ମୁଖ୍ୟମନ୍ତ୍ରୀ ପ୍ରାର୍ଥୀଙ୍କ ନାମ ଘୋଷଣା କରିବାର ଆବଶ୍ୟକତା ନାହିଁ: ଶରଦ ପାୱାର

ମୁମ୍ବାଇ: ଚଳିତ ବର୍ଷ ଶେଷରେ ମହାରାଷ୍ଟ୍ରରେ ବିଧାନସଭା ନିର୍ବାଚନ ହେବାକୁ ଯାଉଛି। ସେପଟେ ଏନସିପି (ଶରଦ ପାୱାର ଦଳ) ସଭାପତି ତଥା ବରିଷ୍ଠ ନେତା ଶରଦ ପାୱାର କହିଛନ୍ତି ଯେ ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ପ୍ରାର୍ଥୀଙ୍କ ନାମ ଘୋଷଣା କରିବାର ମହାବିକାଶ ଅଘାଡି (ଏମଭିଏ) ର କୌଣସି ଆବଶ୍ୟକତା ନାହିଁ।

ପାୱାର କହିଛନ୍ତି ଯେ ଗ୍ରାଣ୍ଡ ଆଲାଇନ୍ସ କେବଳ ସାମୂହିକ ନେତୃତ୍ୱରେ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବ। ଏହି ବିବୃତି ଏପରି ଏକ ସମୟରେ ଆସିଛି ଯେତେବେଳେ ଶିବସେନା (ଉଦ୍ଧବ ଦଳ) ସିଏମ୍ ପଦବୀ ପାଇଁ ଉଦ୍ଧବ ଠାକରେଙ୍କ ନାମ ଆଣିବାକୁ ଦାବି କରୁଛନ୍ତି। ତେବେ ପାୱାର ସ୍ପଷ୍ଟ ଭାବେ କହିଛନ୍ତି ଯେ ନିର୍ବାଚନରେ ​ମେଣ୍ଟର ସହଯୋଗୀ ଦଳଙ୍କର  ଜିତିବା  ଆସନ ଉପରେ  ମିଳିତ ମଞ୍ଚର ମୁଖ୍ୟମନ୍ତ୍ରୀ ପ୍ରାର୍ଥୀ  କିଏ ହେବେ ତାହା ନିର୍ଭର କରିବ।

ପାୱାର କହିଛନ୍ତି ଯେ ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ପ୍ରାର୍ଥୀଙ୍କ ନାମ ଘୋଷଣା କରିବାରେ କୌଣସି ଅସୁବିଧା ନାହିଁ। ଏ ବିଷୟରେ ଚିନ୍ତା କରିବାର ମଧ୍ୟ ଆବଶ୍ୟକତା ନାହିଁ।  ନିର୍ବାଚନ ପରବର୍ତ୍ତୀ ଫଳାଫଳ ଆଧାରରେ ସବୁକିଛି ସ୍ଥିର ହେବ। ନିର୍ବାଚନ ପୂର୍ବରୁ ଏହି ପ୍ରକାରର ଚିନ୍ତା କରିବାର ଆବଶ୍ୟକତା ନାହିଁ। ସେ କହିଛନ୍ତି ଯେ ବର୍ତ୍ତମାନ ସମୟରେ ମୁଖ୍ୟମନ୍ତ୍ରୀ ପ୍ରାର୍ଥୀଙ୍କ ନାମ ଦାବି କରିବା ଜରୁରୀ ନାହିଁ। ଆମେ ସମସ୍ତେ ଏକାଠି ବସି ଲୋକଙ୍କ ସହଯୋଗରେ ଏକ ସ୍ଥିର ସରକାର ଗଠନ କରିବୁ। 

ସୂଚନାଯୋଗ୍ୟ, ମହାରାଷ୍ଟ୍ରରେ କଂଗ୍ରେସ, ଉଦ୍ଧବ ଠାକରେଙ୍କ ଶିବସେନା (ୟୁବିଟି) ଏବଂ ଏନସିପି (ଶରଦ ପାୱାର ଦଳ) ହେଉଛି ମହାବିକାଶ ଅଘାଡି (ଏମଭିଏ) ମେଣ୍ଟର ସହଯୋଗୀ ଦଳ। ମହାରାଷ୍ଟ୍ରରେ ଏମଭିଏ ବିଜେପି, ଏକନାଥ ସିନ୍ଦେଙ୍କ ଶିବସେନା ଏବଂ ଅଜିତ ପାୱାରଙ୍କ ଏନସିପି  ମେଣ୍ଟ ଶାସକ ଦଳ ବିରୋଧରେ ପ୍ରତିଦ୍ୱନ୍ଦ୍ୱିତା କରୁଛି।

ଚଳିତ ବର୍ଷ ନଭେମ୍ବର ୨୬ରେ ବିଧାନସଭାର କାର୍ଯ୍ୟକାଳ ଶେଷ ହେବ। ଅକ୍ଟୋବର-ନଭେମ୍ବରରେ ରାଜ୍ୟରେ ୨୮୮ ବିଧାନସଭା ଆସନ ପାଇଁ ନିର୍ବାଚନ ଅନୁଷ୍ଠିତ ହେବ।  ଗତ ନିର୍ବାଚନରେ ​​ବିଜେପି ୧୦୫ ଟି ଆସନ, ଶିବସେନା ୫୬, ଏନସିପି ୫୪ ଏବଂ କଂଗ୍ରେସ ୪୪ଟି ଆସନ ପାଇଥିଲା।

