ୱାଶିଂଟନ: ରୋମାନ କ୍ୟାଥୋଲିକ ଖ୍ରୀଷ୍ଟିଆନ ଚର୍ଚ୍ଚର ସର୍ବୋଚ୍ଚ ଧାର୍ମିକ ନେତା ପୋପ୍ ଫ୍ରାନ୍ସିସ୍ ଦୀର୍ଘ ଅସୁସ୍ଥତା ପରେ ୨୦୨୫ ଏପ୍ରିଲ ୨୧ରେ ମୃତ୍ୟୁବରଣ କରିଥିଲେ। ସେ ସକାଳ ୭:୩୫ ରେ ଶେଷ ନିଶ୍ୱାସ ତ୍ୟାଗ କରିଥିଲେ। ଭଟିକାନ୍ କାମେରଲେଙ୍ଗୋ କାର୍ଡିନାଲ୍ କେଭିନ୍ ଫାରେଲ୍ ଆନୁଷ୍ଠାନିକ ଭାବରେ ତାଙ୍କ ମୃତ୍ୟୁ ଘୋଷଣା କରିଥିଲେ।

Advertisment

୨୬୬ତମ ପୋପ୍ ଭାବରେ କାର୍ଯ୍ୟ କରିଥିବା ପୋପ୍ ଫ୍ରାନ୍ସିସ୍ ମଧ୍ୟ ଭଟିକାନ୍ ସିଟିର ମୁଖ୍ୟ ଥିଲେ। ତାଙ୍କର ଜନ୍ମ ନାମ ଜର୍ଜ ମାରିଓ ବର୍ଗୋଲିଓ ଥିଲା ଏବଂ ସେ ୧୩ ମାର୍ଚ୍ଚ ୨୦୧୩ରେ ପୋପ୍ ନିର୍ବାଚିତ ହୋଇଥିଲେ। 

ସେ ଇତିହାସର ପ୍ରଥମ ଲାଟିନ୍ ଆମେରିକୀୟ ଏବଂ ପ୍ରଥମ ଜେସୁଇଟ୍ ପୋପ୍ ଥିଲେ, ଯିଏ ତାଙ୍କ କରୁଣା, ସମାନତା ଏବଂ ପରିବେଶ ସୁରକ୍ଷା ବାର୍ତ୍ତା ପାଇଁ ବିଶ୍ୱବ୍ୟାପୀ ସ୍ୱୀକୃତି ପାଇଥିଲେ।

ପୋପ୍ ଫ୍ରାନ୍ସିସ୍‌ଙ୍କ ଦେହାନ୍ତ ସହିତ, ପ୍ରସିଦ୍ଧ ଭବିଷ୍ୟଦ୍ବକ୍ତା ନୋଷ୍ଟ୍ରାଡାମସ୍‌ଙ୍କ ଭବିଷ୍ୟବାଣୀ ପୁଣି ଥରେ ଆଲୋଚନାର ବିଷୟ ପାଲଟିଛି। ତାଙ୍କ ପ୍ରସିଦ୍ଧ ପୁସ୍ତକ ଲେସ୍ ପ୍ରୋଫେସିଜ୍‌ରେ ଥିବା ଅନେକ ଭବିଷ୍ୟବାଣୀ ମଧ୍ୟରୁ ଗୋଟିଏ ସତ୍ୟ ହୋଇଥିବା ବିଶ୍ୱାସ କରାଯାଏ।

ପୂର୍ବରୁ, ଲଣ୍ଡନରେ ଅଗ୍ନିକାଣ୍ଡ, ହିଟଲରଙ୍କ ଉତଥାନ, ଆମେରିକାରେ ୯/୧୧ ଆତଙ୍କବାଦୀ ଆକ୍ରମଣ ଏବଂ କୋଭିଡ୍-୧୯ ମହାମାରୀ ବିଷୟରେ ତାଙ୍କର ଭବିଷ୍ୟବାଣୀ ସତ୍ୟ ପ୍ରମାଣିତ ହୋଇଛି।

ଫ୍ରାନ୍ସର ପ୍ରସିଦ୍ଧ ଭବିଷ୍ୟଦ୍ରଷ୍ଟା ନୋଷ୍ଟ୍ରାଡାମସ୍ ଏକ ଭବିଷ୍ୟବାଣୀରେ ଲେଖିଥିଲେ ଯେ, ଜଣେ ବୃଦ୍ଧ ପୋପ୍‌ଙ୍କ ମୃତ୍ୟୁ ପରେ, ଜଣେ ଯୁବ ରୋମାନ୍ ପୋପ୍ ନିର୍ବାଚିତ ହେବେ। ଲୋକମାନେ କହିବେ ଯେ, ସେ ତାଙ୍କ ସିଂହାସନକୁ ଦୁର୍ବଳ କରୁଛନ୍ତି, କିନ୍ତୁ ସେ ନ ଅଟକି ଆଗକୁ ବଢ଼ିବେ।

