ନୂଆଦିଲ୍ଲୀ: ଅସ୍ତ୍ରୋପଚାର ସମୟରେ ଜଣେ ୬୦ବର୍ଷୀୟା ବୃଦ୍ଧା ପକୁଡି ଛାଣିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି | ଏପଟେ ଡାକ୍ତର ବୃଦ୍ଧାଙ୍କ ମସ୍ତିଷ୍କ ଅସ୍ତ୍ରୋପଚାର କରୁଥିବା ବେଳେ ସେପଟେ ମହିଳା ନିଜ ପସନ୍ଦର ଅଲିଭ ପକୁଡି ତିଆରି କରୁଥିଲେ | ପ୍ରାୟ ୨ଘଣ୍ଟା ଧରି ଏହି ଅସ୍ତ୍ରୋପଚାର ଚାଲିଥିବା ବେଳେ ୨ଘଣ୍ଟା ମଧ୍ୟରେ ବୃଦ୍ଧା ୯୦ଟି ପକୁଡି ତିଆରି କରିଥିବା ଜଣା ପଡିଛି | ଘଟଣାଟି ଇଟାଲିର ହୋଇଥିବା ବେଳେ ବୃଦ୍ଧା ଏବେ ସୁସ୍ଥ ଅଛନ୍ତି |
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବୃଦ୍ଧାଙ୍କ ମସ୍ତିସ୍କରେ ଟ୍ୟୁମର ଥିବାରୁ ତାଙ୍କର ଅସ୍ତ୍ରୋପଚାର କରାଯାଇଥିଲା | ଟ୍ୟୁମରଟି ମସ୍ତିସ୍କର ବାମ ପଟ ସାମୟିକ ଲୋବରୁ କଢ଼ାଯାଇଥିଲା, ଯାହା ମସ୍ତିଷ୍କରେ ଭାଷା ନିୟନ୍ତ୍ରଣ କରିଥାଏ | ଏହି ଅସ୍ତ୍ରୋପଚାର ସମୟରେ ବୃଦ୍ଧାଙ୍କ ପକ୍ଷାଘାତ ହେବାର ସମ୍ଭାବନା ଥିବା ସହ କଥା କହିବା ଶକ୍ତି ହରାଇବା ସମ୍ଭାବନା ଥିବାରୁ ଡାକ୍ତର ତାଙ୍କୁ ଆନାସ୍ଥେସିଆ ନଦେଇ ଅସ୍ତ୍ରୋପଚାର କରାଯିବ ବୋଲି କହିଥିଲେ | ଏହା ସହ ସମୟ କାଟିବା ପାଇଁ ଅସ୍ତ୍ରୋପଚାର ସମୟରେ ବୃଦ୍ଧା ତାଙ୍କ ମନ ପସନ୍ଦର କାମ ମଧ୍ୟ କରି ପାରିବେ ବୋଲି ଡାକ୍ତର କହିଥିଲେ | ଡାକ୍ତରଙ୍କଠାରୁ ଏହା ଶୁଣିବା ପରେ ବୃଦ୍ଧା ନିଜ ପସନ୍ଦର ଅଲିଭ ପକୁଡି ତିଆରି କରିବେ ବୋଲି ନିଷ୍ପତି ନେଇଥିଲେ |
ଅସ୍ତ୍ରୋପଚାର ଆରମ୍ଭ ହେବା ପରେ ବୃଦ୍ଧା ଅଲିଭରେ ମାଂସ ଭର୍ତି କରି ତାକୁ ବ୍ରେଡ ପାଉଡରରେ ମିଶାଇ ତେଲରେ ଛାଣିଥିଲେ | ଅସ୍ତ୍ରାପଚାର ଶେଷ ହେବା ବେଳକୁ ବୃଦ୍ଧା ପ୍ରାୟ ୯୦ଟି ପକୁଡି ତିଆରି କରି ସାରିଥିଲେ ବୋଲି ଡାକ୍ତର କହିଛନ୍ତି |