ଓଡ଼ିଶାର ୧୯ ଅଧିକାରୀ ଗୁଜରାଟ, ହିମାଚଳ ପ୍ରଦେଶ ଭୋଟଗଣତି ପର୍ଯ୍ୟବେକ୍ଷକ
ନୂଆଦିଲ୍ଲୀ : ଆସନ୍ତା ୮ ତାରିଖରେ ଗୁଜରାଟ ଓ ହିମାଚଳ ପ୍ରଦେଶ ବିଧାନସଭା ନିର୍ବାଚନର ଭୋଟ ଗଣତି ହେବ। ଭାରତୀୟ ନିର୍ବାଚନ ଆୟୋଗଙ୍କ ପକ୍ଷରୁ ବିଭିନ୍ନ ରାଜ୍ୟର ଅଧିକାରୀମାନଙ୍କୁ ଉପରୋକ୍ତ ଦୁଇ ରାଜ୍ୟରେ ଭୋଟ ଗଣତି ପର୍ଯ୍ୟବେକ୍ଷକ ଭାବେ ନିଯୁକ୍ତ କରାଯାଇଛି। ଗୁଜରାଟ ବିଧାନସଭା ନିର୍ବାଚନର ଭୋଟ ଗଣତି ପର୍ଯ୍ୟବେକ୍ଷକ ଭାବେ ୧୮୨ ଜଣ ନିଯୁକ୍ତ ହୋଇଛନ୍ତି। ଏଥିରେ ଓଡ଼ିଶାର ୧୨ ଜଣ ଅଧିକାରୀ ସାମିଲ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ଅଧିକାରୀମାନେ ହେଲେ ଉଦ୍ଧବ ଚନ୍ଦ୍ର ମାଝୀ, ଅଭୟ କୁମାର ନାୟକ, ଦୀପକ ରଞ୍ଜନ ଦାସ, କବୀନ୍ଦ୍ର କୁମାର ସାହୁ, ମହେଶ୍ବର ସ୍ବାଇଁ, ପ୍ରଦୀପ କୁମାର ମିଶ୍ର, ପ୍ରତାପ କୁମାର ମିଶ୍ର, ସରୋଜ କୁମାର ମିଶ୍ର, ସତ୍ୟ ନାରାୟଣ ଦାସ, ସୁଦର୍ଶନ ପରିଡ଼ା, ସୁଧାଂଶୁ ମୋହନ ସାମଲ ଓ ଶୁଭେନ୍ଦୁ ସାମଲ।
ସେହିଭଳି ହିମାଚଳ ପ୍ରଦେଶ ବିଧାନସଭା ଭୋଟଗଣତି ପର୍ଯ୍ୟବେକ୍ଷକ ଭାବେ ନିଯୁକ୍ତ ୬୮ ଜଣଙ୍କ ମଧ୍ୟରୁ ଓଡ଼ିଶାର ୭ ଜଣ ସାମିଲ ହୋଇଛନ୍ତି। ସେମାନେ ହେଲେ ବିଶ୍ବଜିତ ବିଶ୍ବାଳ, ଦିଲୀପ କୁମାର ରାୟ, ଲକ୍ଷ୍ମୀକାନ୍ତ ବେହେରା, ନୃସିଂହ ଚନ୍ଦ୍ର ସ୍ବାଇଁ, ପ୍ରମୋଦ କୁମାର ମିଶ୍ର, ଶିବ ନାରାୟଣ ନନ୍ଦ ଓ ଉଦୟ ନାରାୟଣ ଦାସ।