ପହଲଗାମ୍‌ ଆକ୍ରମଣ ପରେ ଲଗାତର ପଞ୍ଚମ ଥର ପାଇଁ ଅନ୍ତ୍ରବିରତି ଉଲ୍ଲଂଘନ କଲା ପାକିସ୍ତାନ

ନୂଆଦିଲ୍ଲୀ: ପାକିସ୍ତାନୀ ସୈନ୍ୟମାନେ ଜମ୍ମୁ-କଶ୍ମୀରର ନିୟନ୍ତ୍ରଣ ରେଖା (ଏଲଓସି)ରେ ସୋମବାର ରାତିରେ ଲଗାତାର ପଞ୍ଚମ ଥର ପାଇଁ ଅସ୍ତ୍ରବିରତି ଉଲ୍ଲଂଘନ କରିଛନ୍ତି। ଭାରତୀୟ ସେନା ବି ପ୍ରଭାବଶାଳର ଭାବ‌ରେ ତାହାର ଜବାବ ଦେଇଛି ବୋଲି ଅଧିକାରୀମାନେ ଆଜି ସକାଳେ କହିଛନ୍ତି।

ଗତ ସପ୍ତାହରେ ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ବୃଦ୍ଧି ପାଉଥିବା ଉତ୍ତେଜନା ମଧ୍ୟରେ ଏହି ଗୁଳିଚାଳନା କୁପୱାରା ଏବଂ ବାରାମୁଲ୍ଲା ଜିଲ୍ଲା ଏବଂ ଅଖନୁର ସେକ୍ଟରର ବିପରୀତ ଅଞ୍ଚଳ ନିକଟରେ ହୋଇଥିଲା।

"୨୮-୨୯ ଏପ୍ରିଲ ରାତିରେ ପାକିସ୍ତାନ ସେନା କୁପୱାରା ଏବଂ ବାରାମୁଲ୍ଲା ଜିଲ୍ଲା ଏବଂ ଅଖନୁର ସେକ୍ଟରର ବିପରୀତ ଅଞ୍ଚଳରେ ନିୟନ୍ତ୍ରଣ ରେଖା ଦେଇ ଗୁଳିଚାଳନା କରିଥିଲା। ଭାରତୀୟ ସେନା ଏହି ଉତ୍ତେଜନାର ପ୍ରଭାବଶାଳୀ ଭାବରେ ଜବାବ ଦେଇଛି," ବୋଲି ସେନା ଏକ ବିବୃତିରେ କହିଛି।

ଗୁରୁବାର ରାତିରୁ ପାକିସ୍ତାନୀ ସୈନିକମାନେ ନିୟନ୍ତ୍ରଣ ରେଖା ପାଖରେ ଥିବା ବିଭିନ୍ନ ଭାରତୀୟ ସ୍ଥାନ ଉପରେ ଗୁଳିଚାଳନା କରୁଛନ୍ତି। ଏପର୍ଯ୍ୟନ୍ତ କୌଣସି କ୍ଷତିର ରିପୋର୍ଟ ମିଳିନାହିଁ।

ମଙ୍ଗଳବାର ଦିନ ଜଣେ ନେପାଳୀ ନାଗରିକଙ୍କ ସମେତ ୨୬ ଜଣଙ୍କ ମୃତ୍ୟୁ ଘଟିଥିବା ପହଲଗାମ ଆକ୍ରମଣ ସହିତ ସୀମା ପାର ଲିଙ୍କକୁ ଦୃଷ୍ଟିରେ ରଖି ଭାରତ ଗତ ବୁଧବାର ପାକିସ୍ତାନ ବିରୋଧରେ କଠୋର ପଦକ୍ଷେପ ଘୋଷଣା କରିଥିଲା।

ଏହି ପଦକ୍ଷେପଗୁଡ଼ିକ ମଧ୍ୟରେ ୬୫ ବର୍ଷ ପୁରୁଣା ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିବା, ଅଟାରୀ ସ୍ଥଳ-ସୀମା କ୍ରସିଂ ବନ୍ଦ କରିବା ଏବଂ ପାକିସ୍ତାନୀ ସାମରିକ ଆଟାଚିଙ୍କୁ ବହିଷ୍କାର କରିବା ଅନ୍ତର୍ଭୁକ୍ତ।

ଜବାବରେ ଇସଲାମାବାଦ ନୂଆଦିଲ୍ଲୀ ସହିତ ସମସ୍ତ ଚୁକ୍ତିନାମାକୁ ସ୍ଥଗିତ ରଖିବାକୁ ଧମକ ଦେଇଥିଲା। ଯେଉଁଥିରେ ୧୯୭୨ ସିମଲା ଚୁକ୍ତି ଅନ୍ତର୍ଭୁକ୍ତ। ଯାହା ଜମ୍ମୁ- କଶ୍ମୀର ଏବଂ ଲଦାଖରେ ନିୟନ୍ତ୍ରଣ ରେଖାକୁ ବୈଧ କରିଥାଏ।