ଆଇନ୍‌ ଠାରୁ ଉପରେ କେହି ନୁହନ୍ତି ବୋଲି ପ୍ରମାଣ କଲେ ଟ୍ରାଫିକ୍‌ ପୁଲିସ, ପାର୍କିଂ ନିଷେଧ ସ୍ଥାନରେ ମେୟର ଗାଡ଼ି ପାର୍କ କରିଥିବାରୁ କାଟିଲେ ଚାଲାଣ

ହାଇଦ୍ରାବାଦ୍‌: ଭାରତରେ ଟ୍ରାଫିକ୍‌ ନିୟମକୁ ଲୋକମାନେ କେତେ ପାଳନ କରନ୍ତି, ତାହା ପ୍ରାୟ ସମସ୍ତଙ୍କୁ ଜଣା । ଖାସ୍‌ କରି ବଡ଼ ବଡ଼ିଆମାନେ ନିଜ ପଦବିର ଦମ୍‌ ଦେଖାଇ ଟ୍ରାଫିକ୍‌ ନିୟମକୁ ଉଲ୍ଲ୍‌ଂଘନ କରୁଥିବା ଭାରତରେ ଅଧିକ ଦେଖା ଯାଇଥାଏ । ଦୁର୍ଘଟଣାକୁ କମ୍‌ କରିବା ପାଇଁ ଟ୍ରାଫିକ୍‌ ନିୟମକୁ ଯେତେ କଡ଼ା କଡ଼ି କରା ଯାଉଥିଲେ ମଧ୍ୟ ଲୋକମାନେ ଏହାକୁ ଉଲ୍ଲଂଘନ କରିଥାନ୍ତି । ତେବେ ହାଇଦ୍ରାବାଦ୍‌ରେ ଟ୍ରାଫିକ୍‌ ପୁଲିସ ଯାହା କରିଛନ୍ତି, ତାହା ଏବେ ସମସ୍ତଙ୍କ ପାଇଁ ଉଦାହରଣ ପାଲଟିଛି ।

I appreciate the citizen who bought the traffic offence of my car to the notice of TS police. I have cleared the challan. Request you all to take this as an example not to keep quite at offence that comes to your notice and at the same time follow the rules. pic.twitter.com/3x9njD4p6B

— BonthuRammohan,Mayor (@bonthurammohan) February 2, 2019

ସୂଚନା ମୁତାବକ, କେହି ଜଣେ ହାଇଦ୍ରାବାଦ୍‌ର ମେୟର ବୋନ୍‌ଠୁ ରାମମୋହନଙ୍କ କାର୍‌ ସାଇବରାବାଦ୍‌ ଅଞ୍ଚଳରେ ପାର୍କିଂ ନିଷେଧ ଥିବା ସ୍ଥାନରେ ପାର୍କ କରାଯାଇଥିବାର ଫଟୋ ସୋସିଆଲ ମିଡିଆରେ ଛଡ଼ିଥିଲେ । ଯାହା ପରେ ଟ୍ରାଫିକ୍‌ ପୁଲିସ ସୂଚନା ପାଇ ରାମମୋହନଙ୍କୁ ଇ-ଚାଲାଣ ପଠାଇଥିଲା । ଚାଲାଣ ପାଇଁ ରାମମୋହନ ତାଙ୍କ ଫଟୋ ଉଠାଇ ସୋସିଆଲ ମିଡିଆରେ ଛାଡ଼ିଥିବା ଲୋକକୁ ନିୟମ ଅନୁସରଣ କରୁଥିବାରୁ ଧନ୍ୟବାଦ୍‌ ଜଣାଇଥିଲେ । ଏହା ସହ ଅନ୍ୟ ସାଧାରଣ ନାଗରିକଙ୍କ ଭଳି ତାଙ୍କୁ ମଧ୍ୟ ସାଧାରଣ ନାଗରିକ ଭାବି ନିଜର ଡିୟ୍ୟୁଟି କରିଥିବାରୁ ସେ ତେଲେଙ୍ଗାନା ପୁଲିସକୁ ମଧ୍ୟ ଧନ୍ୟବାଦ୍‌ ଜଣାଇଥିବା ଦେଖା ଯାଇଛି । ପରେ ସେ ଗାଡ଼ିଟି ସେ ନୁହେଁ ତାଙ୍କ ଗାଡ଼ିର ଚାଳକ ଭୁଲ ସ୍ଥାନରେ ପାର୍କ କରିଥିଲେ ବୋଲି ସ୍ପଷ୍ଟ କରିଥିଲେ ରାମମୋହନ ।

It was not an intentional offence by my driver, It happened when we were on our duty responding to the problems in the https://t.co/GC1m7S8xzP isnt a excuse though… Rules are for everyone and we all should abide by them.
PS:Not punishing my driver for this offence.??

— BonthuRammohan,Mayor (@bonthurammohan) February 2, 2019