ଆଶା କରୁଛି ପ୍ରଧାନମମନ୍ତ୍ରୀ ଆଜମେର ଦରଘାକୁ ଚାଦର ପଠାଇବେ : ଓମର ଅବଦୁଲ୍ଲା

ଶ୍ରୀନଗର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କୌଣସି ଚାପ ଆଗରେ ମୁଣ୍ଡ ନୁଆଁଇବେ ନାହିଁ ଏବଂ ଅଜମେର ଦରଗାରେ ଚାଦର ପଠାଇବାର ବାର୍ଷିକ ପରମ୍ପରାକୁ ବଜାୟ ରଖିବେ ବୋଲି ଜମ୍ମୁ-କଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ଗୁରୁବାର ଆଶା ବ୍ୟକ୍ତ କରିଛନ୍ତି। ଆପଣ ଧର୍ମକୁ ରାଜନୀତିରୁ ଅଲଗା କରିପାରିବେ ନାହିଁ। ଆମେ କହୁଛୁ ଯେ ଚର୍ଚ୍ଚକୁ ରାଷ୍ଟ୍ରରୁ ଅଲଗା କରାଯିବା ଉଚିତ, କିନ୍ତୁ ଏପରି ହେଉନାହିଁ। ଧର୍ମ ନାଁରେ ଭୋଟ ଲୋଡ଼ାଯାଉଛି, ଧର୍ମ ନାଁରେ ରାଜନୀତି କରାଯାଉଛି। ଏହା ଏକ ସତ୍ୟ ଯାହାକୁ ଆମକୁ ଗ୍ରହଣ କରିବାକୁ ପଡିବ | ତେବେ ମୁଁ ଆଶା କରୁଛି ଯେ ପ୍ରଧାନମନ୍ତ୍ରୀ କୌଣସି ଚାପ ଆଗରେ ମୁଣ୍ଡ ନ ନୁଆଁଇ ଅଜମେର ଦରଗାକୁ ଚାଦର ପଠାଇବେ । ”

ଜାନୁଆରୀ ୨ ତାରିଖ ସନ୍ଧ୍ୟା ୬ଟାରେ ପ୍ରଧାନମନ୍ତ୍ରୀ ମୋଦୀ କେନ୍ଦ୍ର ମନ୍ତ୍ରୀ କିରଣ ରିଜିଜୁଙ୍କୁ ଚାଦର ହସ୍ତାନ୍ତର କରିବେ। ୮୧୩ତମ ଉର୍ସ ଅବସରରେ ଖୱାଜା ମୋଇନୁଦ୍ଦିନ ଚିସ୍ତିଙ୍କୁ ଏହି ଚାଦର ଅର୍ପଣ କରାଯିବ। ପ୍ରଧାନମନ୍ତ୍ରୀ ହେବା ପରେ ମୋଦୀ ପ୍ରତିବର୍ଷ ଚାଦର ପଠାଉଛନ୍ତି।

ଅବଦୁଲ୍ଲା କହିଛନ୍ତି ଯେ ଅଜମେର ଦରଗାରେ ବିଭିନ୍ନ ସମ୍ପ୍ରଦାୟର ସଦସ୍ୟଙ୍କ ସହ ଭାବନା ଜଡ଼ିତ ଅଛି। କେବଳ ଗୋଟିଏ ଧର୍ମର ଲୋକ ଅଜମେର ଦରଗାକୁ ଯାଆନ୍ତି ତାହା ନୁହେଁ। କେବଳ ମୁସଲମାନ ନୁହେଁ, ଅନେକ ଅଣମୁସଲମାନ ମଧ୍ୟ ଦରଗାକୁ ଯାଆନ୍ତି । ଏହା ସହ ଅନେକ ଲୋକଙ୍କ ଭାବନା ଜଡ଼ିତ ରହିଛି। ସୌଭାଗ୍ୟବଶତଃ ଯେଉଁମାନେ ମସଜିଦ ତଳେ ମନ୍ଦିର ଖୋଜିବାକୁ ଚେଷ୍ଟା କରୁଛନ୍ତି ସେମାନଙ୍କୁ ସୁପ୍ରିମକୋର୍ଟ ନିଷିଦ୍ଧ କରିଛନ୍ତି।