ଭାରତର ଆରୋଗ୍ୟ ହାର ୩୧.୭ %, ମୃତ୍ୟୁହାର ବିଶ୍ୱହାର ଠାରୁ କମ : ସ୍ୱାସ୍ଥ୍ୟମନ୍ତ୍ରୀ ଡଃ ହର୍ଷବର୍ଦ୍ଧନ
ନୂଆଦିଲ୍ଲୀ : ଦେଶର କରୋନା ସଂପର୍କିତ ଆରୋଗ୍ୟ ହାର କ୍ରମାଗତଭାବେ ବୃଦ୍ଧି ପାଇଚାଲିଛି । ଏବେ ତାହା ୩୧.୭ ପ୍ରତିଶତରେ ପହଞ୍ଚିଛି ବୋଲି କହିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡଃ ହର୍ଷବର୍ଦ୍ଧନ ।
Sambad is now on WhatsApp
Join and get latest news updates delivered to you via WhatsApp
ସାମ୍ବାଦିକମାନଙ୍କୁ ସେ କହିଛନ୍ତି ଆମର ଆରୋଗ୍ୟ ହାର କ୍ରମାଗତ ଭାବେ ବଢିଚାଲିଥିବାବେଳେ ଆମର ମୃତ୍ୟୁହାର ବିଶ୍ୱରେ ସର୍ବନିମ୍ନ ସ୍ତରରେ ରହିଛି । ବିଶ୍ୱରେ କରୋନା ଜନିତ ମୃତ୍ୟୁହାର ୭ରୁ ୭.୫ ପ୍ରତିଶତ ଥିବାବେଳେ ଭାରତର ମୃତ୍ୟୁହାର ମାତ୍ର ୩.୨ ପ୍ରତିଶତ ରହିଛି ।
ଆଜି ପ୍ରକାଶିତ ସ୍ୱାସ୍ଥ୍ୟ ମନ୍ତ୍ରାଳୟ ତଥ୍ୟ ଅନୁସାରେ ଦେଶର ମୋଟ କରୋନା ସଂକ୍ରମିତଙ୍କ ସଂଖ୍ୟା ୭୦ ହଜାର ଟପିଯାଇଛି । ଏହା ମଧ୍ୟରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୪୬୦୦୮ ଥିବାବେଳେ ମୃତ୍ୟୁସଂଖ୍ୟା ୨୨୯୩ ରହିଛି । ତେବେ ଦେଶରେ ଏପର୍ଯ୍ୟନ୍ତ ୨୨୪୫୪ ଜଣ ଆରୋଗ୍ୟ ଲାଭ କଲେଣି ବୋଲି ମନ୍ତ୍ରାଳୟ ପକ୍ଷରୁ ଆଜି ସକାଳେ ଜାରି ତଥ୍ୟରୁ ଜଣାପଡ଼ିଛି । ଏହା ଫଳରେ ଦେଶର ଆରୋଗ୍ୟ ହାର ୩୧.୭ ପ୍ରତିଶତକୁ ବୃଦ୍ଧି ପାଇଛି ଯାହାକି ମାସକ ତଳେ ମାତ୍ର ୮ ପ୍ରତିଶତ ଥିଲା । କିନ୍ତୁ ମୃତ୍ୟୁହାର ଗତ ପ୍ରାୟ ଏକ ମାସ ହେଲା ସ୍ଥିର ରହିଛି ।
ଦେଶରେ ମହାରାଷ୍ଟ୍ରରେ ସବୁଠାରୁ ଅଧିକ ସଂକ୍ରମଣ ମାମଲା ଥିବାବେଳେ ତା ପଛକୁ ଗୁଜୁରାଟ ଓ ଦିଲ୍ଲୀ ଅଛନ୍ତି ।