ଡବଲ ମୁଖ୍ୟମନ୍ତ୍ରୀ ! ସରକାର ଗଠନ ହେଲେ ରହିବେ ଦୁଇ ଜଣ ମୁଖ୍ୟମନ୍ତ୍ରୀ ଓ ତିନି ଜଣ ଉପମୁଖ୍ୟମନ୍ତ୍ରୀ: ଓୱେସି
ଲଖନଉ: ଉତ୍ତରପ୍ରଦେଶ ବିଧାନସଭା ନିର୍ବାଚନର ବିଗୁଲ ବାଜିସାରିଥିବାବେଳେ ଏବେ ନେତାମାନେ ଜନତାଙ୍କ ଉପରେ ପ୍ରତିଶ୍ରୁତିର ପାହାଡ ଲଦିବାରେ ଲାଗିଛନ୍ତି | ଏଆଇଏମ୍ଆଇଏମ୍ ମୁଖ୍ୟ ତଥା ହାଇଦ୍ରାବାଦ ସାଂସଦ ଆସାଦୁଦ୍ଦିନ ଓୱେସି ଶୁକ୍ରବାର ଦିନ ଏକ ବଡ଼ ଘୋଷଣା କରିଛନ୍ତି। ସେ କହିଛନ୍ତି ଯେ ଯଦି ଉତ୍ତରପ୍ରଦେଶରେ ଆମର ମିଳିତ ସରକାର ଗଠନ ହୁଏ ତେବେ ଦୁଇ ଜଣ ମୁଖ୍ୟମନ୍ତ୍ରୀ ଏବଂ ତିନି ଜଣ ଉପ-ମୁଖ୍ୟମନ୍ତ୍ରୀ ହେବେ।
Sambad is now on WhatsApp
Join and get latest news updates delivered to you via WhatsApp
ୟୁପି ନିର୍ବାଚନ ପାଇଁ ଆସାଦୁଦ୍ଦିନ ଓୱେସି ମଧ୍ୟ ଏକ ମିଳିତ ମଞ୍ଚ ଘୋଷଣା କରିଛନ୍ତି। ଏହି ଅବସରରେ ସେ ସମାଜବାଦୀ ପାର୍ଟି ସହ ବିଜେପିକୁ ମଧ୍ୟ ଟାର୍ଗେଟ କରିଛନ୍ତି । ଅଲ ଇଣ୍ଡିଆ ମଜଲିସ୍-ଇ-ଇଥାହାଦୁଲ ମୁସଲିମନ୍ (ଏଆଇଏମ୍ଆଇଏମ୍) ମୁଖ୍ୟ ଅସଦୁଦ୍ଦିନ ଓୱାଇସି ଶନିବାର ଦିନ ବାବୁ ସିଂ କୁଶୱା ଏବଂ ଭାରତ ମୁକ୍ତି ମୋର୍ଚ୍ଚା ସହ ଏକ ମେଣ୍ଟ ଘୋଷଣା କରିଛନ୍ତି। ଏହି ସମୟରେ ସେ ଦଳିତଙ୍କ ନିକଟରେ ପହଞ୍ଚିବା ପାଇଁ ଯଥାସମ୍ଭବ ଚେଷ୍ଟା କରିଥିଲେ।
ସେ କହିଛନ୍ତି ଯେ ଯଦି ମିଳିତ ମେଣ୍ଟ କ୍ଷମତାକୁ ଆସେ, ତେବେ ୫ ବର୍ଷର କାର୍ଯ୍ୟକାଳ ମଧ୍ୟରେ ଦୁଇଜଣ ମୁଖ୍ୟମନ୍ତ୍ରୀ ରହିବେ, ଜଣେ ଦଳିତ ସମ୍ପ୍ରଦାୟର ଏବଂ ଜଣେ ଓବିସି ସମ୍ପ୍ରଦାୟର ହେବେ । ସେହିପରି ୩ଜଣ ଡେପୁଟି ସିଏମ ବା ଉପମୁଖ୍ୟମନ୍ତ୍ରୀ ରହିବେ, ସେମାନଙ୍କ ମଧ୍ୟରୁ ଜଣେ ମୁସଲମାନ ସମ୍ପ୍ରଦାୟର ହେବେ।