ଆଜିଠାରୁ ଆରମ୍ଭ ହେଲା ଭାରତୀୟ ସେନାରେ ସାମିଲ ହେବା ପାଇଁ ଇଚ୍ଛୁକ ମହିଳାଙ୍କ ଲାଗି ଅନ୍ ଲାଇନ୍ ପଞ୍ଜୀକରଣ ପ୍ରକ୍ରିୟା
ନୂଆଦିଲ୍ଲୀ: ଆଜିଠାରୁ ଭାରତୀୟ ସେନାରେ ସାମିଲ ହେବା ପାଇଁ ଇଚ୍ଛୁକ ମହିଳାଙ୍କ ଲାଗି ଅନ୍ ଲାଇନ୍ ପଞ୍ଜୀକରଣ ଆରମ୍ଭ ହୋଇଛି । ପ୍ରଥମ ଥର ପାଇଁ ସେନାରେ ମହିଳାଙ୍କ ନିଯୁକ୍ତିଲାଗି ଏଭଳି ପ୍ରକ୍ରିୟା ଆରମ୍ଭ ହୋଇଥିବା ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ଟୁଇଟ୍ କରି ଏହି ବିଷୟରେ ଏହି ବିଷୟରେ ସୂଚନା ଦେଇଛନ୍ତି । ସେନା ପୁଲିସରେ ମହିଳାଙ୍କ ପାଇଁ ୨୦ ପ୍ରତିଶତ ସଂରକ୍ଷଣ ରହିବ ବୋଲି ସେ ଜଣାଇଛନ୍ତି। ପର୍ସନାଲ ବିଲୋ ଅଫିସର ଶ୍ରେଣୀରେ ସେମାନଙ୍କୁ ନିଯୁକ୍ତ କରାଯିବ । ଏଥିରେ ନିଯୁକ୍ତି ପାଇଥିବା ମହିଳା ଅଧିକାରୀମାନେ ଦୁଷ୍କର୍ମ, କମେଣ୍ଟ ପାସ୍ କରିବା ଆଦି ମାମଲାର ତଦନ୍ତ କରିବେ । ପ୍ରଥମେ ୮୦୦ ଜଣ ମହିଳାଙ୍କୁ ଏହି ପଦବୀ ରେ ନିଯୁକ୍ତି ଦିଆଯିବାର ବନ୍ଦୋବସ୍ତ ହୋଇଛି ବୋଲି ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ସୂଚନା ଦେଇଛନ୍ତି। ।
ଏଠାରେ ସ୍ମରଣ ଯୋଗ୍ୟ ଯେ ଜେନେରାଲ ବିପିନ ରାୱତ ସେନା ପ୍ରମୁଖ ଭାବରେ କାର୍ଯ୍ୟଭାର ଗ୍ରହଣ କରିବା ପରେ ଭାରତୀୟ ସେନାରେ ମହିଳାଙ୍କୁ ସାମିଲ କରିବାପାଇଁ ନିଷ୍ପତି ନେଇଥିଲେ । ପରେ ପ୍ରତିରକ୍ଷା ମନ୍ତ୍ରାଳୟ ଏହାକୁ ଗ୍ରହଣ କରିଥିଲା ।