ଶ୍ରୀନଗର: ଜମ୍ମୁ କଶ୍ମୀରର ଯୁବକମାନଙ୍କୁ କଠୋରପନ୍ଥୀ ହେବାକୁ ପ୍ରବର୍ତ୍ତାଇବା ଓ ଆତଙ୍କବାଦୀ ଦଳ ସହ ମିଶାଇବା ଅଭିଯୋଗରେ ଟିଆରଏଫ୍(ଦି ରେଜିଷ୍ଟାଣ୍ଟ୍ ଫ୍ରଣ୍ଟ୍) ଆତଙ୍କବାଦୀ ସମୂହର ଜଣେ ସଦସ୍ୟ ଅରସଲାନ୍ ଫିରୋଜକୁ ଗିରଫ କରିଛି। ପୁଲିସ୍ ଅଧିକାରୀମାନେ ଶୁକ୍ରବାର ଦିନ ଏହା ବିଷୟରେ ସୂଚନା ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏନଆଇଏ (ରାଷ୍ଟ୍ରୀୟ ଅନୁସନ୍ଧାନ ଏଜେନ୍ସି)ର ପ୍ରବକ୍ତା କହିଛନ୍ତି, ଶୁକ୍ରବାର ଦିନ କଶ୍ମୀରରେ ତଲାସୀ କରାଯାଉଥିଲା, ଏହି ସମୟରେ କଶ୍ମୀର ନିବାସୀ ଫିରୋଜକୁ ଗିରଫ କରାଯାଇଛି । ଏହି ମାମଲା ଜମ୍ମୁ କଶ୍ମୀରର ଯୁବକମାନଙ୍କୁ କଠୋରପନ୍ଥୀ ବନେଇବା, ପ୍ରବର୍ତ୍ତାଇବା ଓ ଭର୍ତ୍ତି କରିବା ଉଦ୍ଦେଶ୍ୟରେ କେନ୍ଦ୍ରଶାସିତ ପ୍ରଦେଶ ଓ ଦେଶର ଅନ୍ୟସ୍ଥାନରେ ପ୍ରତିବନ୍ଧିତ ଲସ୍କର-ଏ-ତୋଇବା ଆତଙ୍କବାଦୀ ସଙ୍ଗଠନର ଛାୟା ସଙ୍ଗଠନ ଟିଆରଏଫର କମାଣ୍ଡୋରଙ୍କ ଗତିବିଧିଗୁଡିକୁ ବାସ୍ତବରେ ପରିଣତ କରିବା ପାଇଁ ରଚା ଯାଇଥିବା ଷଡଯନ୍ତ୍ର ସହ ସମ୍ବନ୍ଧିତ ଅଟେ ।
ଅଧିକାରୀଙ୍କ ଅନୁସାରେ ଫିରୋଜ ଏହି ଲୋକଙ୍କ ସହ ଏକ ଅପରାଧିକ ଷଡଯନ୍ତ୍ରର ଯୋଜନା ଅନୁସାରେ ଯୁବକମାନଙ୍କୁ ଭର୍ତ୍ତି କରୁଥିଲା ଓ ଲସ୍କର ତଥା ତାର ଛାୟା ସଙ୍ଗଠନ ଟିଆରଏଫ୍ ପାଇଁ ସମନ୍ଵୟ ତଥା ଅସ୍ତ୍ରଶସ୍ତ୍ରରର ପରିବହନ କରୁଥିଲା । ଏଜେନ୍ସି ବର୍ତ୍ତମାନ ସୁଦ୍ଧା ଏହି ମାମଲାରେ ୪ ଜଣଙ୍କୁ ଗିରଫ କରିଛି ।