ପାକିସ୍ତାନ  ମୁଣ୍ଡରେ  ଚଡ଼କ , ଚୀନ ବି ବଞ୍ଚେଇପାରିଲା ନାହିଁ

2

ଇସ୍ଲାମାବାଦ: ଅନ୍ତର୍ଜାତୀୟ ବେଆଇନ ଅର୍ଥ କାରବାର ଉପରେ ନଜର ରଖୁଥିବା ସଂସ୍ଥା ଫାଇନାନ୍ସିଆଲ ଆକ୍ସନ ଟାସ୍କ ଫୋର୍ସ (ଏଫଏଟିଏଫ) ପକ୍ଷରୁ ପାକିସ୍ତାନକୁ ଟେରର ଫାଇନାନ୍ସିଙ୍ଗ ଓ୍ଵାଚଲିଷ୍ଟରେ ଅନ୍ତର୍ଭୁକ୍ତ କରିଛି । ଏ ସଂପର୍କରେ  ଏଫଏଟିଏଫ  ପକ୍ଷରୁ ଆନୁଷ୍ଠାନିକଭାବେ ଘୋଷଣା କରାଯାଇନଥିଲେ ମଧ୍ୟ କେତେକ ଅଧିକାରୀଙ୍କ ଉକ୍ତିକୁ ଉଦ୍ଧାର କରି  ଏକ ଅନ୍ତର୍ଜାତୀୟ  ସମ୍ବାଦ ସରବରାହ ସଂସ୍ଥା ପକ୍ଷରୁ ରିପୋର୍ଟ ପ୍ରକାଶ ପାଇଛି ।

ଏଫଏଟିଏଫର ଏହି ନିଷ୍ପତ୍ତି ପରେ ପାକିସ୍ତାନର ଦୁର୍ବଳ ଅର୍ଥନୀତି ଆହୁରି କ୍ଷତିଗ୍ରସ୍ତ ହେବାର ସମ୍ଭାବନା ରହିଛି । ବିଦେଶୀ ପୁଞ୍ଜି ଆସିବାରେ ମଧ୍ୟ ବାଧାସୃଷ୍ଟି ହେବ । ଅନ୍ୟପକ୍ଷରେ ଏହା ଦ୍ୱାରା ପାକିସ୍ତାନ ଓ ଆମେରିକା ମଧ୍ୟରେ ସମ୍ପର୍କ ଆହୁରି ଖରାପ ହେବା ସମ୍ଭାବନା ରହିଛି ।

ଆତଙ୍କବାଦକୁ ପାଣ୍ଠି ଯୋଗାଣ  କରୁଥିବାରୁ ପାକିସ୍ତାନକୁ ଏହି ତାଲିକାରେ ସାମିଲ କରିବାକୁ  ଆମେରିକା ଚାପ ପକାଉଥିଲା । କିନ୍ତୁ ଏ କ୍ଷେତ୍ରରେ ସାଉଦିଆରବ, ତୁର୍କୀ ଓ ଚୀନ ପାକିସ୍ତାନକୁ ସମର୍ଥନ କରୁଥିଲେ । ପାକିସ୍ତାନ ଯେପରି ଏହି ତାଲିକାରେ ସାମିଲ ନ କରିବାକୁ ଏହି ୩ଟି ଦେଶ ଚାପ ପକାଉଥିଲେ । ତେବେ ଶେଷ ମୁହୂର୍ତ୍ତରେ ଚୀନ ନିଜର ବିରୋଧକୁ ପ୍ରତ୍ୟାହାର କରିନେଇଥିଲା ।

ଡୋନାଲ୍ଡ ଟ୍ରମ୍ପ ଆମେରିକା ରାଷ୍ଟ୍ରପତି ହେବା ପରେ  ଆତଙ୍କବାଦ ପ୍ରସଙ୍ଗରେ ପାକିସ୍ତାନକୁ ବାରମ୍ବାର ଚେତାବନୀ ଦେଇଆସୁଥିଲେ । ଏହା ପୂର୍ବରୁ ପାକିସ୍ତାନକୁ ଆର୍ଥିକ ଅନୁଦାନ ମଧ୍ୟ ବନ୍ଦ କରିଦେଇଥିଲେ ।

ସମ୍ବନ୍ଧିତ ଖବର

Leave A Reply

Your email address will not be published.

2 Comments
  1. ସୁରେନ୍ଦ୍ର ବିରୁଆ says

    ଭଲ ନିଷ୍ପତ୍ତି।

  2. Umesh Dash. says

    China is playing dual role.no doubt china has taken his challaenge back that not to support pakistan but its a long term game.what china is eyeing is the cpec project.china knows well that it can manage pakistan in any way but not the whole world to complete the cpec.thats why it is pretending to be a good boy.but that’s not the case.