ନୁପୁର ଶର୍ମା-ଟି.ରାଜା ସିଂଙ୍କ ହତ୍ୟା ଷଡଯନ୍ତ୍ରର ପର୍ଦ୍ଦାଫାଶ୍ କଲା ପୁଲିସ୍, ଅଭିଯୁକ୍ତଙ୍କର ପାକିସ୍ତାନ ଲିଙ୍କ୍

ସୁରଟ: ନୁପୁର ଶର୍ମା ତାଙ୍କ ବିବୃତ୍ତି ଯୋଗୁ ସବୁବେଳେ ହେଡଲାଇନରେ ଥିବା ନୁପୁର ଶର୍ମା ପୁଣି ଥରେ ଖବରରେ ଅଛନ୍ତି। ନୁପୁର ଶର୍ମା ଏବଂ ଅନ୍ୟ କିଛି ଲୋକଙ୍କୁ ଟାର୍ଗେଟ କରାଯାଇଥିଲା ଏବଂ ସେମାନଙ୍କୁ ହତ୍ୟା କରିବା ପାଇଁ ଷଡଯନ୍ତ୍ର ରଚାଯାଇଥିଲା। ନୁପୁରଙ୍କ ସହିତ ତେଲେଙ୍ଗାନାର ହିନ୍ଦୁ ନେତା ଟି.ରାଜା ସିଂ ମଧ୍ୟ ଅଭିଯୁକ୍ତଙ୍କ ରାଡାରରେ ଥିଲେ।

ଗୁଜରାଟ ପୋଲିସ ସୁରଟର ଚୌକ ଅଞ୍ଚଳରୁ ଜଣେ ବ୍ୟକ୍ତିଙ୍କୁ ଗିରଫ କରିଛି ଯାହାଙ୍କର ନାମ ସୋହେଲ ଆବୁବାକର ମୌଲବି। ସୁରଟର ସୂତା କାରଖାନାରେ ମ୍ୟାନେଜର ଭାବରେ ନିଯୁକ୍ତ ଏହି ବ୍ୟକ୍ତି ହିନ୍ଦୁ ଭାବମୂର୍ତ୍ତି ଥିବା ଅନେକ ନେତାଙ୍କୁ ହତ୍ୟା କରିବାକୁ ଷଡଯନ୍ତ୍ର ରଚିଥିଲେ। ପୋଲିସର ସୂଚନାନୁସାରେ, ଭର୍ଚୁଆଲ ନମ୍ବର ସାହାଯ୍ୟରେ ବ୍ୟକ୍ତି ପାକିସ୍ଥାନ ଏବଂ ନେପାଳର କିଛି ଲୋକଙ୍କ ସହ ଯୋଗାଯୋଗରେ ଥିଲେ। ଚାଟ୍ ସମୟରେ ସେ ନୁପୁର ଶର୍ମା, ଟି.ରାଜା ସିଂଙ୍କ ସମେତ ଅନେକ ଲୋକଙ୍କ ନାମ ଉଲ୍ଲେଖ କରିଥିଲେ। ଏହା ବ୍ୟତୀତ ଗୁଜୁରାଟର କିଛି ବଡ ବ୍ୟକ୍ତିତ୍ୱଙ୍କୁ ମଧ୍ୟ ଭୋଟ୍ ସମୟରେ ଟାର୍ଗେଟ କରିବାକୁ ଯୋଜନା ଚାଲିଥିଲା। ତେବେ ପୋଲିସ ଏହି ଷଡଯନ୍ତ୍ରର ପର୍ଦ୍ଦାଫାଶ୍ କରିଛି।

ଗିରଫ ମୌଲବିଙ୍କ ନାମ ସୋହେଲ ଆବୁବାକର ଟିମୋଲ। ସେ ନିଜ ପରିବାର ସହିତ ସୁରଟର କାମରେଜ ତାଲୁକର ବିହାର ଗାଁର ସୌଗତ ରେସିଡେନ୍ସିରେ ରୁହନ୍ତି। ଗୁପ୍ତ ସୂଚନାକୁ ଆଧାର କରି ସୁରଟ କ୍ରାଇମ ବ୍ରାଞ୍ଚ୍ ଶାଖା ଏହି ବ୍ୟକ୍ତିଙ୍କୁ ଚୌକ ବଜାର ଭରିମାତା ଫୁଲୱାଡିରେ ଅବସ୍ଥିତ ଆଇକାର ଆପାର୍ଟମେଣ୍ଟରୁ ଗିରଫ କରିଛି। ପଚରାଉଚରା ବେଳେ ମୌଲବି ପୋଲିସକୁ କହିଛନ୍ତି ଯେ ସେ ଲସ୍କାନାର ଡାଇମଣ୍ଡ ନଗର ଏକ ସୂତାକଟା କାରଖାନାରେ ମ୍ୟାନେଜର ଭାବରେ କାର୍ଯ୍ୟ କରନ୍ତି। ସେ ବ୍ୟକ୍ତିଗତ ଭାବରେ ମୁସଲମାନ ପିଲାମାନଙ୍କୁ ଇସଲାମ ବିଷୟରେ ଶିକ୍ଷା ଦିଅନ୍ତି।

ମୌଲବି ସୁରଟରେ ଏକ ହିନ୍ଦୁ ସଂଗଠନର ନେତା ଉପଦେଶ ରାଣାଙ୍କୁ ହତ୍ୟା କରିବାକୁ ଧମକ ଦେଇଥିଲେ। ରାଣାଙ୍କୁ ହତ୍ୟା କରିବା ପାଇଁ ପାକିସ୍ତାନରୁ ଅସ୍ତ୍ରଶସ୍ତ୍ର ମଧ୍ୟ ଅର୍ଡର ଦିଆଯାଇଥିଲା ଏବଂ ଏହି ଅସ୍ତ୍ର ଶୀଘ୍ର ପାକିସ୍ତାନରୁ ଆସିବାକୁ ଯାଉଥିଲା। ଅପରାଧ କରିବା ପୂର୍ବରୁ କ୍ରାଇମ ବ୍ରାଞ୍ଚ ମୌଲବିଙ୍କୁ ଗିରଫ କରିଥିଲା। ଅଭିଯୁକ୍ତଙ୍କର ପାକିସ୍ତାନ ଲିଙ୍କ୍ ପ୍ରମାଣିତ ହୋଇଛି।

ନୁପୁର ଶର୍ମାଙ୍କ ସମେତ ଅନେକ ହିନ୍ଦୁ ନେତାଙ୍କୁ ହତ୍ୟା କରିବାର ଷଡଯନ୍ତ୍ର ରଚାଯାଇଥିଲା। ମୌଲାନା, ପାକିସ୍ଥାନ, ନେପାଳ ଏବଂ ଅନ୍ୟାନ୍ୟ ଦେଶର ଲୋକଙ୍କ ସହ ମିଶି ହିନ୍ଦୁ ନେତାମାନଙ୍କୁ ହତ୍ୟା କରିବାକୁ ଧମକ ଦେଉଥିଲେ।