ବିରୋଧୀ ମହାରାଲି : ନେତାଙ୍କୁ ନିଜ ହାତରେ ଖାଦ୍ୟ ପରସିଲେ ମମତା

ମମତା ଖୁବ୍‌ ଭଲ ପ୍ରଶାସକ, ଦେଶର ‌ନେତୃତ୍ବ ନେବାଭଳି ସବୁ କ୍ଷମତା ତାଙ୍କ ନିକଟରେ ରହିଛି
ଏଚ୍‌ ଡି କୁମାରସ୍ବାମୀ, କର୍ଣ୍ଣାଟକ ମୁଖ୍ୟମନ୍ତ୍ରୀ
ମୋଦୀ ଜଣେ ବାସ୍ତବ ଆକ୍ସନ୍‌ ହିରୋ, ମମତା ପ୍ରଧାନମନ୍ତ୍ରୀ ହେବାପାଇଁ ଉତ୍ତମ
ଶତ୍ରୁଘ୍ନ ସିହ୍ନା, ବିଜେପି ନେତା

ନୂଆଦିଲ୍ଲୀ : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନେତୃତ୍ବରେ ଗତ ଶନିବାର ଦିନ କୋଲକାତାରେ ହୋଇଥିଲା ବିରୋଧୀଙ୍କ ମହାରାଲି। ଏହି ମହାରୢାଲିରେ ୨୦ରୁ ଊର୍ଦ୍ଧ୍ବ ରା‌ଜନୈତିକ ଦଳର ପ୍ରାୟ ୨୫ ବିରୋଧୀ ଦଳ ନେତା ସାମିଲ ହୋଇଥିଲେ। ତେବେ ମହାରାଲିରେ ଅଂଶଗ୍ରହଣ କରିଥିବା ନେତାମାନଙ୍କୁ ମମତା କିଭଳି ସତ୍କାର କରିଛନ୍ତି ତା’ର ଏକ ଫଟୋ ଏବେ ସୋସିଆଲ୍‌ ମିଡିଆରେ ଭାଇରାଲ୍‌ ହୋଇଛି। ନିଜେ ମୁଖ୍ୟମନ୍ତ୍ରୀ ମମତା ନେତାମାନଙ୍କୁ ଖାଦ୍ୟ ପରସୁଥିବାର ଏକ ଫ‌ଟୋ ଏବେ ସୋସିଆଲ ମିଡିଆରେ ପ୍ରସାରିତ ହୋଇଛି। ମମତା ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ ଏବଂ ପଟିଦାର ନେତା ହାର୍ଦ୍ଦିକ ପଟେଲ୍‌ଙ୍କୁ ନିଜ ହାତରେ ଖାଦ୍ୟ ପରସୁଥିବା ଦେଖିବାକୁ ମିଳିଛି। ଆପ୍ ଦଳର ଜଣେ ସୋସିଆଲ ମିଡିଆ ଷ୍ଟ୍ରାଟେଜିଷ୍ଟ୍‌ ଅଙ୍କିତ୍‌ ଲାଲ୍‌ଙ୍କ ଦ୍ବାରା ଏହି ଫ‌ଟୋ ଟ୍ବିଟରରେ ସେୟାର କରିଛନ୍ତି।। ତେବେ ସୋସିଆଲ୍‌ ମିଡିଆରେ ମମତାଙ୍କର ଏହି ଫଟୋ ଛାଇଯିବା ପରେ ଏବେ ମମତାଙ୍କୁ ବିଭିନ୍ନ ମହଲରୁ ଉଚ୍ଚ ପ୍ରଶଂସା କରାଯାଇଛି।