ଆମର କୌଣସି ଦୋଷ ନାହିଁ, ଆମକୁ ଅଯଥାରେ ସଂପୃକ୍ତ କରାଯାଉଛି : ପୁଲଓ୍ଵାମା ଚାର୍ଜସିଟ ସଂପର୍କରେ ପାକିସ୍ତାନର ବୟାନ
ନୂଆଦିଲ୍ଲୀ : ଏନଆଇଏ ପକ୍ଷରୁ ଦାଖଲ ହୋଇଥିବା ପୁଲଓ୍ଵାମା ଚାର୍ଜସିଟକୁ ପାକିସ୍ତାନ ସରକାର ଖାରଜ କରିଦେଇଛନ୍ତି । ଅଯଥାରେ ପାକିସ୍ତାନକୁ ଏହି ଘଟଣାରେ ଯୋଡ଼ାଯାଉଛି । କିନ୍ତୁ ଏ ଘଟଣାରେ ଭାରତ ଉପଯୁକ୍ତ ପ୍ରମାଣ ଦେବାରେ ବିଫଳ ହୋଇଛନ୍ତି । କେବଳ ନିଜର ଜନତାଙ୍କୁ ପ୍ରଭାବିତ କରିବାକୁ ଏପରି ଚାର୍ଜସିଟ ପ୍ରସ୍ତୁତ କରାଯାଇଛି ବୋଲି ଇସ୍ଲାମାବାଦ କହିଛି ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନ ବୈଦେଶିକ ମନ୍ତ୍ରାଳୟ ପକ୍ଷରୁ ଜାରି ଏକ ବିବୃତିରେ କୁହାଯାଇଛି ଯେ ପାକିସ୍ତାନ ବିରୁଦ୍ଧରେ ଭରସାଯୋଗ୍ୟ ପ୍ରମାଣ ନଥିଲେ ମଧ୍ୟ ଏହି ଘଟଣାରେ ପାକିସ୍ତାନକୁ ଯୋଡ଼ାଯାଇଛି । ବିଜେପି ସରକାର ନିଜର ପାକ-ବିରୋଧୀକୁ ଏଜେଣ୍ଡାକୁ ଆଗେଇନେବାକୁ ଏପରି ମିଛ ଚାର୍ଜସିଟ ଦାଖଲ କରିଛନ୍ତି ।
ଗତ ୨୫ ତାରିଖରେ ୨୦୧୯ରେ ହୋଇଥିବା ପୁଲଓ୍ଵାମା ଆତଙ୍କବାଦୀ ଆକ୍ରମଣ ମାମଲାରେ ଜାତୀୟ ତଦନ୍ତକାରୀ ସଂସ୍ଥା (ଏନଆଇଏ) ନିଜର ଚାର୍ଜସିଟ ଦାଖଲ କରିଛି । ପ୍ରାୟ ୫ ହଜାର ପୃଷ୍ଠାର ଏହି ଚାର୍ଜସିଟରେ ପାକିସ୍ତାନ ଭିତ୍ତିକ ଆତଙ୍କବାଦୀ ସଂଗଠନ ଜୈସ-ଇ-ମହମ୍ମଦର ମୁଖ୍ୟ ମୌଲାନା ମାସୁଦ ଆଝାର, ତା ଭାଇ ଅବଦୁଲ ରୌଫ ଅସଗରକୁ ମୁଖ୍ୟ ଷଡ଼ଯନ୍ତ୍ରକାରୀ ବୋଲି ଦର୍ଶାଯାଇଛି । ଏଥିରେ ମଧ୍ୟ ମୃତ ଆତଙ୍କବାଦୀ ଉମର ଫାରୁକ ଓ ଆତ୍ମଘାତି ଆତଙ୍କବାଦୀ ଆଦିଲ ଅହମ୍ମଦ ଦରକୁ ଏହି ଆକ୍ରମଣ ପାଇଁ ଦାୟୀ କରାଯାଇଛି । ପୁଲଓ୍ଵାମା ଆକ୍ରମଣ ପରେ ଗିରଫ ହୋଇଥିବା ୬ ଜଣଙ୍କୁ ମଧ୍ୟ ଏହି ଆକ୍ରମଣରେ ସଂପୃକ୍ତି ଥିବା ଦର୍ଶାଯାଇଛି ।