ସେ କହିଛନ୍ତି, ପବିତ୍ର ରୋମାନ୍ ଚର୍ଚ୍ଚର ଶେଷ ନିର୍ଯାତନା ସମୟରେ 'ରୋମାନ୍ ପିଟର' ନାମକ ଜଣେ ବ୍ୟକ୍ତି ପୋପ୍ ହେବେ। ସେ ତାଙ୍କ ଲୋକମାନଙ୍କୁ ଅନେକ ଦ୍ୱନ୍ଦ୍ୱରେ ପକାଇବେ। 

ଯେତେବେଳେ ଏହା ସମ୍ପୂର୍ଣ୍ଣ ସମାପ୍ତ ହେବ,ସାତ ପାହାଡ଼ର ସହର ଧ୍ୱଂସ ପାଇଯିବ ଏବଂ ଜଣେ ଭୟଙ୍କର ବିଚାରପତି ଲୋକମାନଙ୍କର ବିଚାର କରିବେ।

ଅଧିକ ପଢ଼ନ୍ତୁ: ଆମେ ଛାଡିବୁ ନାହିଁ, ଆତଙ୍କବାଦୀଙ୍କୁ କଡ଼ା ଜବାବ ମିଳିବ: ଓମର ଅବଦୁଲ୍ଲା

ଏହି ଭବିଷ୍ୟବାଣୀରେ "ରୋମାନ୍ ପିଟର" ର ଉଲ୍ଲେଖ ପରେ ଏକ ବିତର୍କ ଆରମ୍ଭ ହୋଇଛି ଯେ, ପରବର୍ତ୍ତୀ ପୋପ୍ ପ୍ରକୃତରେ ରୋମ୍‌ରୁ ଆସିବେ କି ଏହା ଏକ ପ୍ରତୀକାତ୍ମକ ନାମ ଯାହା ଅନେକ ଚ୍ୟାଲେଞ୍ଜର ସମ୍ମୁଖୀନ ହେବେ ବୋଲି ଜଣେ ନେତାଙ୍କୁ ଇଙ୍ଗିତ କରୁଛି। ସେହି ସମୟରେ, ସାତ ପାହାଡ଼ର ସହରର ଉଲ୍ଲେଖ ରୋମ୍‌ ଏବଂ ଭଟିକାନରେ ସମ୍ଭାବ୍ୟ ବିପ୍ଳବକୁ ସୂଚିତ କରେ।

ନୋଷ୍ଟ୍ରାଡାମସ୍ ତାଙ୍କ ପୁସ୍ତକରେ ତୃତୀୟ ବିଶ୍ୱଯୁଦ୍ଧ ବିଷୟରେ ମଧ୍ୟ ଭବିଷ୍ୟବାଣୀ କରିଛନ୍ତି। ସେ ଲେଖିଛନ୍ତି, ଗୋଟିଏ ଦେଶରେ, ଜନବିପ୍ଳବ ଯୋଗୁ ଜଣେ ନୂତନ ନେତା କ୍ଷମତା ଗ୍ରହଣ କରିବେ, ଅନ୍ୟ ଏକ ଦେଶରେ ଜଣେ ନୂତନ ପୋପ୍ ସ୍ଥାପନ ହେବେ ଏବଂ ଚୀନ୍ ଚର୍ଚ୍ଚ ବିରୁଦ୍ଧରେ ଯୁଦ୍ଧ କରିବ। ନୂତନ ଧର୍ମ (ଇସଲାମ) ଇଟାଲୀ ଏବଂ ଫ୍ରାନ୍ସରେ ପହଞ୍ଚିବ, ଚର୍ଚ୍ଚ ବିରୁଦ୍ଧରେ ବିନାଶ କରିବ ଏବଂ ତା'ପରେ ତୃତୀୟ ବିଶ୍ୱଯୁଦ୍ଧ ଆରମ୍ଭ ହେବ।

ଅଧିକ ପଢ଼ନ୍ତୁ: ଜମ୍ମୁ କଶ୍ମୀର ବୁଲି ଯାଇଥିଲେ ଓଡ଼ିଆ ପର୍ଯ୍ୟଟକ, ଆତଙ୍କବାଦୀଙ୍କ ଗୁଳିରେ ମୃତ୍ୟୁ

pope-francis