କରୋନାଭାଇରସ୍ ବାୟୁବାହୀ ହେବାର ଅନୁସନ୍ଧାନକୁ ନେଇ ଭୟଭୀତ ହେବାର ଆବଶ୍ୟକତା ନାହିଁ: ବିଶେଷଜ୍ଞ
ନୂଆଦିଲ୍ଲୀ: ୨୦୦ରୁ ଅଧିକ ବୈଜ୍ଞାନିକଙ୍କ ଦ୍ବାରା ଦର୍ଶାଯାଇଥିବା ଅଧ୍ୟୟନ ଅନୁଯାୟୀ କରୋନାଭାଇରସ୍ ବାୟୁବାହୀ । ଏହା ବାୟୁ ମାଧ୍ୟମରେ ଲୋକଙ୍କୁ ସଂକ୍ରମିତ କରେ । ଏହି ଅଧ୍ୟୟନ ସାମ୍ନାକୁ ଆସିବା ପରେ ଲୋକେ ଭୟଭୀତ ହୋଇପଡ଼ିଥିଲେ। ତେବେ କରୋନାଭାଇରସ୍ ବାୟୁବାହୀ ହେବାର ଅନୁସନ୍ଧାନକୁ ନେଇ ଭୟଭୀତ ହେବାର ଆବଶ୍ୟକତା ନାହିଁ ବୋଲି ବିଶେଷଜ୍ଞ କହିଛନ୍ତି । ତାଙ୍କ କହିବା ମୁତାବକ,ଏହା ବାୟୁରେ କୌଣସି ସ୍ଥାନରେ ‘ଅସ୍ଥାୟୀ ଭାବରେ’ ଥାଇପାରେ । କିନ୍ତୁ ଏହାର ଅର୍ଥ ନୁହେଁ ଯେ, କରୋନ ଭୂତାଣୁ କଣିକା ବାୟୁରେ ଚାରି ଆଡ଼େ ଉଡ଼ୁଛି ଏବଂ ଏହା ସମସ୍ତଙ୍କୁ ସଂକ୍ରମିତ କରିବ।
Sambad is now on WhatsApp
Join and get latest news updates delivered to you via WhatsApp
ତେଣୁ ଭୟଭୀତ ନ ହୋଇ ସତର୍କ ରୁହନ୍ତୁ । ଅଧିକ ସମୟ ପାଇଁ ମାସ୍କ ପିନ୍ଧିବା ସହ ଭୂତଣେୁଠାରୁ ନିଜକୁ ଦୂରେଇ ରଖିବା ପାଇଁ ସାମାଜିକ ଦୂରତା ଭଳି ସତର୍କତା ଅବଲମ୍ବନ କରନ୍ତୁ ବୋଲି ବୋଲି ସିଏସଆର-ସେଣ୍ଟର ଫର ସେଲୁଲାର ଏବଂ ମଲିକୁଲାର ବାୟୋଲୋଜି (ସିସିଏମବି) ର ନିର୍ଦ୍ଦେଶକ ରାକେଶ ମିଶ୍ର କହିଛନ୍ତି। ସେ କହିଛନ୍ତି ଯେ, କରେନା ଭୂତାଣୁ କିଛି ସମୟ ପାଇଁ ବାୟୁବାହୀ ହୋଇପାରେ । ଜଣେ ଲୋକ କାଶିଲେ ବା ଛିଙ୍କିଲେ ସେଥିରୁ ବାହାରୁଥିବା ବୁନ୍ଦା ବାୟୁମଣ୍ଡଳକୁ ଯାଉଥିଲେ ମଧ୍ୟ ଏହାର ଆକାର ଛୋଟ ଥିବାରୁ ଏହା ବେଶି ସମୟ ପାଇଁ ବାୟୁମଣ୍ଡଳରେ ଜୀବିତ ରହିପାରେ ନାହିଁ । ସେଥିପାଇଁ ଜଣେ ଲୋକକୁ ନିଜକୁ ସଂକ୍ରମଣରୁ ରକ୍ଷା କରିବା ପାଇଁ ଅଧିକ ସମୟ ପର୍ଯ୍ୟନ୍ତ ମାସ୍କ ପିନ୍ଧିବାକୁ ପଡ଼ିବ ଏବଂ ସାମାଜିକ ଦୂରତା ଅବଲମ୍ବନ କରିବାକୁ ହେବ ।
ସୂଚନା ମୁତାବକ, ଏହି ଶ୍ବାସପ୍ରଶ୍ବାସଜନିତ ରୋଗ ବାୟୁବାହିତ ହୋଇ ଲୋକମାନଙ୍କ ଦେହକୁ ବ୍ୟାପୁଛି ବୋଲି ୨୩୯ଜଣ ବୈଜ୍ଞାନିକ ପ୍ରମାଣ କରିବା ସହ କୋଭିଡ୍-୧୯ ସଂକ୍ରମଣ ଗାଇଡାନ୍ସ୍ ନବୀକରଣ କରିବାକୁ ବିଶ୍ବ ସ୍ବାସ୍ଥ୍ୟ ସଙ୍ଗଠନ ନିକଟରେ ଦାବି କରିଥିଲେ। ଏ ନେଇ ଆଜି ନୋବେଲ କରୋନାଭାଇରସ୍ ବାୟୁ ଦ୍ବାରା ବ୍ୟାପୁଥିବା ପ୍ରମାଣକୁ ବିଶ୍ବ ସ୍ବାସ୍ଥ୍ୟ ସଙ୍ଗଠନ ସ୍ବୀକାର କରିଛି।