ସିକ୍କିମରୁ ଫେରିଲେ ଓଡ଼ିଶାର ଯୁବାସଙ୍ଗମ ଟିମ୍‌

ଭୁବନେଶ୍ବର: ଓଡ଼ିଶାର ୩୧ ଛାତ୍ର ଓ ଏନ୍‌ଆଇଟି ରାଉରକେଲାର ପାଞ୍ଚଜଣିଆ ସଂଯୋଜକ ଦଳ କେନ୍ଦ୍ର ସରକାରଙ୍କ ‘ଏକ ଭାରତ, ଶ୍ରେଷ୍ଠ ଭାରତ’ ପଦକ୍ଷେପ ଅଧୀନରେ ଶିକ୍ଷା ମନ୍ତ୍ରଣାଳୟର ଯୁବାସଙ୍ଗମ କାର୍ଯ୍ୟକ୍ରମରେ ସିକ୍କିମ୍ ଭ୍ରମଣ ସହିତ ସେମାନଙ୍କର ଯାତ୍ରା ଶେଷ କରି ୮ ମାର୍ଚ୍ଚ ୨୦୨୩ ରେ ରାଉରକେଲାରେ ପହଞ୍ଚିଛନ୍ତି । ସିକ୍କିମରେ ମାର୍ଚ୍ଚ ୨ ତାରିଖରେ ପହଞ୍ଚିଥିବା ଦଳ ସିକ୍କିମ ରାଜ୍ୟର ବିଭିନ୍ନ ସାମାଜିକ-ସାଂସ୍କୃତିକ ଦିଗ ସହିତ ପରିଚିତ ହୋଇଥିଲେ। ଏମାନେ ବହୁ ପର୍ଯ୍ୟଟନ ସ୍ଥଳୀ ତଥା ଧାର୍ମିକ ଓ ଅର୍ଥନୈତିକ ଆଗ୍ରହ ଥିବା ସ୍ଥାନ ପରିଦର୍ଶନ କରିଥିଲେ।

ଦକ୍ଷିଣ ସିକ୍କିମର ରାଭଙ୍ଗଲାଠାରେ ଏନ୍ଆଇଟି ସିକ୍କିମ୍ ପକ୍ଷରୁ ଛାତ୍ର ଏବଂ ସଂଯୋଜକମାନଙ୍କର ଗସ୍ତର ଆୟୋଜନ କରିଥିଲେ। ମାର୍ଚ୍ଚ ୩ ରେ ଏନଆଇଟି ସିକ୍କିମ୍ କ୍ୟାମ୍ପସରେ ଏକ ଉଚ୍ଛ୍ବସିତ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଯେଉଁଠାରେ କି ସିକ୍କିମ୍ ଛାତ୍ରମାନେ ନୃତ୍ୟ, ନାଟକ ଏବଂ ବାଦ୍ୟ ପରିବେଷଣ ମାଧ୍ୟମରେ ଭ୍ରମଣକାରୀ ପ୍ରତିନିଧୀଙ୍କୁ ସିକ୍କିମର ସାଂସ୍କୃତିକ ବିବିଧତା ପ୍ରଦର୍ଶନ କରିଥିଲେ। ଓଡ଼ିଶାରୁ ଯାଇଥିବା ଛାତ୍ରମାନେ ମଧ୍ୟ ରାଜ୍ୟ ସଂସ୍କୃତିର ପ୍ରତିନିଧିତ୍ୱ କରୁଥିବା ଲୋକ ନୃତ୍ୟ ପରିବେଷଣ କରିଥିଲେ। ଟିମ୍ ଓଡିଶା ବୁଦ୍ଧ ପାର୍କ (ରାଭଙ୍ଗଲା, ସିକ୍କିମ୍) ପରିଦର୍ଶନ କରିଥିଲେ। ଯାହାକି ତଥାଗତ ସ୍ଥଳ ଭାବରେ ମଧ୍ୟ ଜଣାଶୁଣା । ଏହି ଆଇକନିକ ପାର୍କର ଆଖପାଖ ଦୃଶ୍ୟ ବ୍ୟତୀତ ମୁଖ୍ୟ ଆକର୍ଷଣ ଥିଲା ଗୌତମ ବୁଦ୍ଧଙ୍କ ୨୫୫୦ ତମ ଜନ୍ମ ବାର୍ଷିକୀ ପାଳନ ପାଇଁ ବୁଦ୍ଧଙ୍କ ନିର୍ମିତ ୧୩୦ ଫୁଟ ଉଚ୍ଚର ପ୍ରତିମୂର୍ତ୍ତି। ଅଧିକନ୍ତୁ ଏହି ଟିମ୍ ସିଦ୍ଧେଶ୍ୱର ଧାମ (ନାମଚିରେ) ପରିଦର୍ଶନ କରିଥିଲେ, ଯାହା ଚାର୍ ଧାମ ମନ୍ଦିର ଭାବରେ ମଧ୍ୟ ଜଣାଶୁଣା।

