋର୍ଟ ୨୦ ହଜାର ଜନସଂଖ୍ୟା ବିଶିଷ୍ଟ ଅଂଚଳରେ ଥିବା ମଦ ଦୋକାନ ପାଇଁ ୫୦୦ ମିଟର ପରିବର୍ତ୍ତେ ୨୨୦ ମିଟର ଧାର୍ଯ୍ୟ କରିଛନ୍ତି | ସୁପ୍ରିମକୋର୍ଟ ଏହି ମାମଲାରେ ରାଜ୍ୟ ସରକାର ଓ କେନ୍ଦ୍ର ଶାସିତ ପ୍ରଦେଶ ମାନଙ୍କୁ ନିର୍ଦ୍ଦେଶ ଦେଇ କହିଛନ୍ତି ଯେ ସଡ଼କ ଓ ପରିବହନ ମନ୍ତ୍ରାଳୟ ବିଭିନ୍ନ ସମୟରେ ରାଜ୍ୟ ସରକାର ମାନଙ୍କୁ ଏବାବଦରେ ଅନୁରୋଧ କରିଥାଏ |
ଏହାଛଡା ମୋଟର ବାହନ ଅଧିନିୟମରେ କଡା ନିୟମ ମଧ୍ୟ ପ୍ରଣୟନ କରିଛି | ହେଲେ ରାଜମାର୍ଗ କଡରେ ଚାଲୁଥିବା ବ୍ୟବସାୟ ଉପରେ ମନ୍ତ୍ରାଳୟର ନିୟନ୍ତ୍ରଣ ନଥାଏ | ତେଣୁ ମଦ ଦୋକାନ ହଟାଇବାକୁ ମନ୍ତ୍ରାଳୟ ବିଚାର କରିନଥାନ୍ତି |
ତେଣୁ ସୁପ୍ରିମକୋର୍ଟ ଆଜି ରାଜ୍ୟ ସରକାରମାନଙ୍କୁ ଏହି ମଦ ଦୋକାନକୁ ଲାଇସେନ୍ସ ନ ଦେବାକୁ ନିର୍ଦ୍ଦେଶ ଦେଇଛନ୍ତି |