ଏଣିକି ଟନେଲରେ ବି ମିଳିବ ଇଣ୍ଟରନେଟ ସୁବିଧା: ଦୁନିଆର ପ୍ରଥମ ଟନେଲ ଭାବେ ଅଟଳ ରୋହତଙ୍ଗରେ ସଫଳ ପରୀକ୍ଷଣ
ରୋହତଙ୍ଗ: ଏଣିକି ଟନେଲରେ ବି ଚାଲିବ ମୋବାଇଲ ଫୋନ ଓ ଇଣ୍ଟରନେଟ | ପ୍ରଥମ ଥର ପାଇଁ ହିମାଚଳ ପ୍ରଦେଶର ରୋହତଙ୍ଗରେ ନିର୍ମାଣ ହୋଇଥିବା ଅଟଳ ଟନେଲରେ ଏହି ସୁବିଧା ଉପଲବ୍ଧ ହେବ | ବିଏସ୍ଏନ୍ଏଲ୍ ଦ୍ୱାରା ଅଟଳ ଟନେଲ୍ ରୋହତଙ୍ଗରେ ୪ଜି ସଂଯୋଗ ପରୀକ୍ଷା ସଫଳ ହୋଇଛି | ୪ଜି ସଂଯୋଗ ଯୋଗାଇବାରେ ଏହା ଦୁନିଆର ପ୍ରଥମ ଟନେଲ ହେବ | ଏହି ଟନେଲ ଭିତରେ ଇଣ୍ଟରନେଟର ସ୍ପିଡ଼ ୨୫ ଏମବିପିଏସ ରହିବ | ହାଇ ସ୍ପିଡ୍ ଯାନରେ ଇଣ୍ଟରନେଟର ସ୍ପିଡ଼ ୧୦ ଏମବିପିଏସ ରହିବ |
Sambad is now on WhatsApp
Join and get latest news updates delivered to you via WhatsApp
ଶନିବାର ବିଏସଏନଏଲ ଏକ ସଫଳ ପରୀକ୍ଷା କରିଛି। ଟନେଲର ମୁଖ୍ୟ ଫାଟକ ନିକଟରେ ଆଇପିପିବି ଏକ୍ସ ଉପକରଣ ସ୍ଥାପନ କରାଯାଇଛି, ଯାହାଦ୍ୱାରା ଏହା ଟନେଲ ସଂଲଗ୍ନ ଅଞ୍ଚଳରେ ଲ୍ୟାଣ୍ଡଲାଇନ, ବ୍ରଡବ୍ୟାଣ୍ଡ ଏବଂ ହଟଲାଇନ ଇତ୍ୟାଦି ସୁବିଧା ଯୋଗାଇବ | ଏଠାରେ ସୂଚନା ଥାଉ କି ସମୁଦ୍ରପତ୍ତନଠାରୁ ୧୦ ହଜାର ଫୁଟ ଉପରେ ନିର୍ମାଣ ହୋଇଥିବା ଏହି ଟନେଲ ପାଇଁ ୩୨୦୦ କୋଟି ଟଙ୍କା ଖର୍ଚ୍ଚ ହୋଇଛି |
ପୂର୍ବତନ ଦିବଂଗତ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ନାମରେ ଏହି ଟନେଲ ନାମିତ ହୋଇଥିବାବେଳେ ଏହି ଟନେଲର ଲମ୍ବା ୯ କିଲୋମିଟର ରହିଛି | ଟନେଲଟି ଲେହ-ମନାଲି ରାଜପଥରେ ନିର୍ମାଣ ହୋଇଥିବାବେଳେ ଏହା ହିମାଚଳପ୍ରଦେଶର ମନାଲି ଓ ଲଦାଖର ଲେହ ମଧ୍ୟରେ ଥିବା ୪୬ କିଲୋମିଟର ଦୂରତାକୁ କମ କରିଦେବ | ଉଲ୍ଲେଖ ଥାଉ କି ଟନେଲ ଭିତରେ ମୋବାଇଲ ନେଟୱାର୍କ ଏପର୍ଯ୍ୟନ୍ତ ସମ୍ଭବ ହୋଇନଥିବାବେଳେ ଅଟଳ ରୋହତଙ୍ଗ ଟନେଲ ନୂଆ କୀର୍ତ୍ତି ସ୍ଥାପନ କରିବାର ଆଶା ରହିଛି |