ଟିମ୍ ସିକ୍କିମର ଏକମାତ୍ର ଚା ବଗିଚା ‘ଦି ଟେମି ଚା ବଗିଚା ମଧ୍ୟ ପରିଦର୍ଶନ କରିଥିଲେ। ଓଡ଼ିଶାର ଛାତ୍ରମାନେ ମଧ୍ୟ ଗାଙ୍ଗଟକରେ ରାଜ ଭବନ ପରିଦର୍ଶନ କରିଥିଲେ। ଭ୍ରମଣର ଅନ୍ତିମ ଦିବସରେ ମାର୍ଚ୍ଚ ୬ ତାରିଖରେ ସିକ୍କିମର ଗାଙ୍ଗଟକ ଜିଲ୍ଲାର ପୂର୍ବ ହିମାଳୟ ପର୍ବତ ସୀମାରେ ସମୁଦ୍ର ପତ୍ତନଠାରୁ ପ୍ରାୟ ୧୩,୪୦୦ ଫୁଟ ଉଚ୍ଚରେ ଅବସ୍ଥିତ ପୁରୁଣା ରେଶମ ମାର୍ଗରେ ଥିବା ସୀମାନ୍ତ ଗ୍ରାମ (ଇଣ୍ଡୋ-ଚୀନ୍) ଗନାଥାଙ୍ଗ ଗ୍ରାମ (ନାଥାଙ୍ଗ ମଧ୍ୟ କୁହାଯାଏ) ପରିଦର୍ଶନରେ ଯାଇଥିଲେ। ଗ୍ୟାଙ୍ଗଟକ ଠାରୁ ୭୦ କିଲୋମିଟର ଦୂରରେ ଏକ ସେନା କ୍ୟାଣ୍ଟନମେଣ୍ଟ ଦ୍ୱାରା ଘେରି ରହିଥିବା ଏହି ଛୋଟ ଗାଁକୁ ଭାରତ ସରକାରଙ୍କ ଭାଇବ୍ରାଣ୍ଟ ଗ୍ରାମ କାର୍ଯ୍ୟକ୍ରମ ଅଧୀନରେ ଚୟନ କରାଯାଇଛି।ଓଡ଼ିଶା ଟିମ୍ ମଧ୍ୟ ତୋମଗୋ ହ୍ରଦ କିମ୍ବା (ଚାନଗୁ ହ୍ରଦ) ରେ ତୁଷାରପାତ ଦେଖିଥିଲେ।

ଏହି ପରଦର୍ଶନ କାର୍ଯ୍ୟକ୍ରମରେ ପ୍ରଫେସର ଏମ.ସି ଗୋଭିଲ (ନିର୍ଦ୍ଦେଶକ ଏନଆଇଟି ସିକ୍କିମ) ଏବଂ ଏକ ଭାରତ ଶ୍ରେଷ୍ଠ ଭାରତର ନୋଡାଲ ଅଧିକାରୀ ଶ୍ରୀ ରାମ ନେପାଳଙ୍କ ଉପସ୍ଥିତି ଥିଲେ। ଓଡ଼ିଶା ଦଳ ୮ ମାର୍ଚ୍ଚରେ ଫେରିଥିବାବେଳେ ସେମାନଙ୍କୁ ଏନଆଇଟି ରାଉରକେଲାରେ ଏକ ଭବ୍ୟ ସ୍ୱାଗତ କରାଯାଇଥିଲା। ଯୁବାସଙ୍ଗମର ଅଂଶଗ୍ରହଣକାରୀମାନେ ଉତ୍ତର ପୂର୍ବାଞ୍ଚଳ ରାଜ୍ୟରୁ ଅନ୍ୟ ରାଜ୍ୟ ତଥା ଛାତ୍ର ଏବଂ କ୍ୟାମ୍ପସ୍ ବାହାରେ ଥିବା ଯୁବକମାନଙ୍କୁ ନେଇ ଗଠିତ ଯୁବକମାନଙ୍କର ଏକ୍ସପୋଜର୍ ଟୁର୍ ପରିଚାଳନା ଉପରେ ଧ୍ୟାନ ଦେଇଥିଲେ। ଏହା ପର୍ଯ୍ୟଟନ, ପରମ୍ପରା, ପ୍ରଗତି ଏବଂ ପରସ୍ପର ସମ୍ପର୍କର ଚାରିଟି ବିସ୍ତୃତ କ୍ଷେତ୍ର ଅନ୍ତର୍ଗତ ବିଭିନ୍ନ ଦିଗଗୁଡିକର ଏକ ବ୍ୟାପକ, ବହୁମୁଖୀ ଅଭିଜ୍ଞତା ପ୍ରଦାନ କରୁଛି ।