କନକ ବ୍ୟୁରୋ: ଗତ ଏପ୍ରିଲ ୧୯ରୁ ନାଇଜେରିଆ ଜଳଦସ୍ୟୁଙ୍କ କବଜାରେ ଥିବା ଓଡ଼ିଆ ନାବିକ ସୁଦୀପ କୁମାର ମୁକ୍ତ ହୋଇଛନ୍ତି । ଭାରତ ସରକାରଙ୍କ ଅନୁରୋଧ କ୍ରମେ ନାଇଜେରିଆ ସରକାରଙ୍କ ମଧ୍ୟସ୍ଥତା ପରେ ତାଙ୍କୁ ଜଳଦସ୍ୟୁମାନେ ମୁକ୍ତ କରିଛନ୍ତି ।
ଗତବର୍ଷ ନଭେମ୍ବର ମାସରେ ଘାନାରୁ ବାହାରି ସମୁଦ୍ର ପଥରେ ନାଇଜେରିଆ ଯାଉଥିଲା ଜଳଜାହାଜ ‘ଏମଟି ଆପେକସ୍’ । ଗତ ଏପ୍ରିଲ ୧୯ରେ ମଝି ଦରିଆରେ ଏହି ଜାହାଜକୁ ଘେରିଗଲେ ସଶସ୍ତ୍ର ଜଳଦସ୍ୟୁ । ଜାହାଜକୁ କବଜା କଲା ପରେ ସେଥିରେ ଯାତ୍ରା କରୁଥିବା ସୁଦୀପଙ୍କ ସମେତ ମୋଟ ୭ ଜଣଙ୍କୁ ଅପହରଣ କରିନେଇଥିଲେ ।
Sambad is now on WhatsApp
Join and get latest news updates delivered to you via WhatsApp
Appreciate the help of Nigerian authorities, @shipmin_india, our team @india_nigeria & all other stakeholders who have contributed to the release of the seafarers. They are being brought to Port Harcourt under Nigerian police escort and our HC will safely repatriate them to India https://t.co/v1OHXYsu6q
— Dr. S. Jaishankar (@DrSJaishankar) June 28, 2019
ସେହି ଜାହାଜରେ ଥାର୍ଡ ଅଫିସର ଭାବେ କାର୍ଯ୍ୟ କରୁଥିଲେ ନାବିକ ସୁଦୀପ ଚୌଧୁରୀ । ପୁଅର ମୁକ୍ତି ପାଇ ରାଜ୍ୟ ସରକାର ଓ କେନ୍ଦ୍ର ସରକାରଙ୍କୁ ଗୁହାରି କରିଥିଲେ ବାପାମାଆ । ଦୀର୍ଘ ଦିନ ଧରି ପ୍ରଦୀପଙ୍କ କୌଣସି ଖବର ନମିଳିବା ପରେ ଗତ ଜୁନ୍ ୧୩ ତାରିଖରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସେମାନଙ୍କ ଉଦ୍ଧାର ନେଇ ଅନୁରୋଧ କରି ବିଦେଶ ମନ୍ତ୍ରୀଙ୍କୁ ଏକ ଚିଠି ଲେଖିଥିଲେ । ସରକାରଙ୍କ ଉଦ୍ୟମ ଓ ଜାହାଜ ମାଲିକଙ୍କ ସହ ଜଳଦସ୍ୟୁଙ୍କ ବୁଝାମଣା, ନାଇଜେରିଆ ସରକାରଙ୍କ ସହଯୋଗରେ ୫ ଜଣ ଭାରତୀୟ ମୁକ୍ତି ପାଇଛନ୍ତି । ୭୦ ଦିନର ମୁଣ୍ଡ ଜାମିନ ଭାବେ ରହିବା ପରେ ମୁକ୍ତ ହୋଇଛନ୍ତି ସୁଦୀପ ।
ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ଟ୍ୱିଟ୍ କରି ସୁରକ୍ଷିତ ଭାବେ ଭାରତୀୟ ନାବିକଙ୍କ ମୁକ୍ତିର ଖବର ଜଣାଇଛନ୍ତି । ସେହପରି ଜାହାଜ ଚଳାଚଳ ରାଷ୍ଟ୍ରମନ୍ତ୍ରୀ ମନସୁଖ ମାଣ୍ଡବୀୟ ଏ ନେଇ ପ୍ରେସ ବିଜ୍ଞପ୍ତି ଜାରି କରିଛନ୍ତି । ଓଡିଶାର ନାବିକ ସୁଦୀପ ଚୌଧୁରୀଙ୍କ ସମେତ ହରିୟାଣାର ଅଙ୍କିତ୍ ହୁଡା, ମହାରାଷ୍ଟ୍ରର ଚିରାଗ ଯାଦବ, ଆନ୍ଧ୍ର ପ୍ରଦେଶର ଅବିନାଶ ରେଡି ଓ ମୁଗୁ ରବି, ଜଳଦସ୍ୟୁଙ୍କ କବଳରୁ ମୁକ୍ତି ପାଇଛନ୍ତି । ନାଇଜେରିଆ ଦୂତାବାସରେ ପହଁଚିବା ପରେ ସେମାନଙ୍କର ଚିକିତ୍ସା କରାଯାଉଛି । ସୁଦୀପଙ୍କ ସମେତ ୩ ଜଣ ଭାରତୀୟ ମେଲେରିଆରେ ଆକ୍ରାନ୍ତ ଥିବା ଜଣାପଡିଛି ।