ନକଲି ଜବ୍ କାର୍ଡରେ ଓଡି଼ଶା ଦ୍ବିତୀୟ: ଲୋକସଭାରେ ଆସିଲା ଚଞ୍ଚଲ୍ୟକର ତଥ୍ୟ

ନୂଆଦିଲ୍ଲୀ/ଭୁବନେଶ୍ବର: ନକଲି ଜବ୍ କାର୍ଡରେ ସମଗ୍ର ଦେଶରେ  ଓଡି଼ଶା ଦ୍ବିତୀୟ ସ୍ଥାନରେ ରହିଛି। ଲୋକସଭାରେ ଏଭଳି ଚାଞ୍ଚଲ୍ୟକର ତଥ୍ୟ ଆସିଛି। ମନରେଗା ଯୋଜନାର ଖୋଳତାଡ୍‌ରୁ ଜଣାପଡିଛି ନକଲି ଜବ୍ କାର୍ଡରେ ଓଡିଶା ଦ୍ଵିତୀୟ ରହିଛି। ତାଲିକାରେ ଏକ ନମ୍ବରରେ ବିହାର ରହିଛି।

ସେହିପରି ତିନି ନମ୍ବରରେ ଆସାମ,ଚାରି ନମ୍ବରରେ ଛତିଶଗଡ଼ ଥିବା ବେଳେ ପାଞ୍ଚ ନମ୍ବରରେ  ତାମିଲନାଡୁ ରହିଛି।

୨୦୨୪-୨୫ବର୍ଷରେ ଓଡିଶାରୁ ୭ ହଜାର ୫୬୬ ନକଲି ଜବ୍ କାର୍ଡ ଧରା ପଡ଼ିଛି। ସେହିପରି ଏକ ନମ୍ବରରେ ଥିବା ବିହାରରୁ  ୮ ହଜାର ୧୧୧ ନକଲି ଜବ୍ କାର୍ଡ ଧରାପଡ଼ିଛି। ନକଲି ଜବ୍ କାର୍ଡକୁ ତାଲିକାରୁ ବାଦ ଦିଆଯାଇଛି। 

ଓଡ଼ିଶାରେ ୬୬ ଲକ୍ଷରୁ ଅଧିକ ଜବ୍ କାର୍ଡ ପ୍ରଦାନ କରାଯାଇଥିବାବେଳେ ୪୩ ଲକ୍ଷ ବର୍ତ୍ତମାନ ସକ୍ରିୟ ଅଛନ୍ତି।

ଟିଏମ୍‌ସି ସାଂସଦ ମାଲା ରାୟଙ୍କ ଏକ ପ୍ରଶ୍ନର ଜବାବ୍‌ରେ କେନ୍ଦ୍ର ଗ୍ରାମ୍ୟ ଉନ୍ନୟନ ରାଷ୍ଟ୍ରମନ୍ତ୍ରୀ କମଲେଶ ପାସୱାନ ଏଭଳି ଲିଖିତ ଉତ୍ତର ରଖିଛନ୍ତି। 

Odisha | fake job card