ରାଜ୍ୟ ସରକାର, ଘରୋଇ କମ୍ପାନି ବିଦେଶରୁ କରୋନା ଟିକା ଆମଦାନି କରିପାରିବେ, କେନ୍ଦ୍ର ଦେଲା ଅନୁମତି
ନୂଆଦିଲ୍ଲୀ : ଦେଶରେ ଟିକାର ବ୍ୟାପକ ଅଭାବ ଦେଖାଯ଼ିବା ପରେ କେନ୍ଦ୍ର ସରକାର ଏକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନେଇ ଘରୋଇ କମ୍ପାନି ଓ ରାଜ୍ୟ ସରକାରମାନଙ୍କୁ ବିଦେଶରୁ ମଂଜୁରୀପ୍ରାପ୍ତ ଟିକା ଆମଦାନି ପାଇଁ ଅନୁମତି ଦେଇଛନ୍ତି । ତେବେ ଏଥିପାଇଁ ଭାରତର କେନ୍ଦ୍ରୀୟ ଔଷଧ ମାନକ ନିୟନ୍ତ୍ରଣ ସଂସ୍ଥା (ସିଡିଏସସିଓ) କେତେକ ନିୟମାବଳୀ ପ୍ରସ୍ତୁତ କରିଛି ।
Sambad is now on WhatsApp
Join and get latest news updates delivered to you via WhatsApp
ଏହି ନିୟମାବଳୀ ଅନୁସାରେ ଯ଼ଦି କୌଣସି ବିଦେଶୀ ଟିକାକୁ ଭାରତୀୟ ଔଷଧ ନିୟାମକ ମଂଜୁରୀ ଦେଇଛନ୍ତି, ତେବେ ଘରୋଇ କମ୍ପାନି ଓ ରାଜ୍ୟ ସରକାରଙ୍କ ଔଷଧ ନିଗମଗୁଡ଼ିକ ସେଗୁଡ଼ିକୁ ଆମଦାନି କରିପାରିବେ । ଏଥିପାଇଁ ସିଡିଏସସିଓ ଆମଦାନୀ ଲାଇସେନ୍ସ ପ୍ରଦାନ କରିବେ ।
ଯ଼ଦି ଉକ୍ତ ବିଦେଶୀ ଟିକାଟି ଅନୁମତି କିମ୍ବା ଲାଇସେନ୍ସ ପାଇନାହିଁ, ତେବେ ଭାରତରେ ଥିବା ଉକ୍ତ ଟିକା କମ୍ପାନିର ଭାରପ୍ରାପ୍ତ ପ୍ରତିନିଧି ଭାରତୀୟ କେନ୍ଦ୍ରୀୟ ଔଷଧ ମାନକ ନିୟନ୍ତ୍ରଣ ସଂସ୍ଥାଙ୍କ ଠାରୁ ଲାଇସେନ୍ସ ପାଇବା ପାଇଁ ଆବେଦନ କରିବେ ।
ସୂଚନାଯୋଗ୍ୟ ଯେ, ଭାରତରେ କରୋନାର ୨ୟ ଲହର ଆସିବା ପରେ ଟିକାର ଚାହିଦା ହଠାତ ବଢିଯାଇଛି । କିନ୍ତୁ ଭାରତରେ ମାତ୍ର ଦୁଇଟି ପ୍ରକାରର ଟିକା ଉପଲବ୍ଧ ଥିବାରୁ ଦେଶରେ ଟିକା ଅଭାବ ଦେଖାଦେଇଛି । ଏହାକୁ ଦୃଷ୍ଟିରେ ରଖି ଭାରତ ସରକାର ଆଉ କେତେକ ବିଦେଶୀ ଟିକାକୁ ଅନୁମତି ଦେବାକୁ ଯୋଜନା କରୁଛନ୍ତି । ଋଷିଆର ସ୍ପୁଟନିକ ଟିକାକୁ ଏବେ ବିଦେଶରି ଆମଦାନି କରାଯ଼ାଉଛି ।ଏଥିପାଇଁ ଡ. ରେଡୀ ଲାବକୁ ଲାଇସେନ୍ସ ଦିଆଯ଼ାଇଛି ।