ପାକିସ୍ତାନକୁ ଏଫଏଟିଏଫ୍ ଗ୍ରେ ତାଲିକାରେ ରଖିବାକୁ ଚାପ ପକାଇବ ଭାରତ

ନୂଆଦିଲ୍ଲୀ: ଅପରେସନ ସିନ୍ଦୂର ପରେ, ଭାରତ ପାକିସ୍ତାନ ବିରୁଦ୍ଧରେ ଆଉ ଏକ ବଡ଼ କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତ ହୋଇଛି। ପାକିସ୍ତାନକୁ ଗ୍ରେ ତାଲିକାରେ ସାମିଲ କରିବା ପାଇଁ ଭାରତ ଫାଇନାନ୍ସିଆଲ୍ ଆକ୍ସନ୍ ଟାସ୍କ ଫୋର୍ସ (ଏଫଏଟିଏଫ) ସହିତ କଥାବାର୍ତ୍ତା କରିବ। ଏଫଏଟିଏଫର କାମ ହେଉଛି ମନି ଲଣ୍ଡରିଂ ଏବଂ ଆତଙ୍କବାଦ ପାଇଁ ଆର୍ଥିକ ସହାୟତା ଉପରେ ନଜର ରଖିବା। ଏହା ଏକ ବିଶ୍ୱସ୍ତରୀୟ ସଂଗଠନ। ପାକିସ୍ତାନ ପୂର୍ବରୁ ମଧ୍ଯ ଏଫଏଟିଏଫର ଗ୍ରେ ତାଲିକାରେ ରହିଥିଲା। 

ପାକିସ୍ତାନ ଆତଙ୍କବାଦର ଏକ ଗଡ଼ ହୋଇଆସିଛି ଏବଂ ବର୍ଷ ବର୍ଷ ଧରି ଆତଙ୍କବାଦୀଙ୍କୁ ପାଣ୍ଠି ଯୋଗାଇ ଆସୁଛି। ଏହି କାରଣରୁ ତାଙ୍କୁ ଅନେକ ଥର ଏଫଏଟିଏଫ ଗ୍ରେ ଲିଷ୍ଟରେ ରଖାଯାଇଛି। ଆତଙ୍କବାଦୀ ପାଣ୍ଠି ଯୋଗାଣ ପାଇଁ ପାକିସ୍ତାନକୁ ଜୁନ୍ ୨୦୧୮ରେ ଏଫଏଟିଏଫ ଦ୍ୱାରା ଗ୍ରେ ତାଲିକାରେ ରଖାଯାଇଥିଲା, କିନ୍ତୁ ଅକ୍ଟୋବର ୨୦୨୨ରେ ଏହାକୁ ଗ୍ରେ ତାଲିକାରୁ ବାହାର କରିଦିଆଯାଇଥିଲା।

ପାକିସ୍ତାନ ଆତଙ୍କବାଦର ଏକ ଗଡ଼ ହୋଇଆସିଛି ଏବଂ ବର୍ଷ ବର୍ଷ ଧରି ଆତଙ୍କବାଦୀଙ୍କୁ ପାଣ୍ଠି ଯୋଗାଇ ଆସୁଛି। ଏହି କାରଣରୁ ତାଙ୍କୁ ଅନେକ ଥର ଏଫଏଟିଏଫ ଗ୍ରେ ଲିଷ୍ଟରେ ରଖାଯାଇଛି। ଆତଙ୍କବାଦୀ ପାଣ୍ଠି ଯୋଗାଣ ପାଇଁ ପାକିସ୍ତାନକୁ ଜୁନ୍ ୨୦୧୮ରେ ଏଫଏଟିଏଫ ଦ୍ୱାରା ଗ୍ରେ ତାଲିକାରେ ରଖାଯାଇଥିଲା, କିନ୍ତୁ ଅକ୍ଟୋବର ୨୦୨୨ରେ ଏହାକୁ ଗ୍ରେ ତାଲିକାରୁ ବାହାର କରିଦିଆଯାଇଥିଲା। ୨୦୦୮ରେ ପାକିସ୍ତାନକୁ ମଧ୍ୟ ଗ୍ରେ ତାଲିକାରେ ସାମିଲ କରାଯାଇଥିଲା, କିନ୍ତୁ ପରେ ୨୦୦୯ରେ ଏହାକୁ ବାହାର କରିଦିଆଯାଇଥିଲା। ୨୦୧୨ ଏବଂ ୨୦୧୫ ସମୟରେ ମଧ୍ୟ ସେ ଗ୍ରେ ତାଲିକାରେ ଥିଲା। କୌଣସି ଦେଶ ଏଫଏଟିଏଫ ଗ୍ରେ ତାଲିକାରେ ରହିଲେ  ଅନ୍ତର୍ଜାତୀୟ ସଂସ୍ଥାରୁ ପାଣ୍ଠି ଓ ଋଣ ପାଇବା କଷ୍ଟକର ହୋଇପଡ଼େ ।

କେବଳ ଏଫଏଟିଏଫ ନୁହେଁ, ପାକିସ୍ତାନକୁ କୌଣସି ପ୍ରକାରର ଋଣ ନ ଦେବାକୁ ବିଶ୍ବବ୍ୟାଙ୍କ ଉପରେ ବି ଚାପ ପକାଇବ ଭାରତ ।