ଟିଆରଏଫର ନାଁ ବଦଳାଇବ ପାକିସ୍ତାନ !

ନୂଆଦିଲ୍ଲୀ : ପୂର୍ବରୁ ଆମେରିକା କିମ୍ବା ଜାତିସଂଘ ପାକିସ୍ତାନର କୌଣସି ଆତଙ୍କବାଦୀ ସଂଗଠନ ଉପରେ କଟକଣା ଲାଗୁ କଲେ ପାକିସ୍ତାନ ଉକ୍ତ ସଂଗଠନର ନାଁ ବଦଳାଇ ପୁଣି ଥରେ ଆତଙ୍କବାଦୀ କାର୍ଯ୍ୟକଳାପ ଜାରି ରଖେ । ଏହା ଦ୍ବାରା ପାକିସ୍ତାନ ସମଗ୍ର ବିଶ୍ବକୁ ଠକିଆସିଛି । ଏଥର ବି ଠିକ ସେହିପରି କରିବାକୁ ଯାଉଛି ପାକିସ୍ତାନ ।

ପହଲଗାମ ଆକ୍ରମଣ କରିଥିବା ସଂଗଠନ ଦି ରେଜିଷ୍ଟାନ୍ସ ଫୋର୍ସ (ଟିଆରଏଫ)କୁ ଆମେରିକା ଏକ ଅନ୍ତର୍ଜାତୀୟ ଆତଙ୍କବାଦୀ ସଂଗଠନ ଘୋଷଣା କରିଛି । ଏହା ଲସ୍କର-ଇ-ତୋଇବାର ଏକ ଛଦ୍ମ ସଂଗଠନ ବୋଲି ଆମେରିକା ସ୍ବୀକାର କରିଛି ।

ପହଲଗାମ ଆକ୍ରମଣ କରିଥିବା ସଂଗଠନ ଦି ରେଜିଷ୍ଟାନ୍ସ ଫୋର୍ସ (ଟିଆରଏଫ)କୁ ଆମେରିକା ଏକ ଅନ୍ତର୍ଜାତୀୟ ଆତଙ୍କବାଦୀ ସଂଗଠନ ଘୋଷଣା କରିଛି । ଏହା ଲସ୍କର-ଇ-ତୋଇବାର ଏକ ଛଦ୍ମ ସଂଗଠନ ବୋଲି ଆମେରିକା ସ୍ବୀକାର କରିଛି । ଏହା ପାକିସ୍ତାନ ପାଇଁ ଏକ ଧକ୍କା ହେଲେ ବି ପାକିସ୍ତାନ ତାହାର ଗଳାବାଟ ବାହାର କରିବାକୁ ଉଦ୍ୟମ ଆରମ୍ଭ କରିଦେଇଛି । ପାକିସ୍ତାନର ଗୁଇନ୍ଦା ସଂସ୍ଥା ଆଇଏସଆଇ ଏହାର ନାଁ ବଦଳାଇବାକୁ ଯୋଜନା କରୁଛି ବୋଲି ଭାରତୀୟ ଗୁଇନ୍ଦା ସଂସ୍ଥାମାନେ ସୂଚନା ପାଇଛନ୍ତି । 

୨୦୧୯ରେ ଭାରତ ସରକାର ଜମ୍ମୁ ଓ କଶ୍ମୀର ଉପରୁ ଧାରା ୩୭୦ ହଟାଇବା ପରେ ପାକିସ୍ତାନ ପକ୍ଷରୁ ଦି ରେଜିଷ୍ଟାନ୍ସ ଫୋର୍ସ (ଟିଆରଏଫ) ସ୍ଥାପନ କରିଥିଲା । ଏହା ଏଲଇଟିର ଏକ ସଂଗଠନ ହୋଇଥିଲେ ବି ଏହାକୁ କଶ୍ମୀରବାସୀଙ୍କ ଆନ୍ଦୋଳନର ଏକ ରୂପ ବୋଲି ପାକିସ୍ତାନ ଦର୍ଶାଇଆସୁଥିଲା ।