ଦେଶର ପ୍ରତି ତିନି ଜଣଙ୍କ ମଧ୍ୟରୁ ଜଣ ସଂକ୍ରମିତ ହେବାର ଆଶଙ୍କା ରହିଛି : ଆଇସିଏମଆର୍
ନୂଆଦିଲ୍ଲୀ : ଦେଶର ଦୁଇ-ତୃତୀୟାଂଶ ଜନତାଙ୍କ ଶରୀରରେ କରୋନା ଭୁତାଣୁ ବିପକ୍ଷରେ ପ୍ରତିରୋଧକ ଶକ୍ତି ବା ଆଣ୍ଟିବଡ଼ି ସୃଷ୍ଟି ହୋଇଛି । କିନ୍ତୁ ଚିନ୍ତାଜନକ ବିଷୟ ହେଉଛି ଏକ ତୃତୀୟାଂଶ ଜନତା ଅର୍ଥାତ ୪୦ କୋଟି ଲୋକଙ୍କ ପ୍ରତି ଏବେ ବି ବିପଦର ଆଶଙ୍କା ରହିଛି । କାରଣ ସେମାନଙ୍କ ଶରୀରରେ ଆଣ୍ଟିବଡି ସୃଷ୍ଟି ହୋଇପାରି ନାହିଁ ବୋଲି ଭାରତୀୟ ଭେଷଜ ଗବେଷଣା ପରିଷଦ (ଆଇସିଏମଆର) ପକ୍ଷରୁ କରାଯାଇଥିବା ୪ର୍ଥ ସେରୋସର୍ଭେରୁ ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଏହି ସେରୋସର୍ଭେ ସମ୍ପର୍କରେ ସୂଚନା ଦେଇ ଆଇସିଏମଆରର ମହାନିର୍ଦ୍ଦେଶକ ଡଃ ବଳରାମ ଭାର୍ଗବ କହିଛନ୍ତି ଯେ ସର୍ଭେରୁ କେତେକ ସକାରାତ୍ମକ ଫଳାଫଳ ମିଳିଛି, ଏକ ଆଶାର କିରଣ ଦେଖାଯାଇଛି । କିନ୍ତୁ ବିପଦ ଏବେ ବି ଟଳିନାହିଁ । କାରଣ ଏବେ ବି ଏକ ତୃତୀୟାଂଶ ଜନତା ଅର୍ଥାତ ପ୍ରତି ତିନିଜଣରୁ ଜଣକ ପ୍ରତି ସଂକ୍ରମଣର ଆଶଙ୍କା ରହିଛି । ଏଣୁ ବେପରୁଆ ହେଲେ ଚଳିବ ନାହିଁ । ଆମକୁ କରୋନା କଟକଣାକୁ କଡ଼ାକଡ଼ିଭାବେ ପାଳନ କରିବାକୁ ପଡ଼ିବ ।
୪ର୍ଥ ସେରୋ ସର୍ଭେ ଜୁନ ଓ ଜୁଲାଇ ମାସରେ ଦେଶର ୭୦ଟି ଜିଲ୍ଲାରେ କରାଯାଇଥିଲା । ଏହି ସର୍ଭେରେ ୬ରୁ ୧୭ ବର୍ଷ ବୟସର ପିଲାମାନଙ୍କୁ ବି ସାମିଲ କରାଯାଇଥିଲା ।