ଟିକା ନନେଲେ ସରକାରୀ ଚାକିରିଆଙ୍କୁ ମିଳିବନି ଦରମା

ନୂଆଦିଲ୍ଲୀ: ଟିକା ନନେଲେ ମିଳିବନି ଦରମା | ଯଦି କୌଣସି ସରକାରୀ ଚାକିରି କରିଥିବା ବ୍ୟକ୍ତି ଟିକା ନନିଅନ୍ତି ତେବେ ସେମାନଙ୍କୁ ମାସିକ ଦରମା ମିଳିବ ନାହିଁ | କୋଭିଡ ଟିକାକରଣକୁ ଉତ୍ସାହିତ କରିବା ଉଦ୍ଦେଶ୍ୟରେ ଉତ୍ତରପ୍ରଦେଶର ଫିରୋଜବାଦ ଜିଲ୍ଲା ପ୍ରଶାସନ ଏଭଳି ନିର୍ଦ୍ଦେଶ ଦେଇଛନ୍ତି |

ମୁଖ୍ୟ ଉନ୍ନୟନ ଅଧିକାରୀ ଚର୍ଚିତ ଗୌର କହିଛନ୍ତି ଯେ ଜିଲ୍ଲା ମାଜିଷ୍ଟ୍ରେଟ ଚନ୍ଦ୍ର ବିଜୟ ସିଂ ଏହି ନିର୍ଦ୍ଦେଶ ଦେଇଛନ୍ତି। ନିର୍ଦ୍ଦେଶ ଅନୁଯାୟୀ ଯଦି ଜଣେ କର୍ମଚାରୀ କୋଭିଡ ଟିକା ନ ନିଅନ୍ତି, ତେବେ ବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କରିବ | ମେ ମାସ ପାଇଁ ସେମାନଙ୍କ ଦରମା ବନ୍ଦ ହେବ ବୋଲି ଗୌର କହିଛନ୍ତି।

rediff.com

ଜିଲ୍ଲା ଟ୍ରେଜେରୀ ଅଧିକାରୀ ଏବଂ ଅନ୍ୟ ବିଭାଗୀୟ ମୁଖ୍ୟଙ୍କୁ ଏହି ନିର୍ଦ୍ଦେଶ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦିଆଯାଇଛି ଏବଂ ଏକ ତାଲିକା ପ୍ରସ୍ତୁତ କରି ଟିକାକରଣ ନିଶ୍ଚିତ କରିବାକୁ କୁହାଯାଇଛି ବୋଲି ସେ କହିଛନ୍ତି। ଦରମା ବନ୍ଦ ହୋଇଯିବା ଭୟରେ କର୍ମଚାରୀମାନେ ନିଜକୁ ଟିକାକରଣ କରିବାକୁ ଚେଷ୍ଟା କରୁଛନ୍ତି ବୋଲି ଚର୍ଚିତ ଗୌର କହିଛନ୍ତି।

ସମ୍ବନ୍ଧିତ ଖବର