କେହି କାହାକୁ ଚେତାବନୀ ଦେଇପାରିବେ ନାହିଁ : ଆଇନ ମନ୍ତ୍ରୀ ରିଜିଜୁ
ନୂଆଦିଲ୍ଲୀ : କେନ୍ଦ୍ର ସରକାର ଓ ନ୍ୟାୟାଳୟ ମଧ୍ୟରେ ଚାଲିଥିବା ମତଭେଦକୁ ପୁଣି ଚର୍ଚ୍ଚାକୁ ନେଇ ଆସିଛନ୍ତି ଆଇନ ମନ୍ତ୍ରୀ କିରେନ ରିଜିଜୁ । ବିଚାରପତି ନିଯୁକ୍ତି ପ୍ରସଙ୍ଗରେ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ଚେତାବନୀ ଦେଇଥିବା ଖବର ଉପରେ ପ୍ରତିକ୍ରିୟା ପ୍ରକାଶ କରି ସେ କହିଛନ୍ତି ଯେ ସମସ୍ତେ ସମ୍ବିଧାନ ମାର୍ଗଦର୍ଶନରେ ଚାଲୁଛନ୍ତି । କେହି କାହାକୁ ଚେତାବନୀ ଦେଇପାରିବେ ନାହିଁ ।
Sambad is now on WhatsApp
Join and get latest news updates delivered to you via WhatsApp
ଉତ୍ତରପ୍ରଦେଶର ପ୍ରୟାଗରାଜଠାରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରି ଆଇନ ମନ୍ତ୍ରୀ କିରେନ ରିଜିଜୁ କହିଛନ୍ତି, “ମୁଁ ଆଜି ଏକ ଗଣମାଧ୍ୟମ ରିପୋର୍ଟ ଦେଖିଛି, ଯେଉଁଥିରେ କୁହାଯାଇଛି – ସୁପ୍ରିମକୋର୍ଟ ଏକ ଚେତାବନୀ ଦେଇଛନ୍ତି… ଦେଖନ୍ତୁ ଏହି ଦେଶର ମାଲିକ ଏହି ଦେଶର ଜନତା, ଆମେ ସମସ୍ତେ ଏହାର ସେବକ । ଭାରତୀୟ ସମ୍ବିଧାନ ହେଉଛି ଆମର ମାର୍ଗଦର୍ଶକ, ଏଠି କେହି କାହାକୁ ଚେତାବନୀ ଦେଇପାରିବେ ନାହିଁ । ରିଜିଜୁ ଏଠାରେ ଆହ୍ଲାବାଦ ହାଇକୋର୍ଟ ବାର୍ ଆସୋସିଏସନ୍ ପ୍ରତିଷ୍ଠାର ୧୫୦ ବର୍ଷ ପୂର୍ତ୍ତି ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ ଭାଷଣ ଦେଉଥିଲେ ।
ଏହା ପୂର୍ବରୁ ଶୁକ୍ରବାର ଦିନ ଖବର ଆସିଥିଲା ଯେ ଜଷ୍ଟିସ ଏସ କେ କୌଲ ଏବଂ ଏ ଏସ ଓକାଙ୍କୁ ନେଇ ଗଠିତ ଖଣ୍ଡପୀଠ ହାଇକୋର୍ଟ ବିଚାରପତିଙ୍କ ସ୍ଥାନାନ୍ତର ପାଇଁ ସୁପାରିଶକୁ ଅନୁମୋଦନ କରିବାରେ କେନ୍ଦ୍ରର ବିଳମ୍ବକୁ ନେଇ ଅସନ୍ତୋଷ ବ୍ୟକ୍ତ କରି କହିଥିଲେ ଯେ ଏହା ଏକ ଅତ୍ୟନ୍ତ ଗମ୍ଭୀର ପ୍ରସଙ୍ଗ। ଯାହା ସମ୍ଭବ ତାହା ଆନନ୍ଦଦାୟକ ନୁହେଁ । ଖଣ୍ଡପୀଠ କହିଛନ୍ତି, “ଆମକୁ ଏପରି ପଦକ୍ଷେପ ନେବାକୁ ବାଧ୍ୟ କରନ୍ତୁ ନାହିଁ, ଯାହା ଅତ୍ୟନ୍ତ ଅସହଜ ହେବ।