ମୌସୁମୀ ଅଧିବେଶନରେ ପ୍ରଶ୍ନକାଳ ନରଖିବା ନିଷ୍ପତ୍ତିକୁ ନେଇ ମୋଦୀ ସରକାରଙ୍କୁ ଘେରିଲେ କଂଗ୍ରେସ-ଟିଏମସି ନେତା
ନୂଆଦିଲ୍ଲୀ: କରୋନା ମହାମାରୀ ପାଇଁ ସେପ୍ଟେମ୍ବର ୧୪ରୁ ଆରମ୍ଭ ହେବାକୁ ଥିବା ମୌସୁମୀ ଅଧିବେଶନରେ ପ୍ରଶ୍ନକାଳ ରହିବ ନାହିଁ। ଏ ନେଇ ରାଜ୍ୟସଭା ସଚିବଙ୍କ ଦ୍ବାରା ଏକ ବିଜ୍ଞପ୍ତି ଜାରି କରାଯାଇଛି। ତେବେ ପ୍ରଶ୍ନକାଳ ହଟାଇ ଦିଆଯାଇଥିବା ବେଳେ ଶୂନ୍ୟକାଳ ଏବଂ ଅନ୍ୟାନ୍ୟ ପ୍ରକ୍ରିୟା କାର୍ଯ୍ୟସୂଚୀ ଅନୁଯାୟୀ ଅନୁଷ୍ଠିତ ହେବ | ସଂସଦର ମୌସୁମୀ ଅଧିବେଶନ ସେପ୍ଟେମ୍ବର ୧୪ରୁ ଆରମ୍ଭ ହୋଇ ଅକ୍ଟୋବର ୧ରେ ଶେଷ ହେବାର କାର୍ଯ୍ୟକ୍ରମ ରହିଛି।
ତେବେ ରାଜ୍ୟସଭା ସଚିବଙ୍କ ଦ୍ବାରା ଜାରି କରାଯାଇଥିବା ବିଜ୍ଞପ୍ତିକୁ କଂଗ୍ରେସ-ଟିଏମସି ନେତାମାନେ ବିରୋଧ କରିଛନ୍ତି। କଂଗ୍ରେସ ସାଂସଦ ଶଶି ଥରୁରଙ୍କ ଠାରୁ ଆରମ୍ଭ କରି ଟିଏମସି ନେତାମାନେ ଏହି ପ୍ରସଙ୍ଗରେ ସରକାରଙ୍କୁ ଘେରିଛନ୍ତି। କଂଗ୍ରେସ ସାଂସଦ ଶଶି ଥରୁର ଏହି ପ୍ରସଙ୍ଗରେ ଟୁଇଟ୍ କରି କହିଛନ୍ତି ଯେ, ମୁଁ ଚାରିମାସ ପୂର୍ବରୁ କହିଥିଲି ଯେ ଶକ୍ତିଶାଳୀ ନେତାମାନେ ମହାମାରୀକୁ ଗଣତନ୍ତ୍ରର ସମାପ୍ତି ଭାବରେ ବ୍ୟବହାର କରିପାରନ୍ତି। ସଂସଦ ଅଧିବେଶନର ବିଜ୍ଞପ୍ତିରେ କୁହାଯାଇଛି ଯେ, ଏଥର କୌଣସି ପ୍ରଶ୍ନକାଳ ରହିବ ନାହିଁ। ଆମକୁ ସୁରକ୍ଷିତ ରଖିବା ନାମରେ ଏହା କେତେ ଦୂର ଠିକ୍?
1/2 I said four months ago that strongmen leaders would use the excuse of the pandemic to stifle democracy&dissent. The notification for the delayed Parliament session blandly announces there will be no Question Hour. How can this be justified in the name of keeping us safe?
— Shashi Tharoor (@ShashiTharoor) September 2, 2020
ଅନ୍ୟ ଏକ ଟୁଇଟରେ,ସରକାରଙ୍କୁ ପ୍ରଶ୍ନ କରିବା ହେଉଛି ସଂସଦୀୟ ଗଣତନ୍ତ୍ରର ଅମ୍ଳଜାନ | କିନ୍ତୁ ମୋଦୀ ସରକାର ସଂସଦକୁ ଏକ ବିଜ୍ଞପ୍ତି ବୋର୍ଡ ଭଳି କରିବାକୁ ଚାହୁଁଛନ୍ତି ଏବଂ ନିଜର ସଂଖ୍ୟାଗରିଷ୍ଠତାକୁ ରବର ଷ୍ଟାମ୍ପ ଭାବରେ ବ୍ୟବହାର କରୁଛନ୍ତି। ଯେଉଁ ଉପାୟରେ ଉତ୍ତରଦାୟିତ୍ୱ ନିର୍ଣ୍ଣୟ କରାଯାଉଥିଲା ତାକୁ ମଧ୍ୟ ହଟାଇ ଦିଆଯାଉଛି।
2/2 Questioning the government is the oxygen of parliamentary democracy. This Govt seeks to reduce Parliament to a notice-board & uses its crushing majority as a rubber-stamp for whatever it wants to pass. The one mechanism to promote accountability has now been done away with.
— Shashi Tharoor (@ShashiTharoor) September 2, 2020
ଶଶି ଥରୁରଙ୍କ ବ୍ୟତୀତ ଟିଏମସି ରାଜ୍ୟସଭା ସାଂସଦ ଦିନେଶ ତ୍ରିବେଦୀ ମଧ୍ୟ ସରକାରଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି ଯେ, ଏହାକୁ ବିରୋଧ କରିବା ପ୍ରତ୍ୟେକ ସାଂସଦଙ୍କର କର୍ତ୍ତବ୍ୟ, କାରଣ ଏହା ହେଉଛି ଏକ ମାଧ୍ୟମ, ଯାହା ଜରିଆରେ ଆପଣ ସରକାରଙ୍କୁ ପ୍ରଶ୍ନ ପଚାରିପାରିବେ |
