ଆତଙ୍କବାଦୀ ଆକ୍ରମଣ  : ପୁଣି ପ୍ରଭାବିତ ହେବ କଶ୍ମୀରର ପର୍ଯ୍ୟଟନ

ପହଲଗାମ: ମଙ୍ଗଳବାର (୨୨ ଏପ୍ରିଲ) ଜମ୍ମୁ ଏବଂ କାଶ୍ମୀରର ପହଲଗାମରେ ଆତଙ୍କବାଦୀମାନେ ପର୍ଯ୍ୟଟକଙ୍କ ଉପରେ ଆକ୍ରମଣ କରିଥିଲେ। ଏହି ଆତଙ୍କବାଦୀ ଆକ୍ରମଣ ପଛରେ ପାକିସ୍ତାନର ହାତ ଥିବା ସଂଦେହ କରାଯାଉଛି। 

ସୂତ୍ର ଅନୁସାରେ, ଦୁଇରୁ ତିନି ଜଣ ଆକ୍ରମଣକାରୀ ପୁଲିସ ପୋଷାକ ପିନ୍ଧିଥିଲେ ଏବଂ ପର୍ଯ୍ୟଟକମାନଙ୍କୁ ସେମାନଙ୍କ ନାମ ଓ ଧର୍ମ ପଚାରି ଗୁଳି ମାରିଥିଲେ । ଏପର୍ଯ୍ୟନ୍ତ ଆତଙ୍କବାଦୀମାନେ ସେନା ପୋଷାକ ପିନ୍ଧି ଆକ୍ରମଣ କରୁଥିଲେ, କିନ୍ତୁ ପ୍ରଥମ ଥର ପାଇଁ ସେମାନେ ପୁଲିସ ପୋଷାକରେ ଆସିଥିଲେ । ଏହି ଘଟଣା ଘାଟିକୁ ଆସୁଥିବା ପର୍ଯ୍ୟଟକମାନଙ୍କ ମଧ୍ୟରେ ଆତଙ୍କ ଖେଳାଇଦେଇଛି । ଏହା ଫଳରେ ଘାଟିର ପର୍ଯ୍ୟଟନ ଅର୍ଥନୀତି ପୁଣି ପ୍ରଭାବିତ ହେବାର ଆଶଙ୍କା ରହିଛି । କଶ୍ମୀରରେ ଧାରା ୩୭୦ ଉଚ୍ଛେଦ ପରେ କେନ୍ଦ୍ର ସରକାରଙ୍କ ଉଦ୍ୟମ ଫଳରେ ସ୍ଥିତି ଧୀରେ ଧୀରେ ସ୍ବାଭାବିକ ହେଉଥିଲା ଓ ପର୍ଯ୍ୟଟକମାନେ ଘାଟିକୁ ଫେରିବା ଆରମ୍ଭ କରିଥିଲେ । କିନ୍ତୁ ଆଜିର ଘଟଣା ପୁଣି କଶ୍ମୀର ଘାଟିକୁ ପଛକୁ ଫେରାଇନେବାର ଆଶଙ୍କା ରହିଛି ।

କଶ୍ମୀରରେ ଧାରା ୩୭୦ ଉଚ୍ଛେଦ ପରେ କେନ୍ଦ୍ର ସରକାରଙ୍କ ଉଦ୍ୟମ ଫଳରେ ସ୍ଥିତି ଧୀରେ ଧୀରେ ସ୍ବାଭାବିକ ହେଉଥିଲା ଓ ପର୍ଯ୍ୟଟକମାନେ ଘାଟିକୁ ଫେରିବା ଆରମ୍ଭ କରିଥିଲେ । କିନ୍ତୁ ଆଜିର ଘଟଣା ପୁଣି କଶ୍ମୀର ଘାଟିକୁ ପଛକୁ ଫେରାଇନେବାର ଆଶଙ୍କା ରହିଛି ।

ଏହି ଆକ୍ରମଣ ପଛରେ ଆତଙ୍କବାଦୀ ସଂଗଠନ ଟିଆରଏଫ (ଦ ରେଜିଷ୍ଟାନ୍ସ ଫୋର୍ସ)ର ହାତ ଥିବା ସନ୍ଦେହ କରାଯାଉଛି। ଅମରନାଥ ଯାତ୍ରା କେବଳ ପହଲଗାମରୁ ଆରମ୍ଭ ହୁଏ। ଏହି ବର୍ଷ, ଅମରନାଥ ଯାତ୍ରା ୩ ଜୁଲାଇ, ୨୦୨୫ରେ ଆରମ୍ଭ ହୋଇ ୯ ଅଗଷ୍ଟ, ୨୦୨୫ରେ ରକ୍ଷା ବନ୍ଧନରେ ଶେଷ ହେବାର କାର୍ଯ୍ୟକ୍ରମ ଅଛି। ଏହି ଆକ୍ରମଣ ଏପରି ସମୟରେ ହୋଇଛି ଯେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସାଉଦି ଆରବ ଗସ୍ତରେ ଅଛନ୍ତି ଏବଂ ଆମେରିକାର ଉପରାଷ୍ଟ୍ରପତି ଜେଡି ଭାନ୍ସ ଭାରତ ଗସ୍ତରେ ଅଛନ୍ତି।