ଜାତିସଂଘ ଦଳକୁ ହାଫିଜ୍‌କୁ ଭେଟିବାକୁ ଦିଆଯିବ ନାହିଁ : ପାକ୍‌

1

ଇସ୍ଲାମାବାଦ : କୁଖ୍ୟାତ ଆତଙ୍କବାଦୀ ତଥା ୨୬/୧୧ ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ହାଫିଜ୍‌ ସଇଦ୍‌କୁ ନେଇ ସାରା ଦୂନିଆରେ ଅପଦସ୍ତ ହେବା ସତ୍ତ୍ୱେ ନିଜର ମୁହଁଟାଣ ଛାଡ଼ନାହିଁ ପାକିସ୍ତାନ । ପାକିସ୍ତାନ ଗସ୍ତରେ ଆସୁଥିବା ଜାତିସଂଘ ଦଳକୁ ହାଫିଜ୍‌କୁ ଭେଟିବାକୁ ଅନୁମତି ଦିଆଯିବ ନାହିଁ ବୋଲି ପାକ୍‌ ସରକାର କହିଛନ୍ତି ।

ଜାତିସଂଘର ଏହି ଦଳ ଆସନ୍ତା ୨୫ ଓ ୨୬ ତାରିଖରେ ପାକିସ୍ତାନ ଗସ୍ତରେ ଯିବେ । ଏହା ଏକ ନିୟମିତ ଗସ୍ତ ବୋଲି ପାକ ସରକାର କହୁଛନ୍ତି । ଜାତିସଂଘ ଦ୍ୱାରା କଟକଣା ଲଗାଯାଇଥିବା ସଂଗଠନ ଗୁଡିକ ଉପରେ କଣ କାର୍ଯ୍ୟାନୁଷ୍ଠାନ ନିଆଯାଇଛି ସେ ସମ୍ପର୍କରେ ସୂଚନା ସଂଗ୍ରହ ପାଇଁ ଏହି ଦଳ ଆସୁଥିବା ପାକ୍‌ ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।

୨୦୦୮ରେ ମୁମ୍ବାଇ ଆକ୍ରମଣ ପରେ ଜାତିସଂଘ ପକ୍ଷରୁ ହାଫିଜ ସଇଦକୁ ଅନ୍ତର୍ଜାତୀୟ ଆତଙ୍କବାଦୀ ଘୋଷଣା କରାଯାଇଥିଲା । ଏହା ସହିତ ହାଫିଜ ସଇଦର ସଂଗଠନ ଜମାୟତ ଉଲ୍‌ ଦାଓ୍ଵାକୁ ଉପରେ କଟକଣା ଲଗାଯାଇଥିଲା । କିନ୍ତୁ ଜାତିସଂଘର କଟକଣାକୁ ଖାତିର ନକରି ପାକିସ୍ତାନ ତାକୁ ସବୁପ୍ରକାରର ସହାୟତା ଯୋଗାଇଚାଲିଥିଲା । କିନ୍ତୁ ପରେ ଅନ୍ତର୍ଜାତୀୟ ସମୁଦାୟର ଚାପ ବଢିବା ପରେ ପାକିସ୍ତାନ ସଇଦ୍‌କୁ ଗୃହବନ୍ଦୀ ରଖିଥିଲା । ତେବେ କିଛି ଦିନ ତଳେ ତାକୁ ମୁକ୍ତ କରାଯାଇଛି । ଏପରିକି ତା ବିରୁଦ୍ଧରେ କୌଣସି ମାମଲା ନଥିବା ସେଠାକାର ସରକାର କହୁଛନ୍ତି ।

ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. Meghna Ganguly says

    A few months ago a female was gangraped at Kunduli in Koraput.Even though their entire community organized for compensation of One Crore from Government and the respective victim was undergone treatment at Cuttack and her health condition was known to every person of her Caste she was been received dead at Koraput Hospital.The State Government has made a Judicial Enquiry into the Case a few months ago which may reveal the possible reasons and causes.Cruel people will do murders and they propagate the case as suicide.