ଲୋକସଭା ବାଚସ୍ପତି ଓମ ବିର୍ଲାଙ୍କ ବିରୋଧରେ ବିରୋଧୀ ଦଳ ଆଣିବେ ଅନାସ୍ଥା ପ୍ରସ୍ତାବ !
ନୂଆଦିଲ୍ଲୀ : ରାହୁଲ ଗାନ୍ଧିଙ୍କ ସାଂସଦ ପଦ ରଦ୍ଦ ହେବା ପ୍ରସଙ୍ଗରେ କଂଗ୍ରେସ ସମେତ ଅନେକ ବିରୋଧୀ ଦଳ ଏବେ ସଂସଦ ଭିତରେ ବଡ଼ ଲଢ଼େଇ କରିବାକୁ ପ୍ରସ୍ତୁତ ହେଉଛନ୍ତି । ମିଳିଥିବା ସୂଚନା ଅନୁଯାୟୀ, ଲୋକସଭା ବାଚସ୍ପତି ଓମ୍ ବିର୍ଲାଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିବା ପାଇଁ କଂଗ୍ରେସ ଅନ୍ୟ ବିରୋଧୀ ଦଳସହ ମିଶି ପ୍ରସ୍ତୁତି ଚଳାଇଛି ।
Sambad is now on WhatsApp
Join and get latest news updates delivered to you via WhatsApp
ଗଣମାଧ୍ୟମ ରିପୋର୍ଟ ଅନୁସାରେ ଲୋକସଭା ବାଚସ୍ପତି ଓମ୍ ବିର୍ଲାଙ୍କ ବିରୋଧରେ ବିରୋଧୀ ଦଳମାନେ ଆସନ୍ତା ସୋମବାର ଦିନ (୩ ଏପ୍ରିଲ) ଅନାସ୍ଥା ପ୍ରସ୍ତାବ ଆଣିବାର ସମ୍ଭାବନା ରହିଛି । କଂଗ୍ରେସ ସାଂସଦଙ୍କ ବୈଠକରେ ଏହି ପ୍ରସ୍ତାବ ଉପସ୍ଥାପିତ ହୋଇଥିବା ବେଳେ କଂଗ୍ରେସ ଏ ନେଇ ଅନ୍ୟ ବିରୋଧୀ ଦଳମାନଙ୍କ ସହ ଆଲୋଚନା କରୁଛି ।”
ଲୋକସଭା ସଚିବାଳୟ ରାହୁଲ ଗାନ୍ଧିଙ୍କୁ ସାଂସଦ ପଦରୁ ଅଯୋଗ୍ୟ ଘୋଷଣା କରିବାର କିଛି ଦିନ ପରେ କଂଗ୍ରେସ ଏହି ପଦକ୍ଷେପ ନେଇଛି । ୨୦୧୯ ମାନହାନୀ ମାମଲାରେ ରାହୁଲ ଗାନ୍ଧିଙ୍କୁ ସୁରଟର ଏକ ଅଦାଲତ ଦୋଷୀ ସାବ୍ୟସ୍ତ କରି ୨ ବର୍ଷ ଜେଲ ଦଣ୍ଡାଦେଶ ଶୁଣାଇଥିଲେ । ଏହି ଦଣ୍ଡାଦେଶ ଆସିବାର ଦିନକ ପରେ ହିଁ ରାହୁଲଙ୍କ ସଦସ୍ୟପଦ ରଦ୍ଦ କରିଦିଆଯାଇଥିଲା । ପୁଣି ସଦସ୍ୟତା ବାତିଲ କରିବା ପରେ ଏବେ ରାହୁଲ ଗାନ୍ଧିଙ୍କୁ ଘର ଖାଲି କରିବାକୁ ନୋଟିସ୍ ମିଳିଛି ।