‘ଉଠିପଡ଼ନ୍ତୁ, ଆସିଗଲା ଆପଣଙ୍କ ଷ୍ଟେସନ’ ! ଶୋଇପଡ଼ିଥିଲେ ଏଣିକି ଉଠାଇବ ଟ୍ରେନ
ଜୟପୁର: ଟ୍ରେନରେ ଯାତ୍ରା କରୁଥିବା ଯାତ୍ରୀଙ୍କ ପାଇଁ ଖୁସି ଖବର ଆଣିଛି ଉତ୍ତର ପଶ୍ଚିମ ରେଲୱେ | ଟ୍ରେନ ଯାଉଥିବାବେଳେ ଯଦି ରାତିରେ କୌଣସି ଷ୍ଟେସନରେ ଓହ୍ଲାଇବାକୁ ଥାଏ, ଯାତ୍ରୀ ଶାନ୍ତିରେ ଶୋଇପାରିନଥାନ୍ତି | ବେଳେବେଳେ ଆଖି ଲାଗିଯାଇଥିବାରୁ ରାତିରେ ଯାତ୍ରୀ ଷ୍ଟେସନରେ ଓହ୍ଲାଇପାରିନଥାନ୍ତି | ଏବେ ଏହି ଟେନସନରୁ ମୁକ୍ତି ଦେବ ରେଳ ମନ୍ତ୍ରାଳୟ | କାରଣ ଯାତ୍ରୀଙ୍କୁ ନିଦରୁ ଉଠାଇବାକୁ ଖୋଦ ଦାୟିତ୍ୱ ନେଇଛି ଉତ୍ତର ପଶ୍ଚିମ ରେଲୱେ |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଯାତ୍ରୀଙ୍କୁ ଏବେ ‘ୱେକ ଅଫ କଲ’ ବା ‘ଜାଗ୍ରତ ପାଇଁ ଫୋନଟିଏ’ ଭଳି ସୁବିଧା ଦେବା ଆରମ୍ଭ କରିଛି | ଅର୍ଥାତ ଯେଉଁ ଷ୍ଟେସନରେ ଯାତ୍ରୀଙ୍କୁ ଓହ୍ଲାଇବାକୁ ଥିବ, ଏହାର କିଛି ସମୟ ପୂର୍ବରୁ ପଂଜିକୃତ ନମ୍ବରକୁ ଫୋନ କଲଟିଏ ଆସିବ | ‘ଆପଣ ଉଠିଯାଆନ୍ତୁ, ଆପଣଙ୍କ ଷ୍ଟେସନ ଆସିବାକୁ ଯାଉଛି’ ବୋଲି ଏହି ଫୋନ କଲରେ ଶୁଣାଯିବ |
ଉତ୍ତର ପଶ୍ଚିମ ରେଲୱେ ପକ୍ଷରୁ କୁହାଯାଇଛି ଯେ ରେଳ ଯାତ୍ରୀ ଟିକଟ ବୁକିଂ ସମୟରେ ଯେଉଁ ମୋବାଇଲ ଫୋନ ନମ୍ବର ଦେଇଥିବେ, ସେହି ନମ୍ବରକୁ ଉଦ୍ଦିଷ୍ଟ ଷ୍ଟେସନର ଅଧଘଣ୍ଟା ପୂର୍ବରୁ ଫୋନ କଲ ଯିବ | ଏଥିରେ ଯାତ୍ରୀଙ୍କୁ ଷ୍ଟେସନ ଆସିଯାଉଛି, ନିଦରୁ ଉଠିପଡନ୍ତୁ ବୋଲି କୁହାଯିବ | ଯଦି ଟ୍ରେନ ବିଳମ୍ବ ଥିବ ସେହି ହିସାବରେ ଯାତ୍ରୀଙ୍କୁ ଫୋନ କଲ ଆସିବ | ବଡ କଥା ଯେ ଯାତ୍ରୀଙ୍କ ପକ୍ଷରୁ ଏଭଳି ସୁବିଧାକୁ ପ୍ରଶଂସା କରାଯାଇଛି |