ଅନଲାଇନରେ ନିଯୁକ୍ତିଦାତାଙ୍କ ପଞ୍ଜିକରଣ ଓ ଲାଇସେନସିଂ ବାଧ୍ୟତାମୂଳକ

ନୂଆଦିଲ୍ଲୀ : ଭାରତକୁ ‘ଡିଜିଟାଲ ଇଣ୍ଡିଆ’ ଭାବେ ପରିଗଣିତ କରିବା ଉପରେ କେନ୍ଦ୍ର ସରକାର ଅଧିକ ଗୁରୁତ୍ୱ ପ୍ରଦାନ କରୁଛନ୍ତି । ଏହି କ୍ରମରେ ବିଭିନ୍ନ ସରକାରୀ ନିଯୁକ୍ତିଗୁଡିକ ଅନଲାଇନରେ ଉପଲବ୍ଧ କରାଯିବ । ବ୍ୟବସ୍ଥାରେ ପାରଦର୍ଶିତା ଏବଂ ଉତ୍ତରଦାୟିତ୍ୱ କ୍ଷେତ୍ରରେ ବିଶ୍ୱାସ ଆଧାରିତ ସାର୍ବଜନୀନ ସେବା ପ୍ରଦାନକରିବା ପାଇଁ ଶ୍ରମ ଏବଂ ନିୟୋଜନ ମନ୍ତ୍ରଣାଳୟ ଶ୍ରମ ସୁବିଧା ପୋର୍ଟାଲରେ ଅନଲାଇନ ପଞ୍ଜିକରଣ ଏବଂ ଲାଇସେନସିଂକୁ ବାଧ୍ୟତାମୂଳକ କରିଛନ୍ତି । ବର୍ତ୍ତମାନ ନୂତନ ସଂଶୋଧିତ ‘ବିଲଡିଂ ଏବଂ ଅନ୍ୟ ନିର୍ମାଣ ଶ୍ରମିକ’ (ରୋଜଗାର ଏବଂ ସେବା ସର୍ତ୍ତଗୁଡିକର ବିନିୟମ) କେନ୍ଦ୍ରୀୟ (ସଂଶୋଧନ) ନିମୟମ ୨୦୧୮, ଅଧିସୂଚନା ନମ୍ବର ଜିଏସଆର ୮୩୦(ଇ) ୪ ସେପ୍ଟେମ୍ବର, ୨୦୧୮ ନିଯୁକ୍ତିଦାତାଙ୍କ ପଞ୍ଜିକରଣ ପ୍ରମାଣ ପତ୍ର ପ୍ରଦାନ କରିବା ପାଇଁ ଶ୍ରମ ସୁବିଧା ପୋର୍ଟାଲରେ ଅନଲାଇନ ପ୍ରତିଷ୍ଠାନଗୁଡିକ ପଞ୍ଜିକରଣ ପାଇଁ ଆବେଦନ ଜରିବା ବାଧ୍ୟତାମୂଳକ ହେବ ଏବଂ ପୋର୍ଟାଲରେ ନିଯୁକ୍ତିଦାତାଙ୍କ ବିଷୟରେ ସୂଚନା ପ୍ରଦାନ କରାଯିବ ।

କଣ୍ଟ୍ରାକ୍ଟ ଲେବର ଡ୍ରାଫ୍ଟ ନିୟମରେ ସଂଶୋଧନ (ବିନିୟମ ଏବଂ ଉନ୍ମୁଳନ) କେନ୍ଦ୍ରୀୟ ବିନିୟମ ୧୯୭୧ ଏବଂ ଆନ୍ତଃରାଜ୍ୟ ପ୍ରବାସୀ ଶ୍ରମିକ (ସେବା ଏବଂ ରୋଜଗାର ସର୍ତ୍ତର ବିନିୟମ) କେନ୍ଦ୍ରୀୟ ବିନିୟମ, ୧୯୮୦ରେ ଆବେଦନ ଦାଖଲ କରିବା ପାଇଁ ଏବଂ ଅନଲାଇନ ପଞ୍ଜିକରଣ / ଲାଇସେନ୍ସ ପ୍ରମାଣ ପତ୍ର ପ୍ରଦାନ ପାଇଁ ସଂଶୋଧନ ନିୟମ ଶ୍ରମ ସୁବିଧା ପୋର୍ଟାଲରେ ଅଧିସୂଚନା ନମ୍ବର ଜିଏସଆର ୮୨୯(ଇ) ଏବଂ ୮୩୦ (ଇ) ଜରିଆରେ ଭାରତର ରାଜପତ୍ରରେ ଅଧିସୂଚିତ କରାଯାଇଛି । ଅଧିସୂଚନା ନମ୍ବର ଏସ.ଓ. ୪୨୫୯ (ଇ) ଏବଂ ଏସ.ଓ ୪୨୬୦ (ଇ) କୁ ଭାରତର ସରକାରୀ ରାଜପତ୍ରରେ ସେପ୍ଟେମ୍ବର ୪, ୨୦୧୮ରେ ପ୍ରକାଶିତ କରାଯାଇଛି ଯେଉଁଥିରେ ଶ୍ରମ ସୁବିଧା ପୋର୍ଟାଲରେ ପଞ୍ଜିକରଣ ଏବଂ ଲାଇସେନସିଂ ପାଇଁ ଆବେଦନ କରିବାର ବ୍ୟବସ୍ଥା ରହିଛି ।