ନୂଆଦିଲ୍ଲୀ: ଭାରତ ଜନସାଧାରଣଙ୍କୁ କଥା କୁହାଇ ନ ଦେବା ଦେଶ ହୋଇପାରିବ ନାହିଁ ଶୁକ୍ରବାର ଦିନ ରାହୁଲ୍‌ ଗାନ୍ଧୀ କେନ୍ଦ୍ର ସରକାର ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ତୀବ୍ର ସମାଲୋଚନା କରିଛନ୍ତି।

Advertisment

ଲଣ୍ଡନ୍‌ରେ ଆୟୋଜିତ ‘ଆଇଡିଆଜ୍‌ ଫର୍‌ ଇଣ୍ଡିଆ’ ସମ୍ମିଳନୀରେ ରାହୁଲ୍‌ ଗାନ୍ଧୀ କହିଛନ୍ତି, ପ୍ରଧାନମନ୍ତ୍ରୀଙ୍କର ‘ମୁଁ ଶୁଣିବାକୁ ଚା‌ହେଁ’ ମନୋବୃତ୍ତି ରହିବା ଆବଶ୍ୟକ। ସେହି କଥାରୁ ହିଁ ସମସ୍ତ ଜିନିଷର ପରିପ୍ରକାଶ ଘଟେ। କିନ୍ତୁ, ଆମ ପ୍ରଧାନମନ୍ତ୍ରୀ ଶୁଣନ୍ତି ନାହିଁ। କଥା କୁହାଇ ଦେଉ ନ ଥିବା ଦେଶ ଆପଣ ପାଇବେ ନାହିଁ କି, ଅବାଧରେ କଥା କହି ପାରୁ ନ ଥିବା ପ୍ରଧାନମନ୍ତ୍ରୀ ମଧ୍ୟ ଆପଣ ଦେଖିବେ ନାହିଁ।

publive-image Image Courtesy of The Asian Age

ଆଲୋଚନା ସମୟରେ ରାହୁଲ୍‌ ‘ବିଜେପି’ ଏବଂ ‘ଆର୍‌ଏସ୍‌ଏସ୍‌’କୁ ମଧ୍ୟ ସମାଲୋଚନା କରିବାକୁ ପଛାଇ ନାହାନ୍ତି। ସେ କହିଛନ୍ତି, ଆମେ ଭାବନ୍ତି, ଭାରତ ହେଉଛି ତା’ର ଜନସାଧାରଣଙ୍କ ମଧ୍ୟରେ ହୋଇଥିବା ବୁଝାମଣା; କିନ୍ତୁ, ‘ବିଜେପି’ ଏବଂ ‘ଆର୍‌ଏସ୍‌ଏସ୍‌’ ଭାବନ୍ତି ଭାରତ ଗୋଟାଏ ଭୂଗୋଳ। ସେ ଭୂଗୋଳ ହେଉଛି ଗୋଟାଏ ସୁନାଚଢ଼େଇ, ଯାହାର ଲାଭ କର୍ମ ଆଧାରରେ ଅଳ୍ପ କେତେ ଜଣଙ୍କ ମଧ୍ୟରେ ବଣ୍ଟନ କରାଯିବା ଉଚିତ। ଆମ ବିଚାରରେ ଦଳିତ ହୁଅନ୍ତୁ କି, ବ୍ରାହ୍ମଣ ହୁଅନ୍ତୁ ସମସ୍ତେ ସମ ଭାବରେ ଉପକୃତ ହେବା ଉଚିତ। ଏହା ହିଁ‌ ହେଉଛି ପ୍ରକୃତ ବିବାଦ।

publive-image Image Courtesy of The Print

ବିଶ୍ବ ପାଇଁ ଭାରତୀୟ ଗଣତନ୍ତ୍ର ହେଉଛି କେନ୍ଦ୍ରୀୟ ନଙ୍ଗର ବୋଲି ସେ କହିଛନ୍ତି। ଭାରତରେ ଗଣତନ୍ତ୍ର ହେଉଛି ବୈଶ୍ବିକ ସାର୍ବଜନିକ ମଙ୍ଗଳକାରୀ। ବିଶ୍ବ ପାଇଁ ଏହା ହେଉଛି କେନ୍ଦ୍ରୀୟ ନଙ୍ଗର। କାରଣ ଆମେ ହିଁ ଏତେ ବଡ଼ ଗଣତନ୍ତ୍ର ବଜାୟ ରଖିପାରିଛନ୍ତି। ଏଥିରେ ଗୋଳମାଳ ହେଲେ, ସମଗ୍ର ବିଶ୍ବରେ ସମସ୍ୟା ସୃଷ୍ଟି ହେବ। ଏବେ ସେହି ପ୍ରକାରର ସମସ୍ୟା ଯୁକ୍ତରାଷ୍ଟ୍ର ଆମେରିକାରେ ଅନୁଭୂତ ହେଉଛି।