/sambad/media/agency_attachments/2024-07-24t043029592z-sambad-original.webp)
/sambad/media/post_attachments/wp-content/uploads/2023/07/missile.jpg)
ସିଓଲ୍: ଆଜି ଉତ୍ତର କୋରିଆ ତା’ର ପୂର୍ବତଟ ସମୁଦ୍ର ମଧ୍ୟକୁ ଗୋଟାଏ ଅଜ୍ଞାତ କ୍ଷେପଣାସ୍ତ୍ର ନିକ୍ଷେପ କରିଥିବା କଥା ଦକ୍ଷିଣ କୋରିଆର ‘ଜଏଣ୍ଟ୍ ଚିଫ୍ସ୍ ଅଫ୍ ଷ୍ଟାଫ୍’ ଜାରି କରିଥିବା ବିବୃତିରେ କହିଛନ୍ତି।
ଉତ୍ତର କୋରିଆର ଉପରୋକ୍ତ କ୍ଷେପଣାସ୍ତ୍ର ନିକ୍ଷେପଣ କଥା ଜାପାନୀ ସେନା ମଧ୍ୟ ରିପୋର୍ଟ କରିଛି।
ଜାପାନୀ ପ୍ରତିରକ୍ଷା ମନ୍ତ୍ରାଳୟର ଜଣେ ଅଧିକାରୀଙ୍କ ବିବୃତିରୁ ଉଦ୍ଧାର କରି ସମ୍ବାଦ ପ୍ରସାରଣକାରୀ ‘ନିପ୍ପନ୍ ହୋସୋ କ୍ୟୋକାଇ’ ବା ‘ଏନ୍ଏଚ୍କେ’ କହିଛି ଉକ୍ତ କ୍ଷେପଣାସ୍ତ୍ରଟି ଏବେ ମଧ୍ୟ ଆକାଶରେ ଗତିଶୀଳ ଅଛି।
ଉକ୍ତ କ୍ଷେପଣାସ୍ତ୍ର ନିକ୍ଷେପଣ ସମ୍ବନ୍ଧରେ ତୁରନ୍ତ ଅନ୍ୟ କିଛି ବିବରଣୀ ମିଳିପାରି ନାହିଁ। ଏହାର ମାସକ ଆଗରୁ ମଧ୍ୟ ଉତ୍ତର କୋରିଆ ଗୋଟାଏ କ୍ଷେପଣାସ୍ତ୍ର ନିକ୍ଷେପ କରିଥିଲା। ଆଜିର କ୍ଷେପଣାସ୍ତ୍ର ନିକ୍ଷେପଣକୁ ମିଶାଇ ଏହା ହେଉଛି ଚଳିତ ବର୍ଷ ଉତ୍ତର କୋରିଆର ୧୨ଶ କ୍ଷେପଣାସ୍ତ୍ର ନିକ୍ଷେପଣ।
/sambad/media/post_attachments/wp-content/uploads/2023/01/2022-12-30_NORTHKOREA-POLITICS.jpg)
Image Courtesy of The Japan Newsଆମେରିକୀୟ ଗୁପ୍ତଚର ବିମାନ ତା’ର ଆକାଶ ସୀମାରେ ଅନୁପ୍ରବେଶ କରିଥିବା ଅଭିଯୋଗବାର କିଛି ଦିନ ପରେ ଉତ୍ତର କୋରିଆ ଆଜି ଏହି କ୍ଷେପଣାସ୍ତ୍ର ନିକ୍ଷେପ କରିଛି। ସେହିପରି, ନିକଟ ଅତୀତରେ ଆମେରିକାର ଗୋଟାଏ ଆଣବିକ ଶକ୍ତି ଚାଳିତ ‘କ୍ରୁଜ୍ କ୍ଷେପଣାସ୍ତ୍ର’ବାହୀ ବୁଡ଼ାଜାହାଜର ଦକ୍ଷିଣକୋରିଆ ଆଗମନକୁ ମଧ୍ୟ ଉତ୍ତର କୋରିଆ ତୀବ୍ର ନିନ୍ଦା କରିଥିଲା।
ସୂଚନାଯୋଗ୍ୟ, ୨୦୨୩ରେ ଉତ୍ତର କୋରିଆ ତା’ର ପ୍ରଥମ କଠିନ ଇନ୍ଧନ ଚାଳିତ ‘ଇଣ୍ଟର୍କଣ୍ଟିନେଣ୍ଟାଲ୍ ମିସାଇଲ’ର (ଆଇସିବିଏମ୍) ବ୍ୟବହାରିକ ପରୀକ୍ଷଣ କରିଥିଲା। ଏହାଛଡ଼ା, ଗୋଟାଏ ନୂଆ ‘ଲଞ୍ଚ୍ ଭେଇକ୍ଲ୍’ରେ ଉତ୍ତର କୋରିଆ ତା’ର ପ୍ରଥମ ‘ସ୍ପାଇ ସାଟେଲାଇଟ୍’ ଉତ୍କ୍ଷେପଣ କରି ବିଫଳ ହୋଇଥିଲା।
