କଶ୍ମୀରରେ ବଢିଲା ଗୋଟିଏ ବିଧାନସଭା ଆସନ, ପିଓକେ ବିସ୍ଥାପିତଙ୍କ ପାଇଁ ସଂରକ୍ଷିତ ରହିବ

ନୂଆଦିଲ୍ଲୀ: ଗୃହମନ୍ତ୍ରୀ ଅମିତ ଶାହା ବୁଧବାର ଲୋକସଭାରେ ଜମ୍ମୁ-କଶ୍ମୀର ସଂରକ୍ଷଣ (ସଂଶୋଧନ) ବିଲ୍ ୨୦୨୩ ଏବଂ ଜମ୍ମୁ-କଶ୍ମୀର ପୁନର୍ଗଠନ (ସଂଶୋଧନ) ବିଲ୍, ୨୦୨୩ ଉପସ୍ଥାପନ କରି ସୂଚନା ଦେଇଛନ୍ତି ଯେ କଶ୍ମୀର ଉପତ୍ୟକାରେ ଗୋଟିଏ ବିଧାନସଭା ଆସନ ବୃଦ୍ଧି କରାଯାଉଛି।

ତେବେ ଏଠାରେ ପ୍ରଶ୍ନ ଉଠୁଛି, ଗତ କାଶ୍ମୀରରେ କାହିଁକି ଏହି ଗୋଟିଏ ଆସନ ବୃଦ୍ଧି କରାଯାଉଛି? ଏହା ପଛର କାରଣ କ'ଣ? ଗୃହମନ୍ତ୍ରୀ ସ୍ପଷ୍ଟ କରିଛନ୍ତି ଯେ ଜମ୍ମୁ-କଶ୍ମୀର ବିଧାନସଭାର ଗୋଟିଏ ଆସନ ପାକିସ୍ତାନ ଅଧିକୃତ କାଶ୍ମୀରର ପ୍ରବାସୀଙ୍କ ପାଇଁ ସଂରକ୍ଷିତ ରହିବ।

ଲୋକସଭାରେ ଏହାକୁ ଏକ ନୂଆ କାଶ୍ମୀର ବିଲ୍ ବୋଲି ବର୍ଣ୍ଣନା କରି ଗୃହମନ୍ତ୍ରୀ ଶାହା କହିଛନ୍ତି ଯେ ଗତ ୭୦ ବର୍ଷ ଧରି ଯେଉଁମାନେ ସେମାନଙ୍କ ଅଧିକାରରୁ ବଞ୍ଚିତ ଅଛନ୍ତି ସେମାନଙ୍କୁ ନ୍ୟାୟ ଦିଆଯିବ। ବିସ୍ଥାପିତଙ୍କୁ ସଂରକ୍ଷଣ ଦେବା ଦ୍ୱାରା ସେମାନେ ବିଧାନସଭାରେ ସ୍ୱର ଉତ୍ତୋଳନ କରିପାରିବେ ବୋଲି ସେ କହିଛନ୍ତି।

ପୂର୍ବତନ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ ଦୁଇଟି ଭୁଲ ଯୋଗୁଁ ଜମ୍ମୁ-କଶ୍ମୀର କ୍ଷତିଗ୍ରସ୍ତ ହୋଇଛି ବୋଲି ସେ କହିବା ପରେ ବିରୋଧୀ ମାନେ ହଙ୍ଗାମା କରିଥିଲେ ଏବଂ କଂଗ୍ରେସ ଗୃହରୁ କକ୍ଷତ୍ୟାଗ କରିଥିଲା । ସେ କହିଥିଲେ ଯେ ଭାରତୀୟ ସେନା ଯୁଦ୍ଧ ଜିତୁଥିବାବେଳେ ସେ ଯୁଦ୍ଧବିରତି ଘୋଷଣା କରିଥିଲେ ଓ ପିଓକେ ସୃଷ୍ଟି ହୋଇଥିଲା ।