ସତରେ କଣ ପାକିସ୍ତାନ ଚୀନରୁ ୪୮ଟି ଡ୍ରୋନ କିଣୁଛି ?

ନୂଆଦିଲ୍ଲୀ : ପାକିସ୍ତାନକୁ  ଚୀନ ପ୍ରାୟ ୪୮ଟି ଲଢୁଆ ଡ୍ରୋନ ପ୍ରଦାନ କରିବ ।  ବୋମା ଓ ମିସାଇଲ ନିକ୍ଷେପ କରିପାରୁଥିବା ଏସବୁ ଡ୍ରୋନର ନାଁ ହେଉଛି ଲୁଙ୍ଗ-୨ । ଏ ସଂପର୍କରେ ଚୀନ କୌଣସି ଘୋଷଣା କରିନାହିଁ, କିନ୍ତୁ ପାକିସ୍ତାନର ବାୟୁସେନା ନିଜର ଫେସବୁକ ପୋଷ୍ଟରେ ଘୋଷଣା କରିଛି । କିନ୍ତୁ ଏହାର ସତ୍ୟତା ନେଇ ସଂଦେହ ପ୍ରକାଶ ପାଇଛି । କାରଣ  ଏହି ୪୮ଟି ଡ୍ରୋନ ଚୀନ କେତେ ମୂଲ୍ୟ ନେଇ ଚୀନକୁ ବିକିବ ସେ ସଂପର୍କରେ ପାକିସ୍ତାନ ପକ୍ଷରୁ  କିଛି କୁହାଯାଇନାହିଁ ।  ୪୮ଟି ଲଢୁଆ ଡ୍ରୋନ ଚୀନ କେବେହେଲେ  ମାଗଣାରେ ଦେବ ନାହିଁ  ଓ ଅର୍ଥ ଦେଇ ଦେବାଳିଆ ସ୍ଥିତିରେ ଥିବା ପାକିସ୍ତାନ ଏଗୁଡିକୁ କିଣିପାରିବ ନାହିଁ । ତେବେ  ପାକିସ୍ତାନ କଣ ଚୀନକୁ ଜମି ଲିଜ ଦେଇ ବା ଚୀନଠାରୁ ଚଢା ସୁଧରେ ଋଣ ଆଣି ଏସବୁକୁ କିଣିବ ତାହାକୁ ନେଇ ସଂଦେହରେ ରହିଛନ୍ତି କିଛି ଆମେରିକୀୟ ସାମରିକ ବିଶେଷଜ୍ଞ ।

ତେବେ ଯଦି ବା ପାକିସ୍ତାନ ଏସବୁକୁ ହାସଲ କଲେ ଭାରତକୁ ସେତେଟା ଚିନ୍ତିତ ହେବାର କାରଣ ନାହିଁ ବୋଲୁ ବିଶେଷଜ୍ଞମାନେ କହିଛନ୍ତି । କାରଣ ଭାରତ ଋଷିଆଠାରୁ ହାସଲ କରିବାକୁ ଥିବା ଏସ-୪୦୦ ମିସାଇଲ ଡିଫେନସ ସିଷ୍ଟମର ରେଞ୍ଜରୁ କେହି ବର୍ତ୍ତି ପାରିବେ ନାହିଁ ।

ସମ୍ବନ୍ଧିତ ଖବର