ପୈତୃକ ଗାଁକୁ ଯାଇ କୁଳଦେବୀଙ୍କ ପୂଜାର୍ଚ୍ଚନା କଲେ ଜାତୀୟ ସୁରକ୍ଷା ପରାମର୍ଶଦାତା ଅଜିତ୍ ଡୋଭାଲ; ମନ୍ଦିର କମିଟିକୁ ଦାନ କଲେ ଦେଢ଼ଲକ୍ଷ ଟଙ୍କା
ନୂଆଦିଲ୍ଲୀ : ଶୁକ୍ରବାର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭଲ ନିଜ ପୈତୃକ ଗାଁକୁ ବୁଲି ଯାଇଥିଲେ । ଉତ୍ତରାଖଣ୍ଡରେ ଥିବା ଘେଡ଼ି ଗାଁ ତାଙ୍କର ପୈତୃକ ଗାଁ ହୋଇଥିବା ବେଳେ ସେଠାରେ ପହଞ୍ଚି ପୁରୁଣା ଦିନକୁ ମନେ ପକାଇଛନ୍ତି ଅଜିତ ଡୋଭାଲ । ଏହା ସହ କୁଳଦେବୀ ବାଲ କୁମାରୀଙ୍କ ପୂଜାର୍ଚ୍ଚନା କରିବା ସହ ମନ୍ଦିର ସମିତିକୁ ଦେଢ଼ ଲକ୍ଷ ଟଙ୍କା ଦାନ ଦେଇଥିଲେ । ଗାଁରେ ପହଞ୍ଚି ଯେତେବେଳେ ଡୋଭାଲ ମନ୍ଦିର ଆଡ଼କୁ ବଢ଼ିଥିଲେ, ସେତେବେଳେ ଗାଁ ଲୋକେ ତାଙ୍କୁ ଢ଼ୋଲ ବଜାଇ ସ୍ୱାଗତ କରିଥିଲେ । ଏହା ବ୍ୟକ୍ତିଗତ ଗସ୍ତ ଥିବାରୁ ତାଙ୍କର କାର୍ଯ୍ୟକ୍ରମକୁ ଗୋପନ ରଖାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏହା ପ୍ରଥମ ନୁହେଁ, ଏହା ପୂର୍ବରୁ ଅନେକ ଥର ନିଜ ଗାଁକୁ ବୁଲି ଯାଇଛନ୍ତି ଡୋଭାଲ । ୨୦୧୪ରେ ତାଙ୍କୁ ଜାତୀୟ ସୁରକ୍ଷା ପରାମର୍ଶଦାତାର ପଦ ମିଳିବା ପରେ ସେ ନିଜ ଗାଁକୁ ଯାଇ କୂଳଦେବୀଙ୍କୁ ଦର୍ଶନ କରିଥିଲେ । ଏବେ ପୁଣି ଦ୍ୱିତୀୟ ଥର ତାଙ୍କୁ ସେହି ପଦ ମିଳିବାରୁ ୫ବର୍ଷ ପରେ ନିଜ ଗାଁରେ ପହଞ୍ଚିଥିଲେ ଡୋଭାଲ ।