ପାକିସ୍ତାନୀ ସୈନ୍ୟଙ୍କ ଗୁଳି ଚୋଟରେ ଭାରତୀୟ ସେନା କ୍ୟାପ୍ଟେନ୍ ଆହତ
ଜମ୍ମୁ: ମଙ୍ଗଳବାର ଦିନ ଜମ୍ମୁ ଓ କଶ୍ମୀର ଅନ୍ତର୍ଗତ ପୁଞ୍ଚ ଜିଲ୍ଲାସ୍ଥିତ ନିୟନ୍ତ୍ରଣ ରେଖା ଠାରେ ଅବସ୍ଥିତ ଭାରତୀୟ ପୋଷ୍ଟ୍ଗୁଡ଼ିକ ଉପରକୁ ପାକିସ୍ତାନୀ ସୈନିକମାନେ ଗୁଳି ଚଳାଇବାରୁ ଜଣେ ସେନା କପ୍ତାନ ଆହତ ହୋଇଥିବା କଥା ଅଧିକାରୀମାନେ କହିଛନ୍ତି।
ନିରାପତ୍ତା ବଳର ଜଣେ ଅଧିକାରୀ କହିଛନ୍ତି: ପାକିସ୍ତାନୀ ସେନା ଅସ୍ତ୍ରବିରତି ଉଲ୍ଲଙ୍ଘନ କରିଥିଲା। ମଙ୍ଗଳବାର ଦିନ ପୁଞ୍ଚ ଜିଲ୍ଲାର ଚକନ ଦା ବାଗ୍ ଅଞ୍ଚଳର ନିୟନ୍ତ୍ରଣ ରେଖା ଠାରେ ସେମାନେ ଗୁଳି ବର୍ଷଣ କରିଥିଲେ।
ଆହତ ସେନା କପ୍ତାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ବୋଲି ସେ କହିଛନ୍ତି।
ଭାରତୀୟ ସେନା ପାଲଟା ଗୁଳି ଚାଳନା କରିବାରୁ ବିଳମ୍ବିତ ରାତ୍ରୀ ଯାଏଁ ଗୁଳିଗୋଳା ବିନିମୟ ଚାଲିଥିଲା।
ପୁଞ୍ଚ୍ ଠାରେ ଭାରତୀୟ ସେନାର ପ୍ରତିଶୋଧାତ୍ମକ କାର୍ଯ୍ୟାନୁଷ୍ଠାନରେ ଜଣେ ମେଜର୍ଙ୍କ ସମେତ ସାତ ଜଣ ପାକିସ୍ତାନୀ ସେନା ନିହତ ହେବାର ଦିନକ ପରେ ପାକିସ୍ତାନର ଏହା ହେଉଛି ସଦ୍ୟତମ ଅସ୍ତ୍ରବିରତି ଉଲ୍ଲଂଘନ।
ନିୟନ୍ତ୍ରଣ ରେଖା ଠାରେ ଉତ୍ତେଜନା ବୃଦ୍ଧି ପାଇବା କାରଣରୁ କର୍ତ୍ତୃପକ୍ଷମାନେ ସୋମବାର ଦିନ ସୋମବାର ଦିନ ଚକନ ଦା ବାଗ ଏବଂ ରାଓ୍ଵାଲାକୋଟ୍ ମଧ୍ୟରେ ସୀମା ପାରି ବସ୍ ସେବା ଚଳାଚଳ ବନ୍ଦ ରଖା ଯାଇଥିଲା।
