ଶ୍ରୀନଗର: ଜମ୍ମୁ-କାଶ୍ମୀରର ପୁଲୱାମା ଜିଲ୍ଲାର ତ୍ରାଲ ସାୟମୁ ଗ୍ରାମରେ ଗତକାଲି ରାତିରୁ ଚାଲିଥିବା ଏନକାଉଣ୍ଟରରେ ସୁରକ୍ଷା ବାହିନୀ ନିଜର ଅପରେସନ ଜାରି ରଖିଛନ୍ତି। ପୁଲୱାମା ଜିଲ୍ଲାର ତ୍ରାଲରେ ଚାଲିଥିବା ଏନକାଉଣ୍ଟରରେ ସୁରକ୍ଷା ବାହିନୀଙ୍କ ଗୁଳିରେ ଜଣେ ଆତଙ୍କବାଦୀର ମୃତ୍ୟୁ ଘଟିଛି | ଆତଙ୍କବାଦୀଙ୍କ ମୃତଦେହ ଉଦ୍ଧାର କରାଯାଇଥିବାବେଳେ ଏହି ଅଞ୍ଚଳରେ ସର୍ଚ୍ଚ ଅପରେସନ୍ ଚାଲିଛି | ଏହି ଆତଙ୍କବାଦୀ ଅନସାର ଗଜୱାଟୁଲ ହିନ୍ଦ ସହ ଜଡିତ ଥିବା କୁହାଯାଉଛି। ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ପାଇବା ପରେ ସୁରକ୍ଷା ବାହିନୀ ତ୍ରାଲର ଜଙ୍ଗଲ ଅଞ୍ଚଳରେ ସର୍ଚ୍ଚ ଅପରେସନ ଆରମ୍ଭ କରିଥିଲେ |

Advertisment

ସେଠାରେ ଲୁଚି ରହିଥିବା ଆତଙ୍କବାଦୀମାନେ ସୁରକ୍ଷା ବାହିନୀ ଉପରେ ଗୁଳି ଚଳାଇବା ଆରମ୍ଭ କରିବା ମାତ୍ରେ ସୁରକ୍ଷାକର୍ମୀ ଏହାର ପାଲଟା ଜବାବ ଦେଇଥିଲେ | ଏଠାରେ ସୂଚନା ଥାଉ କି ସୁରକ୍ଷାବାହିନୀର ଅପରେସନ୍‌ରେ ଜମ୍ମୁ କାଶ୍ମୀର ରାଜୌରୀ ଜିଲ୍ଲା ସ୍ଥିତ ନୌସେରା ସେକ୍ଟର ଓ ମେଣ୍ଢର ସେକ୍ଟରରେ ୧୩ ଆତଙ୍କବାଦୀ ନିପାତ ହୋଇଥିଲେ ।

publive-image Image Source: Hindustan Times

ନୌସେରା ‌‌ସେକ୍ଟର‌ରେ ସୁରକ୍ଷାବାହିନୀ ଗୁଳିରେ ୩ ଆତଙ୍କବାଦୀ ନିପାତ ହୋଇଥିବା ବେଳେ ମେଣ୍ଢର ସେକ୍ଟରରେ ୧୦ ଆତଙ୍କବାଦୀ ନିପାତ ହୋଇଛନ୍ତି ‌ବୋଲି ଜଣେ ସେନା ଅଧିକାରୀ କହିଥିଲେ। ଆତଙ୍କବାଦୀଙ୍କ ଅନୁପ୍ରବେଶକୁ ରୋକିବାପାଇଁ ଜମ୍ମୁ କାଶ୍ମୀରରେ ସୁରକ୍ଷାବାହିନୀ ପକ୍ଷରୁ ଗତ ମେ’ ୨୮ ତାରିଖରୁ ଅପରେସନ୍‌ ଆରମ୍ଭ ହୋଇଥିଲା। ଏଥିରେ ୧୩ ଆତଙ୍କବାଦୀ ନିପାତ ହୋଇଥିବା ବେଳେ ଆଜିର ଅପରେସନରେ ଜଣେ ଆତଙ୍କବାଦୀଙ୍କ ମୃତ୍ୟୁ ଘଟିଛି | ଏହି ସଂଖ୍ୟାକୁ ମିଶାଇ ୬ ଦିନରେ ୧୪ ଜଣ ଆତଙ୍କବାଦୀ ନିହତ ହେଲେଣି |