ସଂସଦ ପାଖରେ ବୁଲୁଥିବା ସନ୍ଦିଗ୍ଧକୁ ପଚରାଉଚୁରା ଜାରି
ନୂଆଦିଲ୍ଲୀ: ପାର୍ଲାମେଣ୍ଟ ନିକଟରେ ବୁଲୁଥିବା ଜଣେ ଯୁବକଙ୍କୁ ଦିଲ୍ଲୀ ପୁଲିସ ବୁଧବାର ଦିନ ହେପାଜତକୁ ନେଇ ପଚରାଉଚୁରା କରୁଛି | ତେବେ ଏ ପର୍ଯ୍ୟନ୍ତ ଯୁବକ ଜଣକ କୌଣସି ସନ୍ତୋଷଜନକ ଉତ୍ତର ଦେଇନଥିବାବେଳେ ଦିଲ୍ଲୀ ପୁଲିସ ଡିସିପି ଡ. ଇଶ ସିଙ୍ଗଲ କହିଛନ୍ତି ଯେ ତଦନ୍ତ ଏପର୍ଯ୍ୟନ୍ତ ଶେଷ ହୋଇନାହିଁ। ଏହି ଯୁବକଙ୍କ ନିକଟରୁ ଦୁଇଟି ପରିଚୟ ପତ୍ର ଜବତ କରାଯାଇଛି | ଯେଉଁ ଦୁଇଟିରେ ଅଲଗା ଅଲଗା ନାମ ରହିଛି | ଦିଲ୍ଲୀ ପୁଲିସ ବର୍ତ୍ତମାନ ତାଙ୍କ ବିରୋଧରେ ଅପରାଧିକ ମାମଲା ଅଛି କି ନାହିଁ? ଏହା ମଧ୍ୟ ଅନୁସନ୍ଧାନ କରୁଛି |
Sambad is now on WhatsApp
Join and get latest news updates delivered to you via WhatsApp
ଏହି ଯୁବକଙ୍କ ଘର ଜମ୍ମୁକାଶ୍ମୀରର ଵଟଗାଓଁ ହୋଇଥିବାବେଳେ ଗତକାଲି ସଂସଦର ବିଜୟ ଛକ ନିକଟରେ ସନ୍ଦେହଜନକ ଅବସ୍ଥାରେ ବୁଲୁଥିବାବେଳେ ତାଙ୍କୁ ଅଟକ ରଖାଯାଇଥିଲା | ସେଠାରେ ମୃତୟନ ଥିବା ସିଆରପିଏଫ ଯବାନମାନେ ତାଙ୍କୁ ଅଟକ ରଖି ସଂସଦ ଭବନରେ ଥିବା ଥାନାରେ ହସ୍ତାନ୍ତର କରିଥିଲେ |
ଦିଲ୍ଲୀ ପୁଲିସ ସମେତ ବିଭିନ୍ନ ସୁରକ୍ଷା ଏଜେନ୍ସି ତାଙ୍କୁ ସଂସଦ ଭବନ ପୁଲିସ ଷ୍ଟେସନରେ ରଖି ପଚରାଉଚରା କରୁଛନ୍ତି। କେଉଁ ଉଦ୍ଦେଶ୍ୟରେ ସେ ପାର୍ଲାମେଣ୍ଟ ବାହାରେ ବୁଲୁଥିଲେ ଓ କାହିଁକି ତାଙ୍କର ଦୁଇଟି ନାମ ରହିଛି ସେ ବାବଦରେ ପ୍ରଶ୍ନ କରାଯାଉଛି |