ତେବେ ନିର୍ବାଚନ ପରେ ଶିବସେନା ଏନଡିଏରୁ ଅଲଗା ହୋଇ ଏନସିପି ଏବଂ କଂଗ୍ରେସ ସହିତ ସରକାର ଗଠନ କରିଥିଲା। ଉଦ୍ଧବ ଠାକରେ ମୁଖ୍ୟମନ୍ତ୍ରୀ ହୋଇଥିଲେ। ଜୁନ୍  ୨୦୨୨ରେ, ଶିବସେନାରେ ଆଭ୍ୟନ୍ତରୀଣ ମତଭେଦ ହୋଇଥିଲା, ତାପରେ ଏକନାଥ ସିନ୍ଦେ ଦଳରୁ  ୪୦ଜଣ ବିଧାୟକଙ୍କୁ ନେଇ ଏକ ଗୋଷ୍ଠୀ ଗଠନ କରିଥିଲେ।  ସେମାନଙ୍କ ସମର୍ଥନରେ ଏକନାଥ ସିନ୍ଦେ ମୁଖ୍ୟମନ୍ତ୍ରୀ ହୋଇଥିଲେ। ବର୍ତ୍ତମାନ ଶିବସେନା ଦୁଇଟି ଦଳରେ ବିଭକ୍ତ ହୋଇଛି ଏବଂ ଶରଦ ପାୱାରଙ୍କ ଏନସିପି ମଧ୍ୟ ଦୁଇଟି ଦଳରେ ବିଭକ୍ତ ହୋଇଛି। ଗୋଟିଏ ଶରଦ ପାୱାର ଦଳ ଏବଂ ଅନ୍ୟଟି ଅଜିତ ପାୱାର ଦଳ।

ନିକଟରେ ଶରଦ ପାୱାର ଦାବି କରିଥିଲେ ଏମଭିଏ ଚଳିତ ବର୍ଷ ମହାରାଷ୍ଟ୍ରରେ ହେବାକୁ ଥିବା ନିର୍ବାଚନରେ ​​୨୨୫ ଟି ଆସନ ଜିତିବ। ମହାରାଷ୍ଟ୍ରର ୪୮ଟି ଲୋକସଭା ଆସନ ପାଇଁ ବିଜେପି, ଶିବସେନା (ସିନ୍ଦେ ଦଳ) ଏବଂ ଅଜିତ ପାୱାରଙ୍କ ଏନସିପି ମିଳିତ ଭାବେ ପ୍ରତିଦ୍ୱନ୍ଦ୍ୱିତା କରିଥିଲେ।

ତେବେ, ୨୦୧୯ ତୁଳନାରେ, ଏଥର ମହାରାଷ୍ଟ୍ରରେ ଏନଡିଏ ଏକ ବଡ଼ କ୍ଷତି ସହିଛି। ଏହି ତିନି ଦଳ ମିଳିତ ଭାବେ ମାତ୍ର ୧୯ ଟି ଆସନ ଜିତିଥିଲେ। ଯେଉଁଥିରେ ବିଜେପି ଏବଂ ଶିବସେନା (ସିନ୍ଦେ ଦଳ) ପ୍ରତ୍ୟେକ ୯ ଟି ଏବଂ ଅଜିତ ପାୱାରଙ୍କ ଏନସିପି ଗୋଟିଏ  ଆସନ ଜିତିଥିଲା।  

ଅଧିକ ପଢ଼ନ୍ତୁ:କେନ୍ଦ୍ରୀୟ ବଳ ନୀରବ ଦର୍ଶକ: ମଣିପୁର ନେଇ ଶାହଙ୍କୁ ଚିଠି ଲେଖିଲେ ବିଜେପି ବିଧାୟକ

ଅନ୍ୟପକ୍ଷରେ ଇଣ୍ଡିଆ ମେଣ୍ଟ  ୨୮ ଟି  ଆସନ  ଜିତି ଥିଲା।  ସେଥିମଧ୍ୟରୁ କଂଗ୍ରେସ ୧୩ ଟି, ଶରଦ ପାୱାରଙ୍କ ଏନସିପି ୮ ଏବଂ ଶିବସେନା (ଉଦ୍ଧବ ଦଳ) ୭ ଟି  ଆସନ ଜିତିଥିଲା। ଜଣେ ସ୍ୱାଧୀନ ପ୍ରାର୍ଥୀ ଗୋଟିଏ ଆସନ ଜିତିଥିଲେ।

ଅଧିକ ପଢ଼ନ୍ତୁ:ଦଳ ବଦଳ ଆଇନ ବିଲ୍ ଆଗତ: ସଦସ୍ୟତା ଯିବା ସହିତ ବିଧାୟକ ପେନସନ୍ ପାଇବେ ନାହିଁ