ନୂଆଦିଲ୍ଲୀ : ଅଜବ ଦେଶ ପାକିସ୍ତାନ ! ଦେସ ଦେବାଳିଆ ସ୍ଥିତିରେ ପହଞ୍ଚିଥିଲେ ମଧ୍ୟ ଦେଶକୁ ସୁଧାରିବା ବଦଳରେ କିପରି ଭାରତ ତଳିତଳାନ୍ତ ହେବ ସେଥିଲାଗି ଈଶ୍ୱରଙ୍କ ନିକଟରେ ପ୍ରାର୍ଥନା କରୁଛନ୍ତି । ଅବଶ୍ୟ ଜମ୍ମୁ ଓ କଶ୍ମୀରରୁ ଭାରତ ଧାରା ୩୭୦ ଉଠାଇଦେବା ପରେ ପାକିସ୍ତାନ ସବୁଆଡୁ ନିରାଶ ହେବା ପରେ ଏବେ କେବଳ ଈଶ୍ୱରଙ୍କୁ ଡାକିବା ଛଡା ଅନ୍ୟ ଉପାୟ ନାହିଁ ।
Sambad is now on WhatsApp
Join and get latest news updates delivered to you via WhatsApp
Where CM Khyber Pakhtunkhwa prays to DJ Wale Babu that India ka baja, baja de..?pic.twitter.com/jEYJ37KGfA
— Naila Inayat नायला इनायत (@nailainayat) August 30, 2019
ଆଜି ପାକିସ୍ତାନର ଖାଇବର ପଖତୁନଖ୍ଵାବା ରାଜ୍ୟରେ ଭାରତ ବିରୋଧରେ ଏକ ର୍ୟାଲି ହେଉଥିଲା । ଏଥିରେ ଏହି ରାଜ୍ୟର ମୁଖ୍ୟମନ୍ତ୍ରୀ ମେହମୁଦ ଖାଁ ଯୋଗ ଦେଇଥିଲେ । ଏହି ଅବସରରେ ସେ ଆଲ୍ଲାଙ୍କ ନିକଟରେ ପ୍ରାର୍ଥନା କରିକହିଥିଲେ ଯେ “ଆମ ପ୍ରତି ଦୟା ଦେଖାଅ ଓ ଭାରତର ବାଜା ବଜେଇ ଦିଅ” ( ଅର୍ଥାତ ଭାରତ ବିପଦରେ ପଡୁ) । ଏହାକୁ ଶୁଣି ଉପସ୍ଥିତ ଲୋକମାନେ ସମର୍ଥନ କରିଥିଲେ ମଧ୍ୟ ନିଜର ହସ ରୋକିପାରିନଥିଲେ ।
ଗତକାଲି ପାକିସ୍ତାନର ରେଳମନ୍ତ୍ରୀ ଶେଖ ରସିଦ ମୋଦୀଙ୍କ ବିରୋଧରେ ଭାଷଣ ଦେବା ବେଳେ ହଠାତ ତାଙ୍କ ହାତକୁ ବିଦ୍ୟୁତ ଝଟକା ଲାଗିଥିଲା । ଏହାକୁ ନେଇ ସବୁଆଡେ ଚର୍ଚ୍ଚା ହୋଇଥିଲା ।