ଥରେ ଚାର୍ଜ କଲେ ଏହି କାର ଯିବ ୮୩୨ କିଲୋମିଟର
କାଲିଫର୍ଣ୍ଣିଆ : ଖୁବଶୀଘ୍ର ବଜାରକୁ ଏକ ନୂଆ ଇଲେକ୍ଟ୍ରିକ୍ କାର ଆସୁଛି | ଏହି କାରଟି କାଲିଫର୍ଣ୍ଣିଆର ଷ୍ଟାର୍ଟଅପ୍ କମ୍ପାନୀ ଲୁସିଡ ମୋଟର୍ସ ନିର୍ମାଣ କରିଛି | ଏହାର ନାମ ହେଉଛି ଏୟାର ଇଲେକ୍ଟ୍ରିକ୍ ସେଡାନ୍ | ରିପୋର୍ଟ ଅନୁଯାୟୀ, ଲୁସିଡ ମୋଟର୍ସର ଏହି କାର ଥରେ ପୂର୍ଣ୍ଣ ଚାର୍ଜରେ ୫୧୭ ମାଇଲ (ପ୍ରାୟ ୮୩୨ କିଲୋମିଟର) ଚାଲିଥାଏ।
Sambad is now on WhatsApp
Join and get latest news updates delivered to you via WhatsApp
ଏହି କାରର ବିକ୍ରି ୨୦୨୧ରେ ଆରମ୍ଭ ହେବ | କମ୍ପାନୀର ୱେବସାଇଟ୍ ଅନୁଯାୟୀ, ଏହି କାର୍ ୯ ସେପ୍ଟେମ୍ବର ୨୦୨୦ ରେ ଲଂଚ ହେବ। କମ୍ପାନୀ କହିଛି ଯେ ଲୁସିଡ୍ ଏୟାର ଇଲେକ୍ଟ୍ରିକ୍ କାର୍ ୨.୫ ସେକେଣ୍ଡରୁ କମ୍ ସମୟ ମଧ୍ୟରେ ୧୦୦ କିଲୋମିଟର ବେଗରେ ଗତି କରେ | ଆହୁରି ମଧ୍ୟ, ଏହାର ସର୍ବୋଚ୍ଚ ଗତି ଘଣ୍ଟା ପ୍ରତି ୨୦୦ ମାଇଲ୍ ଅତିକ୍ରମ କରେ |
ସମ୍ପ୍ରତି ସର୍ବୋଚ୍ଚ ଇଲେକ୍ଟ୍ରିକ ରେଞ୍ଜ୍ କାର ହେଉଛି ଟେସଲାର ମଡେଲ୍ ଏସ୍, ଯାହା ଗୋଟିଏ ଚାର୍ଜରେ ୪୦୦ ମାଇଲ୍ (ପ୍ରାୟ ୬୪୦ କିଲୋମିଟର) ଚାଲିଥାଏ | ଟେସଲା ମଡେଲ୍ ଏସ୍ ସେଡାନର ମୂଲ୍ୟ ପ୍ରାୟ ୫୬ ଲକ୍ଷ ଟଙ୍କା ହୋଇଥିବା ବେଳେ ଲୁସିଡ୍ ସିଇଓ ରାୱଲିନ୍ସନ୍ କହିଛନ୍ତି ଯେ ଏବେ କାରର ମୂଲ୍ୟ ସ୍ଥିର ହୋଇ ନଥିବାବେଳେ ଖୁବ ଶୀଘ୍ର ଘୋଷଣା କରାଯିବ । ଦିନକୁ ଦିନ ଇଲେକ୍ଟ୍ରିକ କାରର ଚାହିଦା ବଢୁଥିବାବେଳେ ଏହା ଗ୍ରାହକଙ୍କୁ କେତେ ପସନ୍ଦ ଆସୁଛି ତାହା ତ ସମୟ ହିଁ କହିବ |