ଶୌଚାଳୟ ନଥିଲେ ଝିଅ ବିବାହ ଦେବୁ ନାହିଁ, ହରିୟାଣାର ଏକ ଗାଁର ଲୋକମାନେ ଆରମ୍ଭ କରିଛନ୍ତି ଏଭଳି ଭିନ୍ନ ଧରଣର ଏକ ଅଭିଯାନ
ଚଣ୍ଡିଗଡ଼: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତକୁ ସ୍ୱଚ୍ଛ ରଖିବା ପାଇଁ ‘ସ୍ୱଚ୍ଛ ଭାରତ ଅଭିଯାନ’ ଆରମ୍ଭ କରିଥିବା ବେଳେ ଭାରତର ବିଭିନ୍ନ ରାଜ୍ୟରେ ଏହାର ପ୍ରଭାବ ଦେଖିବାକୁ ମିଳିଥିଲା । କିଛି ଲୋକ ଏହି ଅଭିଯାନରେ ମୋଦିଙ୍କୁ ସାହାଯ୍ୟ କରି ପରିବେଶକୁ ସ୍ୱଚ୍ଛ ରଖୁଥିବା ବେଳେ ଆଜି ବି ଏମିତି ଭାରତର ବଡ଼ ବଡ଼ ସହର ରହିଛି ଯେଉଁଠି ଲୋକାମାନେ ପରିବେଶକୁ ସ୍ୱଚ୍ଛ ରଖିବାରେ ଅସଫଳ ହୋଇଛନ୍ତି । କିଛି ସହରର ଲୋକମାନେ ଆଜି ବି ବାହାରେ ଶୌଚ କରୁଥିବାର ଦେଖିବାକୁ ମିଳୁଛି । ତେବେ ଏଭଳି ପରିସ୍ଥିତିରେ ହରିୟାଣାରେ ଥିବା ସିର୍ସା ଗାଁରେ ସ୍ୱଚ୍ଛ ଭାରତ ଅଭିଯାନ ପାଦେ ଆଗକୁ ନେବା ପାଇଁ ଗ୍ରାମବାସୀମାନେ ଏକ ନିଷ୍ପତ୍ତି ନେଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଯେଉଁ ଘରେ ଶୌଚାଳୟର ସୁବିଧା ଉପଲବ୍ଧ ରହିଥିବ କେବଳ ସେଇ ଘରେ ହିଁ ଆମେ ଝିଅ ବିବାହ କରାଇବୁ ବୋଲି ସିର୍ସା ଗାଁର ଲୋକମାନେ ନିଷ୍ପତ୍ତି ନେଇଛନ୍ତି । ପଞ୍ଚାୟତରେ ଏହି ନିଷ୍ପତ୍ତିର ଘୋଷଣା କରାଯିବା ସହ ସମସ୍ତେ ଏହାକୁ ପାଳନ କରିବେ ବୋଲି କୁହାଯାଇଛି । ବିବାହ ପରେ ଝିଅମାନଙ୍କୁ ବାହାରେ ଶୌଚ କରି ଯେଉଁ ସବୁ ଅପ୍ରୀତିକର ପରିସ୍ଥିତିର ସାମ୍ନା କରିବାକୁ ପଡ଼ୁଛି, ତା’ହା ଯେମିତି ସେମାନଙ୍କ ଝିଅମାନଙ୍କ ସହ ନ ହେଉ ସେଥିପାଇଁ ସେମାନେ ଏହି ପଦକ୍ଷପ ନେଇଥିବା ଜଣା ପଡ଼ିଛି ।