ନୂଆଦିଲ୍ଲୀ: ସୁପ୍ରିମକୋର୍ଟ ସୋମବାର ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଦିଲ୍ଲୀର ମଦ ନୀତି ମାମଲା ସହ ଜଡିତ ଅର୍ଥ ହେରଫେର ମାମଲାରେ ତାଙ୍କ ଜାମିନ ଆବେଦନ ଉପରେ ଅପେକ୍ଷା କରିବାକୁ କହିଛନ୍ତି।

Advertisment

ଗତ ସପ୍ତାହରେ ଏକ ନିମ୍ନ ଅଦାଲତ ତାଙ୍କୁ ଜାମିନ୍ ପ୍ରଦାନ କରିଥିବା ବେ‌ଳେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ତାହା ବିରୋଧରେ ଦିଲ୍ଲୀ ହାଇକୋର୍ଟରେ ଚ୍ୟାଲେଞ୍ଜ କରିଥିଲେ। ଦିଲ୍ଲୀ ହାଇକୋର୍ଟ ମାମଲାର ଶୁଣାଣି କରି ଜାମିନ୍‌ ଉପରେ ରୋକ ‌ଲାଗାଇବା ପରେ ସର୍ବୋଚ୍ଚ ନ୍ୟାୟାଳୟ ଯାଇଥିଲେ କେଜ୍ରିୱାଲ୍‌। ଏବେ ସର୍ବୋଚ୍ଚ ନ୍ୟାୟାଳୟ ବି ‘ଅପେକ୍ଷା କର ଓ ଦେଖ’ ବୋଲି କହିବା ପରେ ତାଙ୍କୁ ଜାମିନ୍‌ ମିଳିବାର ସମସ୍ତ ରାସ୍ତା ବନ୍ଦ ହୋଇଯିବା ପରି ମନେହେଉଛି।

ଜଷ୍ଟିସ ମନୋଜ ମିଶ୍ର ଏବଂ ଏସ.ଭି ଭଟ୍ଟୀଙ୍କୁ ନେଇ ଏକ ଖଣ୍ଡପୀଠକୁ ପ୍ରତିନିଧିତ୍ୱ କରିଥିଲେ ବରିଷ୍ଠ ଓକିଲ ଅଭିଷେକ ମନୁ ସିଂଘଭୀ ଏବଂ ବିକ୍ରମ ‌ଚୌଧୁରୀ। ଅତିରିକ୍ତ ସଲିସିଟର ଜେନେରାଲ ରାଜୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ପକ୍ଷରୁ ଉପସ୍ଥିତ ରହିଥିଲେ।

ଚୂଡ଼ାନ୍ତ ଶୁଣାଣୀ ଶୀଘ୍ର ହେବ ବୋଲି କହିବା ସହ ଓକିଲ ଅଭିଷେକ ମନୁ ସିଂଘଭୀ ଧୈର୍ଯ୍ୟର ସହ ଅପେକ୍ଷା କରିବାକ ପରାମର୍ଶ ଦେଇଛନ୍ତି।