କାବୁଲ : ଭାରତର ଆୟୋଜନ କ୍ରମେ ଆଜି ନୂଆଦିଲ୍ଲୀଠାରେ ଅନୁଷ୍ଠିତ ହେଉଥିବା ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା (ଏନଏସଏ ) ସ୍ତରୀୟ ବୈଠକକୁ ସ୍ବାଗତ କରିଛି ତାଲିବାନ । ଏହି ବୈଠକରୁ ସକାରାତ୍ମକ ଫଳ ମିଳିବାର ସମ୍ଭାବନା ରହିଛି ବୋଲି ତାଲିବାନ କହିଛି ।
Sambad is now on WhatsApp
Join and get latest news updates delivered to you via WhatsApp
ତାଲିବାନ ମୁଖପାତ୍ର ଜବିହୁଲ୍ଲା ମୁଜାହିଦ କହିଛନ୍ତି ଯେ ଭାରତରେ ଆରମ୍ଭ ହୋଇଥିବା ଏନଏସଏ ସ୍ତରୀୟ ବୈଠକକୁ ନେଇ ଇସ୍ଲାମିକ ଏମିରେଟ୍ସ ଅଫ୍ ଆଫଗାିସ୍ତାନ୍ ଉତ୍ସାହିତ ଅଛି ।
ଭାରତ ପକ୍ଷରୁ ଆୟୋଜିତ ଏହି ବୈଠକରେ ଇରାନ, କାଜାଖସ୍ତାନ, ତୁର୍କମେନିସ୍ତାନ, କିରଗିଜସ୍ତାନ, ଋଷିଆ, ଉଜବେକିସ୍ତାନ ପ୍ରଭୃତି ୭ଟି ଦେଶର ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା (ଏନଏସଏ )ମାନେ ଯୋଗ ଦେଇଛନ୍ତି । ଆଫଗାନିସ୍ତାନରେ ତାଲିବାନର ଶାସନ ଆସିବା ପରେ ଆଞ୍ଚଳିକ ସୁରକ୍ଷା ସ୍ଥିତି ଓ ମାନବୀୟ ସ୍ଥିତି ଉପରେ ଆଲୋଚନା କରିବାକୁ ଏହି ସମ୍ମିଳନୀର ଆୟୋଜନ କରାଯାଇଛି । କିନ୍ତୁ ଭାରତ ଆମନ୍ତ୍ରଣ କରିଥିଲେ ମଧ୍ୟ ପାକିସ୍ତାନ ଓ ଚୀନ ଏହି ବୈଠକକୁ ବର୍ଜନ କରିଛନ୍ତି । ଭାରତ ପକ୍ଷରୁ ଏହି ବୈଠକରେ ଏନଏସଏ ଅଜିତ ଡୋଭାଲ ଯୋଗ ଦେଇଛନ୍ତି ।
ଆଜି ବୈଠକ ଆରମ୍ଭ ହେବା ପରେ ଅଂଶଗ୍ରହଣକାରୀ ଦେଶମାନେ ଆତଙ୍କବାଦକୁ ନିନ୍ଦା କରିଥିଲେ । ଏହା ସହିତ ଆଫଗାନିସ୍ତାନରେ ଏକ ସମାବେଶୀ ସରକାର ଗଠନ ଉପରେ ଗୁରୁତ୍ବ ଦିଆଯାଇଥିଲା ।