ନୂଆଦିଲ୍ଲୀ: ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ପ୍ରସ୍ତୁତି ଜୋରଦାର ହୋଇଛି। ବିଶ୍ୱର ବିଭିନ୍ନ ଦେଶରେ ଥିବା ହିନ୍ଦୁମାନେ ମନ୍ଦିର ନିର୍ମାଣକୁ ନେଇ ଉତ୍ସାହର ସହ ଅପେକ୍ଷା କରି ରହିଛନ୍ତି | ବିଶ୍ୱର ସମସ୍ତ ଦେଶରେ ଥିବା ରାମଭକ୍ତମାନେ ମନ୍ଦିର ନିର୍ମାଣରେ ଅଂଶଗ୍ରହଣ କରିବାକୁ ଚାହୁଁଛନ୍ତି | ଏହି ପରିପ୍ରେକ୍ଷୀରେ, ଆମେରିକାରେ ଥିବା ଭାରତୀୟମାନଙ୍କର ଏକ ପ୍ରମୁଖ ସଂଗଠନ ମନ୍ଦିର ନିର୍ମାଣ ପାଇଁ ଦାନ କରିବାକୁ ଇଚ୍ଛା ପ୍ରକାଶ କରିଛି | ଏହି ସଂଗଠନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନିକଟରେ ଦାବି କରିଛି ଯେ ରାମ ମନ୍ଦିର ନିର୍ମାଣ ପାଇଁ ଦାନ କରିବାକୁ ଅନୁମତି ଦିଆଯାଉ ।
Sambad is now on WhatsApp
Join and get latest news updates delivered to you via WhatsApp
ଆମେରିକାର ସଂସ୍ଥା ଜୟପୁର ଫୁଟ ୟୁଏସଏର ସଭାପତି ପ୍ରେମ ଭଣ୍ଡାରୀ ନ୍ୟୁଜ୍ ଏଜେନ୍ସି ପିଟିଆଇକୁ କହିଛନ୍ତି ଯେ ବିଶ୍ୱରେ ପ୍ରାୟ ୩.୨ କୋଟି ପ୍ରବାସୀ ଭାରତୀୟ ରାମ ମନ୍ଦିର ନିର୍ମାଣରେ ସହଯୋଗ କରିବାକୁ ଚାହୁଁଛନ୍ତି। ଭଣ୍ଡାରୀ ଏକ ବ୍ୟବସ୍ଥା ସୃଷ୍ଟି କରିବାକୁ ପ୍ରଧାନମନ୍ତ୍ରୀ ମୋଦୀଙ୍କୁ ନିବେଦନ କରିଛନ୍ତି | ଯାହା ଦ୍ୱାରା ଯେଉଁମାନେ ଦାନ କରିବାକୁ ଚାହୁଁଛନ୍ତି ସେମାନେ ୧୦ ଡଲାରରୁ ୧୦୦ ଡଲାର ଯାଏଁ ଦାନ କରିପାରିବେ |
ସେ କହିଛନ୍ତି ଯେ ବହୁତ ଲୋକ ଅଛନ୍ତି ଯେଉଁମାନେ ଭାରତରେ ରୁହନ୍ତି ନାହିଁ କିନ୍ତୁ ମନ୍ଦିର ନିର୍ମାଣରେ ସହଯୋଗ କରିବାକୁ ଚାହାଁନ୍ତି | କିଛି ଏଭଳି ବ୍ୟବସ୍ଥା ରହିବା ଉଚିତ ଯାହାଦ୍ୱାରା ଜଣେ ଏନଆରଆଇ ଦାନ କରିପାରିବ। ଏଠାରେ ସୂଚନା ଥାଉ କି ଭଣ୍ଡାରୀଙ୍କ ସଂଗଠନ ଭାରତରେ କୋଭିଡକୁ ଦୃଷ୍ଟିରେ ରଖି ସୃଷ୍ଟି ହୋଇଥିବା ପିଏମ କେୟାର ପାଣ୍ଠିରେ ଗୋଟିଏ ଦିନରେ ୧ କୋଟି ଟଙ୍କା ସଂଗ୍ରହ କରି ଦାନ କରିଥିଲା |