ନୋଟା ଦବାଇ ବିଜେପିର ଖେଳ ବିଗାଡିଦେଲେ ଭୋଟର
ନୋଟା ନଥିଲେ ଜିତିଯାଇଥାନ୍ତେ ବିଜେପି ନେତା!
ଅହମ୍ମଦାବାଦ: ଗୁଜୁରାଟ ବିଧାନସଭା ନିର୍ବାଚନରେ ସମସ୍ତ ରେକର୍ଡ ଭାଙ୍ଗି ବିଜେପି ୧୫୬ଟି ଆସନ ଜିତିଛି। ତେବେ ବିଜେପିର ବିଜୟ ଅପେକ୍ଷା ଏବେ ତିନିଟି ଆସନକୁ ନେଇ ଚର୍ଚ୍ଚା ଜୋର ଧରିଛି | କାରଣ ଏହି ତିନୋଟି ଆସନରେ ବିଜେପି ପ୍ରାର୍ଥୀମାନେ ନୋଟା କାରଣରୁ ନିର୍ବାଚନରେ ହାରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୋମନାଥ ଆସନ
ସୋମନାଥ ଆସନ ଜିତିବାକୁ ବିଜେପି ଏଥର ନିଜର ସମସ୍ତ ଶକ୍ତି ଖଟାଇଥିଲା। ପ୍ରାର୍ଥୀ ଚୟନ ଠାରୁ ଆରମ୍ଭ କରି ନିର୍ବାଚନ ପ୍ରଚାର ପର୍ଯ୍ୟନ୍ତ ବିଜେପି ଅନେକ ପରୀକ୍ଷଣ କରିଥିଲା। କଂଗ୍ରେସର କାନଭାଇ ଚୁଡାସାମାଙ୍କ ବିପକ୍ଷରେ ବିଜେପି ମାନ ସିଂ ପରମାରଙ୍କୁ ପ୍ରାର୍ଥୀ କରିଥିଲା | ଏଠାରେ ଶାହାଙ୍କ ସହ ଯୋଗୀ ସମସ୍ତେ ସମାବେଶ କରିଥିଲେ | କିନ୍ତୁ ନୋଟା ବିଜେପିର ଆଶାକୁ ଧ୍ୱଂସ କରିଦେଇଥିଲା। କଂଗ୍ରେସର କାନଭାଇ ୭୩୮୧୯ ଭୋଟ୍ ପାଇଥିବାବେଳେ ବିଜେପିର ମାନ ସିଂ ପରମାର ୭୧୮୯୭ ଭୋଟ୍ ପାଇଛନ୍ତି। ସୋମନାଥ ଆସନରେ ବିଜୟର ବ୍ୟବଧାନ ୧୦୦୦ ଭୋଟରୁ କମ୍ ଥିଲା। ୧୫୩୦ ଜଣ ଭୋଟର ଏଠାରେ ନୋଟା ବ୍ୟବହାର କରିଥିଲେ |
ଖଇରବ୍ରହ୍ମା ଆସନ
ଗୁଜୁରାଟର ସାବରକଣ୍ଠା ଜିଲ୍ଲାର ଖଇରବ୍ରହ୍ମା ଆସନରେ ନୋଟାରେ ସର୍ବାଧିକ ୭୩୩୧ ଭୋଟ୍ ମିଳିଛି । ଏଠାରେ କଂଗ୍ରେସର ତୁଷାର ଚୌଧୁରୀ ୧୬୬୪ ଭୋଟରେ ବିଜେପିର ଅଶ୍ୱିନ କୋଟୱାଲଙ୍କୁ ପରାସ୍ତ କରିଛନ୍ତି। ଚୌଧୁରୀ ୬୭୩୪୯ ଭୋଟ୍ ଏବଂ କୋଟୱାଲ ୬୫୬୮୫ ଭୋଟ୍ ପାଇଛନ୍ତି। ଖଇରବ୍ରହ୍ମା ଆସନ ବିଜେପିର ୭ଟି ଆସନ ମଧ୍ୟରୁ ଗୋଟିଏ, ଯେଉଁଠାରେ ଜଣେ ବର୍ତ୍ତମାନର ବିଧାୟକ ନିର୍ବାଚନରେ ହାରିଯାଇଛନ୍ତି।
ଚନସମା ଆସନ
ପୂର୍ବତନ କ୍ୟାବିନେଟ ମନ୍ତ୍ରୀ ଦିଲୀପ ଠାକୋର ମଧ୍ୟ ନୋଟାର ଶିକାର ହୋଇଯାଇଛନ୍ତି | ଠାକୋର ରୁପାନି ସରକାରରେ ଶ୍ରମ ବିଭାଗର ମନ୍ତ୍ରୀ ଥିଲେ। ସେ ପ୍ରାୟ ୧୪୦୦ ଭୋଟରେ କଂଗ୍ରେସର ଦୀନେଶ ଭାଇଙ୍କୁ ନିକଟରୁ ପରାସ୍ତ ହୋଇଛନ୍ତି | ଏଠାରେ ୩୨୯୩ଜଣ ଭୋଟର ନୋଟା ବ୍ୟବହାର କରିଥିଲେ | କଂଗ୍ରେସର ଦୀନେଶ ଭାଇ ୮୬୪୦୪ ଭୋଟ୍ ପାଇଥିବାବେଳେ ଠାକୋର ଏହି ଆସନରେ ୮୫୦୦୨ ଭୋଟ୍ ପାଇଛନ୍ତି। ଯେତେବେଳେ କି ୩୨୯୩ ଜଣ ଭୋଟର ନୋଟା ସପକ୍ଷରେ ଭୋଟ୍ ଦେଇଛନ୍ତି |