ରୁଷ ପାଇଁ ଭଡ଼ାରେ ଯାଇଛନ୍ତି ପାକ୍ ସୈନିକ : ଜେଲେନସ୍କି

କିବ୍ : ରୁଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଜାରି ରହିଛି ଏବଂ ନିକଟ ଭବିଷ୍ୟତରେ ଏହା ବନ୍ଦ ହେବାର କୌଣସି ଲକ୍ଷଣ ଦେଖାଯାଉନାହିଁ । ଯୁଦ୍ଧ ମଧ୍ୟରେ, ୟୁକ୍ରେନୀୟ ରାଷ୍ଟ୍ରପତି ଭୋଲୋଡିମିର ଜେଲେନସ୍କି ଏକ ବଡ଼ ଦାବି କରି ଏକ ଚାଞ୍ଚଲ୍ୟ ସୃଷ୍ଟି କରିଛନ୍ତି। ଜେଲେନସ୍କି କହିଛନ୍ତି ଯେ ୟୁକ୍ରେନ ବିରୁଦ୍ଧରେ ଯୁଦ୍ଧରେ ପାକିସ୍ତାନୀ ଓ ଚୀନ ସୈନିକମାନେ ରୁଷ ପକ୍ଷରୁ ଲଢ଼ୁଛନ୍ତି। ଏପରିକି ଆଫ୍ରିକାରୁ ମଧ୍ୟ ଭଡ଼ାରେ ଲୋକ ଆସି ଲଢୁଛନ୍ତି । 

ୟୁକ୍ରେନର ରାଷ୍ଟ୍ରପତି ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ କହିଛନ୍ତି ଯେ ସେ ୟୁକ୍ରେନୀୟ ସେନାର ୧୭ତମ ମୋଟରାଇଜଡ୍ ଇନଫ୍ୟାଣ୍ଟ୍ରି ବାଟାଲିୟନର ସୈନିକମାନଙ୍କୁ ଭେଟିଛନ୍ତି। ଏଠାରେ ସେ ଭୋଭଚାନ୍ସକ୍ ଅଞ୍ଚଳର ପରିସ୍ଥିତି ବିଷୟରେ କଥା ହୋଇଥିଲେ। ସେ କହିଛନ୍ତି ଯେ ସେ ଯୁଦ୍ଧ ମୋର୍ଚ୍ଚାରେ ନିୟୋଜିତ କମାଣ୍ଡରମାନଙ୍କୁ ଭେଟିଛନ୍ତି। ସେ ତାଙ୍କ ପୋଷ୍ଟରେ ଲେଖିଛନ୍ତି, 'ଆମର ସୈନିକମାନେ ରିପୋର୍ଟ କରୁଛନ୍ତି ଯେ ଚୀନ୍, ତାଜିକିସ୍ତାନ, ଉଜବେକିସ୍ତାନ, ପାକିସ୍ତାନ ଏବଂ ଆଫ୍ରିକୀୟ ଦେଶରୁ ଭଡାଟିଆ ସୈନିକମାନେ ଯୁଦ୍ଧରେ ଅଂଶଗ୍ରହଣ କରୁଛନ୍ତି। ଆମେ ଏହାର ଜବାବ ଦେବୁ।'

ଏହା ପୂର୍ବରୁ ଜେଲେନସ୍କି କହିଥିଲେ ଯେ ୟୁକ୍ରେନ ଯୁଦ୍ଧରେ ରୁଷ ପକ୍ଷରୁ ଚୀନର ସୈନିକମାନେ ଲଢୁଛନ୍ତି । ଜଣେ ଚୀନ ସୈନିକଙ୍କୁ ଗିରଫ କରାଯାଇଛି ବୋଲି ସେ କହିଥିଲେ ।