ଭୁବନେଶ୍ୱର : ଓଡ଼ିଶା ହାଇକୋର୍ଟରେ ବିଚାରପତି ଭାବେ କାର୍ଯ୍ୟ କରିଥିବା ତଥା ଓଡ଼ିଆ ବିଚାରପତି ଜଷ୍ଟିସ୍ ଇନ୍ଦ୍ରଜିତ୍ ମହାନ୍ତି ରାଜସ୍ଥାନ ହାଇକୋର୍ଟର ପରବର୍ତ୍ତୀ ମୁଖ୍ୟ ବିଚାରପତି ଭାବେ ନିଯୁକ୍ତି ପାଇ ପାରନ୍ତି । ସୁପ୍ରିମକୋର୍ଟ କଲେଜିୟମ୍ ଏ ନେଇ ତାଙ୍କ ନାମ ସୁପାରିସ୍ କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଓଡ଼ିଶା ହାଇକୋର୍ଟର ବରିଷ୍ଠତମ ବିଚାରପତି ତଥା ବର୍ତ୍ତମାନ ବମ୍ବେ ହାଇକୋର୍ଟରେ ବିଚାରପତି ଭାବେ କାର୍ଯ୍ୟ କରୁଥିବା ଜଷ୍ଟିସ୍ ଇନ୍ଦ୍ରଜିତ୍ ମହାନ୍ତିଙ୍କୁ ରାଜସ୍ଥାନ ହାଇକୋର୍ଟର ମୁଖ୍ୟ ବିଚାରପତି ଭାବେ ନିଯୁକ୍ତି ଦେବାକୁ କଲେଜିୟମ୍ ସୁପାରିସ୍ କରିଛି ।
୧୯୬୦ ମସିହା ନଭେମ୍ବର ୧୧ତାରିଖରେ କଟକରେ ଜନ୍ମିତ ଜଷ୍ଟିସ୍ ଇନ୍ଦ୍ରଜିତ୍ ମହାନ୍ତି ଜଣେ ଆଇନଜୀବୀ ଭାବେ ୧୯୮୪ ମସିହାରେ କ୍ୟାରିୟର ଆରମ୍ଭ କରି ଥିଲେ । ଓଡ଼ିଶାର ପ୍ରସିଦ୍ଧ ଅଇନଜୀବୀ ବାରିଷ୍ଟର ରଣଜିତ୍ ମହାନ୍ତିଙ୍କ ପୁତ୍ର ଇନ୍ଦ୍ରଜିତ୍ ଏହା ପରେ ଓଡ଼ିଶା ହାଇକୋର୍ଟର ବିଚାରପତି ଭାବେ ୨୦୦୬ ମସିହା ମାର୍ଚ୍ଚ ୩୦ ତାରିଖରେ ନିଯୁକ୍ତ ହୋଇଥିଲେ ।